Mataafa Saamu'eeli a paayyota 4:18 - Mataafa Qulqulloota

¹⁸ Ete namase taapota Waaqa maxxa daweeyye, Eeli xarrase a katama kapaayye parjumaadi qara iskammandesa pi'e. Ka qoota nama qime kodde ka ulsi malla xolmaandesa qepe ka to'e. Isha para kunda afuri Isira'eeli qara taanynyume.

Mataafa Saamu'eeli a paayyota 4:18 ပူးပေါင်းရင်းမြစ်များ

Mataafa Masmuureta 26:8

Oo Waaqqo! Tikaayti a' kara kalto ka porase a ulfeenaayti oppa co, in jaalade.

Mataafa Masmuureta 42:10

Oto paarakaalaayyo awta piisa, ana' kiinaane, “Waaqaayti aysha cayye?” Ka ana qara seesnaaneeyye, laftoppa ana' dakaanni.

Mataafa Masmuureta 42:3

Oto orra awta piisa ana' kiino, “Ata waaqaayti ayshaayye caayye?” Anti halkeetta ka kuyyaata piisa, pooytaawwen koda' kodanni.

Mataafa Masmuureta 69:9

Yoota an tikaayti' qapo ana kupni; otitta a orra ke onno ka ana qara kaye.

Mataafa orra Lewi 10:3

Muuse ka Arooni kide, “Ha sede wa Yaahiwwe turanneew haasawade ka kide, ‘Anti a ana turopa dehaanna piisa oppa'en qulqullumaayyo akkisha ka samaytiyyo piisa tura ulfeena akkada.’” Arooni ka oori jaw kide.

Mataafa Taanynyada 15:20

Somsooni ka sapana Filisteemeta piddampaya kodditeeyye, para kunda lakki Isira'eeli qara taanynyume.

Mataafa Saamu'eeli a paayyota 4:13

Ete eeyye kayeeyye, Eeli qoota taapota Waaqa malla qaapni ka parjumaadi qara pora kapa kuti'e ka minaadesa tooyanni. Ete namase katamaappa kaye ka otoota leleeyye, katama piisa ka ullupitta xaashen.

Mataafa Saamu'eeli a paayyota 4:17

Namase otootan kale ka ishi oorshe ka kide, “Ha orra Isira'eeli alle Filisteemeta tura qahe. Xelase a oranna oppa orra kuttayta ka pirame. Hellaatti lakki Hofini isho Finihaasi kuli ka le'en taapota Waaqa nefo ipoojamte.”

Mataafa Saamu'eeli a paayyota 4:19

Haantota a innaadi a Finihaasi sitiiyyi, inna karittoppa qapta ka xaaya kayte. Ete otootase a poojamitta taapota Waaqa isho a toota diirtaadi ka a aappa opa diirtaadi dakayteeyye, xaaya isheetta qape, ikka kilpiippatte ka xaayte.