Mataafa Saamu'eeli a paayyota 4:10 - Mataafa Qulqulloota

¹⁰ Filisteemeta ka oranase torpite ka Isira'eeli putte. Nama piisa ka alle tukkanaadi kelopa qahe. Orra kuttayta ka pirame Isira'eletoppa xela oranna a loqqaan anna nama kuma kunda sessa ka pirame

Mataafa Saamu'eeli a paayyota 4:10 ပူးပေါင်းရင်းမြစ်များ

Mataafa Saamu'eeli a lammatta 18:17

Ka Apseloomi qeeden ka mura kara qaawa seka karopa isha katen ka qaropa dakadda tuulen. Isira'eeleta piisa ka tikkaasso opa qahate.

Mataafa Saamu'eeli a lammatta 18:7

Xela Isira'eeli ka xela Taawwiti tura putame; kuyyaasetiiyyi orra pirame ka ollin koope; nama kuma kunda lakki ka le'e.

Mataafa Saamu'eeli a lammatta 19:8

Nuqusase ka xa'e ka xarra katama kapa kuti'e. Ikka xelase a oranna piisa lelen ka kidene, “Ha nuqusa xarra katama kapa'e kuti'e. Xela piisa ka nuqusa turopa dehaade. Artosen karan Isira'eeleta piisa ka tikkaasso opa alle qahate.

Mataafa Saamu'eeli a lammatta 20:1

Tiyyoolayta takka Shepaa'i kidammo inna Pikkiri a kafa Piniyaami kodde ka Kelkela kara kala ka kaasa dawe ka kide, “Oo Isira'eeli Taawwiti quda qoottota an qapno! Inna Isseyi quda lehna wati an qapnooy, nama piisa a alle tikaadipa kalo.”

Mataafa a Nuqussa a paayyota 12:16

Samaytase a Isira'eeli piisa akkima Roopi'aami kaassumaadi oorissa tiite akkeeyye, i'olli kide, “Ata ino allu qerayta maana'en Taawwiti olliiyyi qapna? Samayya Isira'eeli, qerayta an Taawwiti inna Isseyi olli qapno in cooy, ata kela tikaaytipa kalen. Atti Taawwiti oori tikaayti tooytaado!” Samayta Isira'eeli piisa ka oori tikaadipa alle kale.

Mataafa a Nuqussa a paayyota 22:36

Ete letta dummittooyye, saleeta ka xela oranna oppa xaate ka kiini, “Nama piisa a piitaadi isho katamaadipa alle kalo.”

Mataafa a Nuqussa a lammatta 14:12

Isira'eeleta ka Yihutaata putte; nama piisa ka alle tikaadipa qahe.

Mataafa Otoowwa a lammatta 13:17

Apiya isho xelaadi ka a kuttati ishootta miidden; xormewwa a oranna a Isira'eeli oppaayye nama kuma dippa ken ka pirame.

Mataafa Otoowwa a lammatta 25:22

Isira'eeleta ka Yihutaata putte; nama piisa ka alle tikaadipa qahe.

Mataafa Masmuureta 78:9

Hellaa Efreemi kadi punu meeha oranna' hidaden ka paanta qapaden' nefooyye, kuyyaata orannaati alle'e iskamandesa qahen.

Xuuma Ermiyaasi 7:12

Seelose an xatta akka maxxiyyo kara halaamo'e, kodepa aana; ka neequmta a samaytiyyo a Isira'eeli minan waan eyye kara kode tooya”

Mataafa orra Lewi 26:17

Anka ilda miiratin ishin tooyya; nyaapaayshin ka ishin puta; a ishin needda ka ishin piddan; akka a nama ishin daanni in kinnin mali pora qahatan.

Mataafa oppa' Ooreta 28:15

Ma xoori oton Yaahiwwe Waaqaayti'i afa a dakayni a kinniniiyyi taaki ajajaadi isho taantetaadi an awwe ke daanno piisa qanqannisso a kooni a kinniniiyyi, jiijoosen piisa ke qara kaya ka ke qara pira.

Mataafa oppa' Ooreta 28:25

Yaahiwwe akka nyaapaayti tura putamto'e koda, akka qinda takkan ishootta torpa tulta ka qinda tappaan tura qahata ka mankistewwa a piita piisa tura'e, qora tammaqta koddita.

Mataafa Saamu'eeli a paayyota 3:11

Waaqa ka ishi kide, “Tin anti wa nama dakayo piisa tammaqsha takkanen dehaynittoppa Isira'eeli kara koda.

Mataafa Saamu'eeli a paayyota 4:2

Filisteemeta ka Isira'eeleta torpeeta porra qapatte ete orana ollin koopeeyye, Filisteemeta ka Isira'eeleta putte. Ka orannaappa nama kuma afuri mina co ishoottoppa lesse.