Sitiiyyi, nuqusase Apimeleki aappase Fiikoli kidammo ka orraadi a oranna ajajino ollinni Aprihaami kapoopa aanen ka ishi' kide, “Wa' koonitta pisa oppa akka Waaqa ke olli co in akke.
Tooy! anti ke ollin caada ka pora oppopa annitto pisa oppa ke tooyta ka piisse are kitto oppopa nakaytan ke oorsha. Xaxa an ke' kale piisa in ke' dikkesha, umma alle an ke an diisho.” Olsaappan akke.
Oto' pishaappan taripinittaneeyye, anti ishin ollin caada; oto kirradaappan tuullinittaneeyye, karopa a' jimmitan; oto apitta karan annittaneeyye ishin in kupo, umma opaya apitta, ishin in xaalaysho.
Anti qaaleta orxaytiyyo'en dukaysanni; ka dehaama orra ana erkammooti fulaan kayni; ka qoota Yursaalamiti desa kiini, ‘Orra kara' kallaada,’ Ka qoota katamadda Yihutaati desa kiini, ‘Iqupaman tikkaasso a qitqite ka dawaman.’
Erkampattootase ka Enentase kapopa deete ka isheetta kiite, “Enenta! ke a daassata Waaqatin immakaatte, Waaqa ke olli caay, nakayta a ke koddo! [Atti iskattoppaayye a eeppisamte.”]
Arepadesa hellaanno a kiristaanatiiyyi! Nakaytan cada. Ka qaja mali kallaada ka dehamiyyo dakaya ka afaa olli' dakaya ka nakaytan kallaada. Waaqase a jaalala ka a nakayta ishin olli caadaay.
Amma oori nuqusase tin isha ishin mukinni anti in kere ka arreede tin hellaayyo nefo ishin oppaayye caan. Anti an shakki paayyatten haka awweti ishin mukshe.
Orxayaasene oppa takka ka kide, “Inna takkan kehayta fayya dawa saha, a Isseyi a Peetelehemitta'en akke. Isha xarjaallitta ka xorma oranna pare. Ka ooka haasa, Waaqa kuli ka isha olli ca.
Orxaytase ka ishi oorshe ka kide, “Tin katamoosen karaayye nama takka a Waaqa'e ca. Isha nefo nama ulfeessammo wa kiina piisa ka koddinaan takkapunu saanta an qara ishootta faano ino akeekaay, eeyyepa anna.