Mataafa Saamu'eeli a paayyota 27:8 - Mataafa Qulqulloota

⁸ Taawwiti isho xelaadi a oranna ka ollin tuulen ka Keshuurata ka Kerisaata ka Amaaleqeeta torpen. Samayse a torpen xattaaw piisse Suuri paayyatte haka Kipsiti kitto oppa kalan.

Mataafa Saamu'eeli a paayyota 27:8 ပူးပေါင်းရင်းမြစ်များ

Mataafa Saamu'eeli a lammatta 14:23

Iyo'aapi ka xa'e ka Keshuuripa aane ka Apseloomi qeede ka Yursaalamipan kale.

Mataafa Saamu'eeli a lammatta 14:32

Apseloomi ka ishi oorshe ka kide, “Eten ke halaaccisnooyye qoota a deenin malla akka nuqusa kapopa anto ka isha kaassatto ka kiito, Apseloomi ikiini, ‘Ata kuli maana mallan Keshuuri kara kale? Katin eeyye'ew tawe ana wayyi.’ mallan nessa ke kamma erke. Semmalla amma aane anka fuula nuqusa akko; oton dapa ana qara caayye, ikka kapa alle ana ishsho.”

Mataafa Saamu'eeli a lammatta 15:8

Anti orxaytaayti an piita Sooriyatiiyyi Keshuuri kara kalooyye, xasan Waaqa daasade ka kide, “Dukaatan otoni iWaaqa Yursaalamipa anan kaleeyye, Keprooni kara'en ishi sakatada.”

Mataafa Saamu'eeli a lammatta 3:22

Eennow sitiiyyi, xela a Taawwiti a oranna Iyyo'aapi olliiyyi tuule kela kale ka poojeta kuttayteetan kale. Ma xoori sitiiyyi, Apeneeri Taawwiti olliiyyi Keprooni kara in co. Maana malla, Taawwiti i'isqara isha xaashe ikka nakaytan kaleey.

Mataafa Saamu'eeli a lammatta 3:3

Innaadi lammatta Kili'aapi, a iskatteetase a katama Qermeloosi a Naapaali qara to'e xaayte. Innaadi a sessatta Apiseloomi, a Maa'ikka enetase a Talmaayi a nuqusa Keshuuri xaayte.

Mataafa Otoowwa a paayyota 2:23

Keshuuri isho Araami xoori palewwa Yaa'iri isho a Qenaati kapandesa ca paleeta kunda lehi ollin isha qara qeeden. Sene piisa tooy sanynyeeta Maakiri a aappa opa Kele'aadi.

Mataafa Sooketa 15:22

Sekkammaayye Muusi ka samaytase a Isira'eeli pakateetase tiima kapa qeede ka koommayta Suuri oppanxata ishoottan aane ikka haka kuyyaata sessaati koommayse oppa aanen; umma pisha nefo in teyne.

Mataafa Sooketa 17:8

Amaleqeeta ka deete ka Rafidiimi kara Isira'eeleta torpite.

Mataafa Dikoota 13:29

Amaaleqeta Nekepi kara kalta; Keetteta ka Iyyapuusata isho Amoorataaw piitase irroowa qapto kara kalan; Kene'aaneta ka pakateeta isho kirra yurtaanoosi kapanxata kalta.”

Mataafa Dikoota 14:45

Amaleqeeta isho Kene'aaneta a piitase a irrowwa qara kalto ka lekkatte ka ishootta torpite ka putte; ka haka Hormaati ishootta kamma daante.

Mataafa Iyyaasu 12:5

Xeelaadi irroota Hermooni ka a Salakka, ka haka piisse a paasaani Keshuuri ka Maa'ikka oorto piisa, ka piisse a Sihooni a nuqusa Hesponi mukinnooti oorto'e piita Kele'aadi quda paka takka.

Mataafa Iyyaasu 13:13

Ma xoori Isira'eeleta orra piita Kasuuri isho a Maa'ika alle in daanne, ikka haka awweti Isira'eletoppa kalan.

Mataafa Iyyaasu 13:2

Piita a haste nefo, piita Filisteemi isho a Keshuuri piisa;

Mataafa Iyyaasu 16:10

Kafoose a Efreemi xoori Kene'aaneta a Keseri kara kalto alle in sookinne. Kene'aaneta ka haka awweti Efreemetoppa kalta. Ma xoori irreetanne ishootta kela koda a hupna kooni.

Mataafa Taanynyada 1:29

Kafa Efreemi kuli Kene'aaneta Keseri kara kalto kamma in daanne; Kene'anese ka oori ishootta olliiw kallaanni.

Mataafa Saamu'eeli a paayyota 29:6

Semmalla Ankusi ka Taawwiti hale ka ishi kide, “Waaqa caattampaytannen xaxanni atti a orxayta amaname. Ka ana olli oranna tuulteey, kati ana olli oranna torpinittaayye, alu atta ana paxaari. Haka ana kapopa deete paayyatte haka awweti'i dapa ke qara an akkineey. Ma xoori ajajampaya a xela oranna Filisteemi ke in heenan,

Mataafa Saamu'eeli a paayyota 30:1

Kuyyaata sessattatiiyyi Taawwiti isho orraadi ka tiitaawen ka Siqilaaki kayen, Amaleqeta ka shootta turan piitase qinda tupattati qatto isho Siqilaaki torpite ka Siqilaaki apittan kupte.