Mataafa Saamu'eeli a paayyota 27:1 - Mataafa Qulqulloota

¹ Taawwiti ka iskaran xata dikade ka kide, “Awwta takkaayye Saa'ooli ana ikassa in diishooy, amma piita Filisteemi opa qaheeta ana wayyi. Sitiiyyi pattaayye Saa'ooli Isira'eeli kara ana pora fada diishaay, anka seden isha kela paha.”

Mataafa Saamu'eeli a paayyota 27:1 ပူးပေါင်းရင်းမြစ်များ

Mataafa a Nuqussa a paayyota 12:26

Iyyorpi'aami oori isikaran xata dikade ka kide, “Samaytose oton kalisoota kalissa'e tikase a qulqulloota a Waaqa Yursaalami kitto opaaw anniiyyi, dikattaaysho qinda Roopi'aami a nuqusase a Yihuta opa oorshan ka ana ishshan. Ka oori isha qudopa ooran, mankisteeta ka a Taawwiti koddita.”

Mataafa a Nuqussa a paayyota 12:28

Ka ete oppa dehaamta kaassade kammaayye, pahana nyalqa okkaya lakki warqeetoppa kodacciise ka samayta kide, “Isira'eleteeyye, amma desa Yursaalamipa sakatatta anta ikoddite; a piita Kipsi kara ke sookshe Waaqaddaatti seneey, are tooye.”

Mataafa a Nuqussa a paayyota 19:3

Eeliyaasi ka fuure ka xa'e ka issin paha'e alle qahe ka katamasene a Persaape Yihuta kara ca opa aane ka orxaytaadi eeyye diishe.

Mataafa Otoowwa a lammatta 25:17

Nuqusa a Yihuta Amesiyaasi ete dehaamampayaadi torrumsade kammaayye, nuqusase a Isira'eeli yo'aasi oopaase a Iyyu innasene a Iyyo'akaasi qaropa orra erke ka kide, “Xooye ka fuule desa oli ekkanna.”

Mataafa Masmuureta 116:11

ka an rakkadeeyye isqara haasawade ka kide, “Nama piisa dartampaytaaw.”

Mataafa Masmuureta 55:7

Ka alle' sekaada, ka koommaytoppa' kallaanni heene.

Mataafa Sooketa 14:12

An Kipsi kara kinnooyyeew an sede ke a lelli an kinno ka an kiini an kinno, ‘Ino diishe anka Kipseeta piddammo’ An koommaytoppa pirammo kapaayye, kadan Kipseeta kela'ew orxumme wayyi.”

Mataafa Pahana 13:12

Kippeeta jarritto, karitta orra kara kupni; xajeelta a harkoppa kayte xoori, qoyra caatta' mina.

Xuuma Issayyaasi 51:12

A ishina' xasa oorinno anaay, atti ke a to'ampayta nama' fuurro, ka inna a nama a aykitta' mina ruqna tura tammaqno, atti a ayno?

Mataafa Dikoota 14:3

Maana'e Yaahiwwe piisse eyye kittoppopa inon anni, hela akkan orannaappa pirammo malla? Iskattinno isho hellaanno ipoojaman; ka kuli an piita kipsi opa alle tiitaawno ino'en wayyane?

Maatiyoosi 14:31

Yesuusi ka eennow harkaadi derayshe ka isha qape ka ishi kide, “Ke amanteeta ke qajte, maana'e amanteeta dapte?”

Mariqoosi 4:40

Yesuusi ka oori tamaarewwaadi kide, “Maana malla fuurrittan, hela haka ammati amanteeta a qaptane?”

Qorontoosi a lammatta 7:5

An piita Meqedooniya kayne nefooyye, qinda piisa desa rakkowwa ino qara' kayen diisheey, nessuma takkan' nefo an akkanne. Laka tulan desa peeqqa ca, karan xata anka fuurrinna.

Mataafa Saamu'eeli a paayyota 16:1

Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 16:13

Waaqa ka Saamu'eeli kide, “Nama an reexade ishaay, xa'e ka isha daate.” Saamu'eeli ka kaasase a sayteeta qeede ka fuula hellaassoti tura Taawwiti daate. Awsetidesa paayyatte hapura Waaqa ka hupnan Taawwiti qara de'e. Saamu'eeli ka xa'e ka Raamaapa kale. “qulla/muda”

Mataafa Saamu'eeli a paayyota 20:3

Taawwiti xoori i'ishi kide, “Akkima ana jaalannitto aappaayshin fayya'e upa ka dikanni ka kiini ‘Akka in nyarrahanini'i, Yoonataani sede in upnaannin’ Ma Waaqa caattampaytanne! Ka napseetaaytinni anto'e shakkayta'ew kitta.”

Mataafa Saamu'eeli a paayyota 22:5

Sekkammaayye, xuumampaytase Kaati ka Taawwiti kide, “Qorrima kawwatta kara in tawan ma, xa'e ka piita Yihuta opa aane” Taawwiti ka ka xa'e ka mura Hereti karopa kulle.

Mataafa Saamu'eeli a paayyota 23:17

Ka ishi kide, “In fuuran harka aappinno a Saa'ooli ke quda in kayooy. Atti Isira'eeli qara'e nuqusumta. Anti ka shuumattan ke kamma qata. Aappinno Saa'ooli kuli sede upaay.”

Mataafa Saamu'eeli a paayyota 25:30

Oto Waaqa kippeeta ke poqallaayyo daashe mina'e paxaarumse ke dikkisho. Akka Isira'eeli qara nuqusumtooyye,

Mataafa Saamu'eeli a paayyota 26:19

Poqallaayyo nuquso amma nefo akka ana orxaytaayti dakayto'en ke naappanni; oton Waaqa ana qaropa ke xaasheeyye, a kalisoota unta teyyado; ma xoori oton orra ana qaropa ke nyarsheeyye, i'ana kidene aane killowwa sakatado ka qoottota Waaqa oppa ana daaneneey, fuula Waaqa tura a jiijamen.

Mataafa Saamu'eeli a paayyota 29:2

Saarra a Filisteemi ka xelaaysho a oranna oppa nama dippa dippa isho kuma kuma kitte. Ka tuulte. Taawwiti isho orrase isha quda co ka ollin xelase a oranna kamma qaten ka tuuleneew.

Mataafa Saamu'eeli a paayyota 29:3

Ajajampaya a xela oranna Filisteemeta ka de'en ka Taawwiti isho orraadi akken ka kidene, “Ata Iproota maana are kooniiw?” Ankusi ka ishootta oorshe ka kide “Sede xawwi Taawwiti orxaytase a nuqusa Isira'eeli? A Saa'oolinni? Ha isha kiseeta kutta'e ana kapa kallaade; isha a ana kapopa oore paayyatte haka awweti dapa takka nefo isha qara an akkine.”