Mataafa Saamu'eeli a paayyota 26:6 - Mataafa Qulqulloota

⁶ Sekamma aayya Taawwiti ka Kettittase Apemeleki ka apiisa inna Suruyya inna opa Iyyo'api kide, “Ayno ana olli safara Saa'oolippopa anna?” Apiisa ka kide “Ana ke olli aana”

Mataafa Saamu'eeli a paayyota 26:6 ပူးပေါင်းရင်းမြစ်များ

Mataafa Uumata 10:15

Kene'aani paayyota'e, Sidooni xaayade. Ka kamma'ew, aappada a orra keeti

Mataafa Uumata 15:20

ka a Hittaata ka a Fersaata ka a Rafayyaata

Mataafa Uumata 23:3

Aprihaami ka pukkase kapa xa'e ka Hittaata kapoopa aane ka ishootta' kide,

Mataafa Uumata 26:34

Eesaawi ete para kunda afur pireeyye, Yooditi enenta Pi'eri ka Paasemaati enenta Elooni heme. Tuparrosen lakki piisa tuparra Hittaata'ew.

Mataafa Saamu'eeli a lammatta 11:21

Ayno Apemeleki inna Kedewooni ishshe? Kawwatta qaraxata iskatteeta isha qara mateeta in kanne ikka Tepeesi kara in toone? Maana'e kawwwatta qudopa a kuttati dehaatteneeyye,” Ishi kide, “Ooriyo Hittittase orxaytase xaayti kuli to'e.”

Mataafa Saamu'eeli a lammatta 11:24

A paantaan ino pokna ka kawwatta qaraxata ino orxayaatti poken; saarrattippa lamaya ka le'en; orxaytase xaayti Ooriyo Hittittase kuli ka to'e.”

Mataafa Saamu'eeli a lammatta 11:6

Taawwiti ka Iyyo'aapi kamma nessa erke ka kide, “Ooriyo Hittittase ana kapopa erke.” Iyyo'aapi ka Taawwiti kapopa Ooriyo erke.

Mataafa Saamu'eeli a lammatta 12:9

Ka kuli maana malla qaaletiyyo a Waaqa tuffatte ka fuuliyyo tura wa neeqa koote? Ka Ooriyo Hittittase orannaappa'e ikasse ka iskatteetaadi qedatte ka xaayti kodatte ka akka Amooneta orannaappa isha ikasso koote.

Mataafa Saamu'eeli a lammatta 18:5

Ka Iyyo'aapi isho Apisaayi ka Itaayi ajaje ka kide, “Ana malla kida ka xayyoolaytase Apseloomi in miidan.” Qoota Apseloomi desa ete nuqusa saarra piisa ajaja daannooyye, xela piisa ka dakaye.

Mataafa Saamu'eeli a lammatta 2:13

Iyyo'api inna Suriyya isho xela Taawwiti ka ishootta mina aanen. Ka harta Kepa'ooniti olmina kayen. Ka hartasetiiyyi kama kama olmina safaren.

Mataafa Saamu'eeli a lammatta 2:18

Hellaasene a Suuriyya sessa Iyyo'aapi ka Apsa isho Asaheeli nefo eeyyew caan. Asaheeli xoori keeritta'e a kuumanta mina moontan xaani

Mataafa Saamu'eeli a lammatta 23:18

Inna opa Iyyo'aapi Apisaayi inna Suuriyya ka hupnampayasene kunda sessa qaraayye mattitta kodde. Ka nama dippa sessa qaropa oranaadi oorsade ka ishootta leyshe. Isha isasene sessa olliiyyiiw kurraadi ka dakaade.

Mataafa Saamu'eeli a lammatta 23:34

Ka Eliifeeleti inna Ahasepaayi a Maka'itta, ka Eli'aami inna Akitofeeli a Kilotitta.

Mataafa Saamu'eeli a lammatta 23:39

ka Ooriyooni Hittitta ishootta olloppa'e, kunda sessa tappa kayni.

Mataafa a Nuqussa a paayyota 10:29

Piita Kipsitiiyyi sarakella takkan dakara pirreeta dippa lehi qeenni. Farta takka'ew, dakara pirreeta dippa ka kunda keni qeenni. Ikka ishin kalli ka nuqussa a Keetti isho a Sooriyaati kanni.

Mataafa a Nuqussa a lammatta 7:6

Qoota Waaqa akka Soorata nessa sarakella ka a fartada isho a xela oranna a kutta dakayto kode malla, Soorata i'olli kiite, “Tin nuqusa Isira'eeli nuqusa Hittaata isho a kipsi'i xaayyade ka ino torpa deeni.”

Mataafa Iyyaasu 3:10

Ka ishootta kide, “Waaqa akkima ishin olli co wa ishin upnaattane, Kene'aaneta ka Hittaata ka Hiwwaata ka Fersaata ka Kerkesaata ka Amoorata isho Iyyapuusata ishin tura alle daana.

Mataafa Saamu'eeli a paayyota 26:7

Taawwiti isho Apiisa ka halkeessetiiyyi, xa'en ka porase a oppa opa Saa'ooli caan opa aanen ka a Saa'ooli otanta xelaadi kara muke akken oranaadi mattaadi kapa'e piitoppa jikkame; Apeneeri isho xelaadi a oranna ka isha kapa tiitayshe ka muke.