Mataafa Saamu'eeli a paayyota 24:9 - Mataafa Qulqulloota

⁹ Taawwiti ka Saa'ooli kide, “Atti maana'e orrose ke kiino Taawwiti wa neeqa'e ke qara koda faani kela dakkaysanni?

Mataafa Saamu'eeli a paayyota 24:9 ပူးပေါင်းရင်းမြစ်များ

Mataafa Masmuureta 101:5

A dekandekatti xelittaadi haasawno alle'en pashsha, umma a isi peepno ka isi jeejjanno kela an duupado.

Mataafa Masmuureta 141:6

Awta saarraasso takeela kelopa dakkammaaneeyye, ishootta awse qaaletiyyo dukaysadan.

Mataafa Pahana 16:28

Quumara nama, peeqqaaw aylini; a pora nama haasawnoow, moottada kuli olkelan dapni.

Mataafa Pahana 17:4

Ukkuttoota nama afaa neeqa'e dakayni; dartampaytaaw afaa falqoolayta'e akata teyyanni.

Mataafa Pahana 18:8

Afaa pora nama haasawna, damta me'aawnitto mina; ka xati karitta nama karanxata dakaanni.

Mataafa Pahana 25:23

Akkima xayxayta qutatta roopa qeenno mina'e, afaa nama haasawna asseew miira qeenni.

Mataafa Pahana 26:28

Arrapa darta koono, a isha miidde'e needdanni; afaa sassapa ka pateettaaw qeenni.

Mataafa Pahana 29:12

Oton mukissampayta torra darta' dakkaysanniiyyi, saarraadi piisa ukkuttowwa koddini.

Xuuma Ermiyaasi 37:18

Ka nuqusa Seteqiyaasi kideewwe, “Hela ke isho kutkuttowwaatti ka samayse are cooti maanannen dape akka malla ana hiiten?

Mataafa orra Lewi 19:16

Samaytaayti oppa pora in aanan ka maxxa nama in pashshan; umma wa a minan nama to'a takka nefo in kodan; anti an Yaahiwweey.

Yayqoopi 3:6

Arrapaw, apitta mina; arrapa wa akata neeqa a meellaanno a dakinta oppaayye ca ka dakintinno nyalinni. Ka apitta a kahannami kara xaano mina'e santa kallaatinno' piisa kupni.

Mataafa Saamu'eeli a paayyota 20:1

Taawwiti ka piitase a Newaatti Raama kara kittooyye alle qaheew ka Yoonataani kapopa aane ka ishi kide, “Maanan kode? Ka maana dape? Juppootiyyo maana aappaayshin ka ana ikassa faani?

Mataafa Saamu'eeli a paayyota 20:41

Ete innasene taweneeyye, Taawwiti ka tuultase a shilallaatti kara xata kamman sooke ka Yoonataani tura pi'e ka fuula piitan kaye ka sessaan ishi kaareta oorshe. Ka oli dinkaden ka ollin pooyen. Ka a kuttati nyarrahe xoori a akata pooye, Taawwiti.

Mataafa Saamu'eeli a paayyota 24:10

Awwe porase a rahana kara kittooyye, akka Waaqa harkiyyoppa ke kate ildaattinni i'akkite, orra demo akkan ke isho nefo i'ana nyershe; anti xoori in kide, ‘Isase a Waaqa isha daatade, poqallaayyo qaropa harka an xaasho ka ke suraysade.

Mataafa Saamu'eeli a paayyota 24:8

Taawwiti ka isha kamma'ew sooke ka nessa kuttan ishi wellele ka kide, “Poqallaayyo nuquso!” Saa'ooli ka iskamman desa tooyyade ka Taawwiti a itturandesa pi'e ka fuula piitan kaye ka ishi harka xaashe akke.

Mataafa Saamu'eeli a paayyota 26:18

Ata poqallaayyo maana'e ana orxaytaayti kamma pora daanni? Maanan nyapalshe? Maanaannen ke dape?

Mataafa Saamu'eeli a paayyota 26:19

Poqallaayyo nuquso amma nefo akka ana orxaytaayti dakayto'en ke naappanni; oton Waaqa ana qaropa ke xaasheeyye, a kalisoota unta teyyado; ma xoori oton orra ana qaropa ke nyarsheeyye, i'ana kidene aane killowwa sakatado ka qoottota Waaqa oppa ana daaneneey, fuula Waaqa tura a jiijamen.