Mataafa Saamu'eeli a paayyota 24:7 - Mataafa Qulqulloota

⁷ Ka sede a asse hasawaden orra isha quda co akka Saa'ooli qara rakkoota in qeennini dawre. Saa'ooli ka rahanase kara sooke ka tawe.

Mataafa Saamu'eeli a paayyota 24:7 ပူးပေါင်းရင်းမြစ်များ

Mataafa Saamu'eeli a lammatta 1:14

Taawwiti ka ishi kide, “Ka kuli ete nama Waaqa daatade qaropa harkaayti xa'innittooyye, atta a fuurrin?”

Mataafa Masmuureta 7:4

anka a paxaarumta ana' kodeeti, a neeqa' oorsheeyye, taaki paarkaalaayyo patta' miiddeeyye,

Maatiyoosi 5:44

Anti xoori in ishina kiinii, paarkaalaassin jaalada ka orra ishin jiijno saka; ka a ishin needdannaati'i wa paxaara koda; ka aishin qara wa neeqa koona ka pora ishin daannaati Waaqa qinsada.”

Mataafa Saamu'eeli a paayyota 12:3

Anti aren caay, fuula Waaqa isho a nuqusase a isha daatade tura ana qara maakkuma xorma ayno taaki harreeta aynon teyyade ka ayno sassapade ka ayno miidde? Ka akkan dapa akkade an akkinnini'i ayno qara nooddota teyyade? Oton sene oppaayyen takkan kodeeyye, wa an teyyade in oorshaay.”

Mataafa Saamu'eeli a paayyota 24:6

Ikka orraadi a isha quda co kide, “namoose Waaqa isha daateey, anti nama a Waaqa daatade poqallaayyo qara wa asse paha kodeeta ka isha qaropa harkiyyo xa'issa a Waaqa ana qara dawro.”

Mataafa Saamu'eeli a paayyota 24:8

Taawwiti ka isha kamma'ew sooke ka nessa kuttan ishi wellele ka kide, “Poqallaayyo nuquso!” Saa'ooli ka iskamman desa tooyyade ka Taawwiti a itturandesa pi'e ka fuula piitan kaye ka ishi harka xaashe akke.

Mataafa Saamu'eeli a paayyota 25:33

Awwe akkan haalota an pooyyinini ka harkiyyon diika an tuqnini a kela anan pahe dikattose xaayti a eeppisamo ka atti kuli eeppisame.

Mataafa Saamu'eeli a paayyota 26:23

Waaqa akka amanumadi ka a hanqeellumaadi mina'e a isha nama daasho, ma Waaqa allu awwe harkiyyoppa'e ke kate, anti ka kide nama a Waaqa daatade qaropa harkiyyo an xaasho.

Mataafa Saamu'eeli a paayyota 26:9

Taawwiti xoori i'Apiisa kide “Ishan ishshan! Nama nuqusa a Waaqa daatade qaropa harka xa'inno pahani in cooy.