Mataafa Saamu'eeli a paayyota 24:4 - Mataafa Qulqulloota

⁴ Orrase Taawwiti quda co ka Taawwiti kide, “Isase a Waaqa kide, “Paarkaalaattin harkaaytippa daasha kuyyaatase awweey, wa heenta isha qara kode.” Taawwiti ka kessan piitan desa shire ka a Saa'ooli in upniniiyyi, ohaata Saa'ooli kamma kayla mure.

Mataafa Saamu'eeli a paayyota 24:4 ပူးပေါင်းရင်းမြစ်များ

Mataafa Saamu'eeli a lammatta 4:8

Ka matta Iyyapuste Keprooni karaayye Taawwiti kapopan aanen ka nuqusa kidene, “Tin matta Iyyapuste a inna Saa'ooli a nyaapase xaayti ke ikassa faanooti! Waaqa awwe ke poqallaanno nuqusa malla, Saa'ooli isho sanynyeetaadi qara haalota pooyye.

Mataafa Iyyoopi 31:31

sekapaayye, orra tikiyyoppa kalo ikiini, “Nama Iyyoopi' so'a in daminnin ka in pakinnin hela icaadaawwe?”

Mataafa Masmuureta 142:1

Nessiyyonnen Waaqopa ullupni; ka nessiyyon Waaqopa qinsanni.

Mataafa Masmuureta 57:1

Ana maare, Waaqqo ana suraysado. Napseetiyyo ke qare xasa xaayatteey, haka pateettose tarpinitto kara'e, kaatta xoollaatti kela'en koorsada.

Mataafa Sooketa 21:13

Ma xoori oton namoose'e namase to'e isha tura'en asanniniiyyi, anti Waaqa ka harkaadippa isha kateeyye, poran anti isha akkinno opa a qaho ka paho.

Mataafa Saamu'eeli a paayyota 22:1

Taawwiti ka katama Kaattitiiyyi xa'e ka rahana Atulaami opa qahe. Hellaasso isho toolaaysho ete sede dakayeneeyye, ikka eeyyepa isha kamma lekkaden.

Mataafa Saamu'eeli a paayyota 23:17

Ka ishi kide, “In fuuran harka aappinno a Saa'ooli ke quda in kayooy. Atti Isira'eeli qara'e nuqusumta. Anti ka shuumattan ke kamma qata. Aappinno Saa'ooli kuli sede upaay.”

Mataafa Saamu'eeli a paayyota 23:7

Akkima Taawwiti Qe'ilaapa aane Saa'ooli ka dakaye ka kide, “Taawwiti qoota katama a kapa kawwattan qorrame ka xarrada sipla a qulfamma qapa karopa kale malla, ishaaw ittura qaaddeey, Waaqa iharkiyyopa isha kate.

Mataafa Saamu'eeli a paayyota 24:10

Awwe porase a rahana kara kittooyye, akka Waaqa harkiyyoppa ke kate ildaattinni i'akkite, orra demo akkan ke isho nefo i'ana nyershe; anti xoori in kide, ‘Isase a Waaqa isha daatade, poqallaayyo qaropa harka an xaasho ka ke suraysade.

Mataafa Saamu'eeli a paayyota 24:18

Kadi punu Waaqa keturopa ana tuukke nefooyye, a ana ikanne. Akka ana wa fayya dikannitto awwe ana lelte.

Mataafa Saamu'eeli a paayyota 26:23

Waaqa akka amanumadi ka a hanqeellumaadi mina'e a isha nama daasho, ma Waaqa allu awwe harkiyyoppa'e ke kate, anti ka kide nama a Waaqa daatade qaropa harkiyyo an xaasho.