Mataafa Saamu'eeli a paayyota 24:12 - Mataafa Qulqulloota

¹² Amma oori harkiyyo ke quda in kayo ma a Waaqa otantinno oppa farato! Ka wa ana qara koote malla haalota pooyyo.

Mataafa Saamu'eeli a paayyota 24:12 ပူးပေါင်းရင်းမြစ်များ

Mataafa Uumata 16:5

Soora ka oori Apraami' kiite, “Puyatamose an puyatammo, ke qara fadama. Orxayteetiyyo anaaw akka olli mukto'e, ke' daashe. Amma ikka ete akka inna hitte upnaatteeyye wetin ana in upnin. Ana isho keppaayye ayno akka dukaata qapo, a Yaahiwwe ino' farato.

Mataafa Uumata 31:53

Waaqa Aprihaami ka Waaqa a Naakoori a nama kamma dapo qatta'o.” Yayqoopi ka maxxa Waaqa a aappaaysho a Hisaaqi ishi' sakatannootin xaxade.

Mataafa Saamu'eeli a lammatta 22:48

Isha, Waaqase ana haalota pooyyino ka mankistewwa ana piddacciisno,

Mataafa Otoowwa a paayyota 12:18

Hapura Waaqa ka Amasaayi saarase a nama kunda sessa qara lekkade; ikka kide, “Oo Taawwiti, ino an xaayti! Oo inna Isseyi, ino ke ollin kinna! Waaqa ke olli caay, nakayta a ke koddo! A ke qaarqaarra pisae nakayta a koddo.” Taawwiti ka ishootta teyyade ka xelaadi a oranna qara saarra ishootta kodade.

Mataafa Iyyoopi 5:8

Kadin ana kiiteyye, helani Waaqa turopan dehaada ka rakkootiyyo isha tura' lelada;

Mataafa Masmuureta 35:1

Oo Waaqqo! A ana soonna atti ishootta soote; ka a ana torpina atti' torpe.

Mataafa Masmuureta 43:1

Oo Waaqqo, dukaatiyyo ana' kalshe! Samayta piita a hanqeeta kapa sekaade tura'e, qootiyyo desa tamaakkado. Sassapampaya isho ukkuttowwa kela anan pahe.

Mataafa Masmuureta 94:1

Oo Waaqqo Poqallaanno, ke a haalota pooyyino, oo Waaqqo, ke a haalota pooyyino, sooke.

Roomi 12:19

Moottadaayyooyye! Itaafamte ka kiini “A haalota pooyyino ka kuura haalota' oorinno ana kiini Waaqa Poqallaay” Ishina' miira Waaqa' diisha diisheey, mattaayshina' haalota an pooyyan.

Petroosi a paayyota 2:23

Ete isha onnaaneeyye, mina'en onne; ete rakkoota teyyannooyye, Waaqase hanqeetan faranno'e isi daashe diisheey, mina'en nyarre.

Keleshaata 6:10

Ishootta ka nessa kuttan ullupen ka kidene, “Qulqullitto ka dukaallayto ke a piisa qara qapo Waaqqo! Haka aytamiti'i orra piita qara co qara' farata diissa ka diikinno malla haalota pooyya diissa?”

Mataafa Taanynyada 11:27

Anti waan ke mihishe in caan, atti xoori patta quda ana torpa xaateey a dapa ka dukaata murro Waaqa; awwe a samayta Isira'eeli isho Amoonata otantoppa a dukaata muro.”

Mataafa Saamu'eeli a paayyota 20:1

Taawwiti ka piitase a Newaatti Raama kara kittooyye alle qaheew ka Yoonataani kapopa aane ka ishi kide, “Maanan kode? Ka maana dape? Juppootiyyo maana aappaayshin ka ana ikassa faani?

Mataafa Saamu'eeli a paayyota 24:15

Amma nefo a Waaqa otantinno oppa taanynya koddo ka inoppaayye ayno akkima dapampayta kodde isha farato ka ana qara tamaakkado ka ke kelaayye anan paho.

Mataafa Saamu'eeli a paayyota 26:23

Waaqa akka amanumadi ka a hanqeellumaadi mina'e a isha nama daasho, ma Waaqa allu awwe harkiyyoppa'e ke kate, anti ka kide nama a Waaqa daatade qaropa harkiyyo an xaasho.