Mataafa Saamu'eeli a paayyota 24:11 - Mataafa Qulqulloota

¹¹ Aapo! Amma kayla ohaataayti are harkiyyoppa tooye! Kayla ohaataayti'in mure diishe, ke an ikanne; semmalla akka harkaayyoppa wa neeqa in kinnini anka ke qara an xaanin, atti ka patta quda ana kamma ikassa annitto seden upnaado.

Mataafa Saamu'eeli a paayyota 24:11 ပူးပေါင်းရင်းမြစ်များ

Mataafa Saamu'eeli a paayyota 26:20

Amma nefo akkama nama irroota qaropa koskorta kama kunno mina'e nuqusa a Isira'eeli ana kamma deeniiy, diikiyyo akka Waaqa kapa sekaado ka piita qara tuqamo in kodan.

Mataafa Saamu'eeli a paayyota 23:23

Semmalla lettisha ka porrada a kara dekanna upnaada. Ka wa qalpeeffattene xooya ka ana lela. Ishin ollin de'a ka oton ipiitose oppaaw caayye, kaffa Yihuta piisa oppa isha fadaay.”

Mataafa Saamu'eeli a paayyota 23:14

Taawwiti ka koommaytase laka Sifi oppa co oppaayye piitase a kunkunnawwa qara kawwaya kara kallaade; Saa'ooli ka awta piisa isha xema kamma anni. Ma Waaqa harkaadippa Taawwiti in kanne.

Yohaannisi 15:25

Sede nefo wa malla asse koddite qaaletase seeraaysho oppa' taafamte ka kiinitto, ‘Patta'e ana needdaden’ akka dikkatto malla.

Mataafa a Nuqussa a lammatta 5:13

Orxayaadi ka isha kapopa de'en ka ishi kidene, “Aappo, katin xuumampayta sede qaropa wa kokkoka ke kide kiite kooni a henne? Ka kuli ete ke kide, ‘Jaqado ka qulqullaaweeyye’ maana ke dipe?”

Mataafa Saamu'eeli a paayyota 26:18

Ata poqallaayyo maana'e ana orxaytaayti kamma pora daanni? Maanan nyapalshe? Maanaannen ke dape?

Xuuma Mikkiyaasi 7:2

Ha nama Waaqa isi daashe piita qara idapade umma nama dukaata koono in co; orra piisa oli kaatini ka oli lessaata kammaaw anni.

Xuuma Hisqeeli 13:18

Ka ishootta' kide, Waaqase' piisa qara qapo ikiini, “Ishina iskatta a harka mina quraamma kodkodda hidanno ka orra qapsiissa'e kukubbadda a olqara qaqqapa a kodkodda' dawano, oo ishin kido! Hela ishina a samaytiyyo sassapatan ka qara damtan ka ishin kallaattane ishina pahata?

Pooyta Ermiyaasi 4:18

Piraampirinno kayte, paarkaala ka xoptaaw ino kamma dawni, anka porraanno oppandesa anta malaalle; kuyyawwaanno ipiramen, parraanno nefo idikkaden.

Mataafa Pahana 15:1

Afaa nukkulla' miira puulanni; afaa a neeqa' xoori miira xa'inni.

Mataafa Masmuureta 140:11

Orra maxxa nama' patinno, piita qara tookta in qapnaannin; karpampayta, a neequmta ishootta xemito ka ishootta patisso.

Mataafa Masmuureta 35:7

Patte ana tura' turuura qaasen; ka patta quda ana tura' qaawa qoten.

Mataafa Iyyoopi 10:16

Oton issin jeejjiniiyyi, a karma' mina'e ana tura' rabbini ka hupnase' xaayti orra qawwanno ana qara' akkinni.

Mataafa Saamu'eeli a paayyota 18:27

Ka xoora ishi qapame turan xelaadi a orannaatin tuule ka diira Filisteemeta dippa lakki leyshe ka quure ka ishin kale ka akka enentase a nuqusa hemo'e, nuqusa tura dike ka kaytishe. Saa'ooli ka enentaadi Melkooli hemitta ishi daashe.

Mataafa Saamu'eeli a paayyota 25:28

Poqallaayyo atti qoota oranna a Waaqa torpinitto malla atti wa neeqa a dikanni a kitto. Waaqa parra lekaya ke nuqusumshaay, dapa a kode ana orxayteetaayti diishe.

Mataafa Masmuureta 59:3

Ihin are ana tura'e asadeneey, oo Waaqqo, an dapa an qapnin ka juppoota an koonin maliiyyi, a irreeta tuukanna'e ana ikassa' kuti'e.

Mataafa Masmuureta 119:161

Taanynyada patta'e ana toorri ma; anti qaaletaayti turan fuurri.

Mataafa Saamu'eeli a paayyota 12:3

Anti aren caay, fuula Waaqa isho a nuqusase a isha daatade tura ana qara maakkuma xorma ayno taaki harreeta aynon teyyade ka ayno sassapade ka ayno miidde? Ka akkan dapa akkade an akkinnini'i ayno qara nooddota teyyade? Oton sene oppaayyen takkan kodeeyye, wa an teyyade in oorshaay.”

Mataafa Saamu'eeli a paayyota 26:23

Waaqa akka amanumadi ka a hanqeellumaadi mina'e a isha nama daasho, ma Waaqa allu awwe harkiyyoppa'e ke kate, anti ka kide nama a Waaqa daatade qaropa harkiyyo an xaasho.

Mataafa Saamu'eeli a lammatta 1:14

Taawwiti ka ishi kide, “Ka kuli ete nama Waaqa daatade qaropa harkaayti xa'innittooyye, atta a fuurrin?”

Mataafa Masmuureta 7:5

paarkaalaayyo a ana kamma daanen ka ana qapen; ka caattiyyo piita' katen ka qara loqqaan aanen. Ka ulfeeniyyo kuyyan lahen.