Mataafa Saamu'eeli a paayyota 23:2 - Mataafa Qulqulloota

² Taawwiti ka semmalla Waaqa kaassade ka kide, “Hela in tuula ka Filisteemese torpa?” Waaqa ka Taawwiti kide, “Tuule ka Filisteemeta torpe ka katama Qe'ilaatin pahe.”

Mataafa Saamu'eeli a paayyota 23:2 ပူးပေါင်းရင်းမြစ်များ

Mataafa Saamu'eeli a lammatta 2:1

Sekkammaayye, Taawwiti ka Waaqa kaassade ka kide, “Hela katamadda Yihuta oppa takka karopa in aana?” Waaqa ka ishi kide, “Aane.” Taawwiti ka kideewwe, “Katama a xaamene karopan aana?” Waaqa ka ishi kide, “Keproonipa aane.”

Mataafa Saamu'eeli a lammatta 5:19

Taawwiti ka Waaqa kaassade ka kide, “Hela Filisteemeta torpa'e in tuula? Hela atti akkan ishootta puto'e ikkoota?” Waaqa ka Taawwiti kide, “Anti dukaatannen akka ishootta puto kodaay tuule.”

Mataafa Saamu'eeli a lammatta 5:23

Taawwiti ka Waaqa kaassadeew. Waaqa ka ishi kide, “Fuule desa ishootta'en aanan ma, tultan ishootta oore ka qora leya tulte desa ishootta torpe.

Mataafa Otoowwa a paayyota 14:10

Taawwiti ka Waaqa kaassade ka kide, “Hela in tuula ka Filisteemeta torpa? Ati ka akkan ishootta puto koota?” Waaqa ka kide, “Tuule ka torpe, akka ishootta puton kodaay!”

Mataafa Masmuureta 32:8

“In ke kollisha; ka saanta oppan anto ke' akkisha; ka ke dehaama ka ildaayyon ke qara aana.”

Xuuma Ermiyaasi 10:23

Oo Waaqqo! Nama akka caattaadi harkoppa in qapnin; ka issin aanissa ettaninni in kinnin in upnaade.

Mataafa Dikoota 27:21

Iyyaasu nefo a qeesittase Ali'asaari tura qa'ado; qeesitta ka fuuliyyo a Yaahiwwe tura caado ka uurimi isho tuumimin ishi fiqaatiyyo kaassado; Iyyaasu isho samayse a Isira'eeli a isha quda co piisa ka qaaleta a qeesittase Ali'asaarin mukan.”

Mataafa Iyyaasu 9:14

Orra Isira'eeli ka kalaata a orrase pore de'e qudaayye teyyade, umma qootoseti desa Waaqa in kaassanne.

Mataafa Taanynyada 1:1

A Iyyaasu to'e kammaayye, Isira'eeleta Waaqa kaassatte ka kiite, “Inoppaayye kafa a xaamo Kene'aaneta torpa paayya?”

Mataafa Saamu'eeli a paayyota 10:22

Ikka oppa ooren ka Waaqa kaassadenew. Ka kidene, “Hela namase arepa ide'e.” Waaqa ka kide, “Tin eeyye mehadda kara'e dekade.”

Mataafa Saamu'eeli a paayyota 14:37

Saa'ooli ka Waaqa kaassade ka kide, “Hela Filisteemeta kamma in lekkada? Hela atti iharka Isira'eeleta oppa ishootta katta?” Ma xoori Waaqa awseti oppa isha in oorinne.

Mataafa Saamu'eeli a paayyota 23:3

Xela Taawwiti ka Taawwiti kide, “Tin are katama Yihuta kuli karan fuurrinnaay, oton xela Filisteemi torpa katama Qe'ila opa tuullinnooyye, desa kuli attan fuurraaw?”

Mataafa Saamu'eeli a paayyota 23:4

Taawwiti ka a lammattati Waaqa kaassadeew. Waaqa ka ishi kide, “Anti harkaaytippa'en Filisteemeta kataay, xa'e ka Qe'ilaapa xata lekkado.”

Mataafa Saamu'eeli a paayyota 23:6

Innasene a Apimeleki Apyataari ete Qe'ilaapa Taawwiti kapopa qaheeyye, isqudaayyeew efuudi qapa ka ishin opa xata lekkade.

Mataafa Saamu'eeli a paayyota 30:8

Taawwiti ka Waaqa kaassade ka kide, “Hela orroose ino torpe kadan kamma aana in qaqqaapa?” Waaqa ka ishi kide, “Iqqaqqaapta ka qara poojetose oorissaay kamma aane.”