Mataafa Saamu'eeli a paayyota 21:7 - Mataafa Qulqulloota

⁷ Awwsetiiyyi Etoomittase Toyqi kidammo isase saarra Saa'oolippa takka kodde ka sikmaya Saa'ooli qara saarummo ka eeyye ca, ka fuula Waaqa tura we asanni.

Mataafa Saamu'eeli a paayyota 21:7 ပူးပေါင်းရင်းမြစ်များ

Mataafa Uumata 26:20

Sikmaya piita Keraari ka “Xanno” kiden ka qara sikmaya Hisaaqi oli shiishen. Qoota qara oli shiishen malla, Hisaaqi ka elooseti'i, “Eseqi” kide.

Mataafa Otoowwa a paayyota 27:29

Saaroonittase Shiitiraayi sikmampaya lo'alla a koommayta Sharooniti ca qaraayye saara. Inna Etilaayi Shaafati'iw, sikmaya lo'alla a naabba kara ca qaraayye saara.

Mataafa Otoowwa a paayyota 27:31

Hakarittase Yaasiisi sikmaya kahirra isho a telalla qaraayye saara. Sene piisa wa nuqusase Taawwiti qapa qaraayye saarra.

Mataafa Otoowwa a lammatta 26:10

Qoota kerpatta irrowwa kelandesa isho lakoppanxata horeeta kutta qapo malla, koommaytoppanxata kawwaya tooya kodacciise ka haartada qotacciise; ka qoota piita qotatta jaalanno malla, orra kunkunnawwa isho porra unta palanna oppandesa ishi dulla qonno ka dishma wayneeta dishno qapaaw.

Xuuma Hisqeeli 33:31

Ikka akka orra ollopa deeno mina'e, ke kapopa de'an ka akka samaytiyyo' mina'e, ke tura' kuti'an ka wa a' kiinitta dakayan' Umma in kodan ka afaasso oppa a teyyanna' pahanaadan ka haasawadan; karittaaysho' xoori tooktaaysho qaropaaw tiitaawa.

Mataafa orra Lewi 22:10

Nama toola qeesitta kodde mali a pila kalisootase qulqullaawte oppa in dammin; xaykitta qeesitta kapa kallaanno taaki nama a qeesitta xaayyade kalisootase qulqullaawte oppa in dammin.

Mataafa orra Lewi 22:13

Ma xoori oton diirtaadi qara to'aye taaki alle diishaayye ikka inna in xaayanniniiyyi ka a enentume kitto mina'e tika aappaayshoti kara kallaatta tiitaawtaayye, damtoose qulqullaawte oppaayye qerayta aappaayshoti dameeta i'ettanissa; nama pila xoori dameeta isha parpaaccisni in kitto.

Mataafa orra Lewi 24:5

Daamma paxaara qeede ka laaqqota kudanka lakki laaqqe, laaqqowwosen matta mina'e, a kiilota lakki lakki kodden ka laaqamen.

Mataafa orra Lewi 24:8

Arooni ka pakka Isira'eeleta oppa'e a olkamma in qaatinnin maliiyyi kuyyaata a nessuma a Yaahiwwe piisa mina'e fuuliyo a Yaahiwwe tura'e laaqqose quno; sede ka samayta Isira'eeliti'i kodeeta a parapara koddita.

Xuuma Amoosi 8:5

Ha ishina ikiinittane, “Kaata kuyyawwosen a xaysonessuma isho a sampata aytami tarpan? Anka urmalaappa unta katanna! Ka taasa an ishin kanninno shakkisanna ka hera padaawanna? Ka oton kurrinno kara' taffanna ka orra sassapanna.

Maatiyoosi 15:8

‘Ha orrose afa pattanne ana ulfeessini, ma karittaaysho ana kapa iseki.

Mataafa Saamu'eeli a paayyota 11:5

Sitiiyyi Saa'ooli xormada kamma'e qate ka duloppa kalli ka kide, “Ata maana orra teye ikka pooyni?” Ishootta ka otootase a orrase a katama Yaapeesi ishi lelen.

Mataafa Saamu'eeli a paayyota 14:47

Saa'ooli ete Isira'eeli qara nuqusumeeyye, nyaapaadi a isha kapandesa co, Mo'aapeta ka Amooneta ka Etoometa ka nuqussa Suupa isho Filisteemeta olli oranna torpade; ka qinda ishindesa tiitaawe piisa putaaw punni.

Mataafa Saamu'eeli a paayyota 21:8

Taawwiti ka Apemeleki kaassade ka kide, “Qoota ajajase a nuqusa ana jarjarshe malla koraatetiyyo taaki meehiyyo a orana takka nefo an teyyanneey, hela in ke kapa orana taaki koraateta teya?

Mataafa Saamu'eeli a paayyota 22:10

Apimeleki ka ishi Waaqa qinsade ka kalaata isho koraatetase a Koliyaati a Filisteemitta ishi daashe.”

Mataafa Saamu'eeli a paayyota 22:22

Taawwiti ka Apyataari kide, “Etoomittase Toyqi awse qoota eeyye co malla akkima Saa'ooli kapa lelo turanneewwen upnaade. Ha toolaayshin piisa ana minanne pirame.

Mataafa Saamu'eeli a paayyota 22:9

Isase saarrasene a Saa'ooli kapa qa'anno Etoomittase Tooyiqi ka kide, “A inna issey Apimeleki inna Ahituupi kapopa piita Noopi opa de'en akke.