Mataafa Saamu'eeli a paayyota 20:8 - Mataafa Qulqulloota

⁸ Ka ana orxaytaayti a paxaara kode ana orxaytaayti olli fuula Waaqa tura kodayteeta kodatteey, oton xoori dapa ana qara caayye, atti'iw ana ishshe. Maana'e aappaayshin turopa anan kalta?”

Mataafa Saamu'eeli a paayyota 20:8 ပူးပေါင်းရင်းမြစ်များ

Mataafa Uumata 24:49

Amma oton ippoqallaayyo jaalannittan ka isha xasassa heentan taaki a' heennin, olkela ana' lela. Anti ka pora an anno opa alle' aano.”

Mataafa Uumata 47:29

Yayqoopi ete tootaadi kela kayteeyye, inaadi Yoosefi halacciise ka ishi' kide, “Innaayyo, oton i'ana ulfeessiniiyyi, oton to'ooyye akka piisse a Kipsi oppa ana a' hawlinini'i, kupeettiyyo qara harka qapado ka xaxa ana' kale.

Mataafa Saamu'eeli a lammatta 14:32

Apseloomi ka ishi oorshe ka kide, “Eten ke halaaccisnooyye qoota a deenin malla akka nuqusa kapopa anto ka isha kaassatto ka kiito, Apseloomi ikiini, ‘Ata kuli maana mallan Keshuuri kara kale? Katin eeyye'ew tawe ana wayyi.’ mallan nessa ke kamma erke. Semmalla amma aane anka fuula nuqusa akko; oton dapa ana qara caayye, ikka kapa alle ana ishsho.”

Mataafa Otoowwa a paayyota 12:17

Taawwiti ka orrose turopa sooke ka ishootta kide, “Oton ana qaarqaara'e nakayta deeteneeyye, ishin teyyatta'e in harmisade; ma oton ana dapa in qapnini qapsiissa ka harka paarkaalaayyo oppopa ana tarpissa faateneeyye, Waaqa aappadaanno a sede akko ka dukaata farato.

Mataafa Masmuureta 116:11

ka an rakkadeeyye isqara haasawade ka kide, “Nama piisa dartampaytaaw.”

Mataafa Pahana 3:3

Jaalala ka diissata isho amanuma akka ke kapa in sekaannini'i, xolma kela ishootta sukkado ka karittaayti kara' qapado.

Kodampaya 25:11

Oton ishinnin dapeeyye, taaki dapa an minan to'on kodeeyye, ana toota kela paho an kiini an co. Ma xoori otoon kisseetaaysho'en dartaayye nama ishootta ana tarpissa ka daassatan ettansho. Anti qeesaari nuqusase kutta a Roomi qaropan ikipaanynyeta kaassade.”

Mataafa Iyyaasu 2:14

Orrase ka orshe ka isheetta kide, “Oton asu nama kapa ino a lellin, ino ka waan ke tura xaxanne an dikkinniniiyyi, a Waaqa alle ino piro. Ma oto Waaqa piitose are kitto ino daasho anka oppopa kallooyye, akkan ke isho toolaayshinan pahano'e, dukaatannen ke tura xaxanninna.”

Mataafa Iyyaasu 22:22

“Waaqa Poqalla wa piisa ettaninni ka wa piisa upa semmalla wossene an koone isha i'upa, ishina nefo akka upnaattanen heenna, maana malla oton asu dukaatannen Waaqa ishin dapneeye ka isha an ajajamminiiyyi, a alle ino piro.

Mataafa Rutti 1:8

A pora qara caaneyye Nuhaamini i'ishootta kiite, “Hellaayyo, qoota ana ka diirrasene xaayshin le'e kamma yaalten malla, a Waaqa ishina' daasho. Anti nefo in ishina' sake, Waaqa a ishina faroota fayya daasho ka diirta paxaara ka tikuma a fayya ishina' daasho. Anti in ishina kiini, pisantiiyyi tikkaassin opa kala ka ayyadaassin kapa kallada.” Ka oori ishootta dinkite. Ishootta ka nessa kuttishen ka harmo pooyyen.

Mataafa Saamu'eeli a paayyota 18:1

Ete Saa'ooli Taawwiti olli haasa dikkisheeyye, Yoonataani Taawwiti quda'e koke ka a mattaadi mina isha jaalade.

Mataafa Saamu'eeli a paayyota 18:3

Qoota Yoonataani a mattaadi mina Taawwiti jaalade malla, Taawwiti olli kodayteeta kodade.

Mataafa Saamu'eeli a paayyota 20:16

Maxxa Yoonataani ka alle piita qaraayye in pannin.” Yoonataani ka toola Taawwiti olli kodayteeta kodade ka kide, “Nyaapa Taawwiti qara a Waaqa haalota pooyyo.”

Mataafa Saamu'eeli a paayyota 20:9

Yoonataani ka kide, “Sede ke qara in kaynin! Hela xawwi akkima aappinno neequmta ke qara kodeeta piisaden upnaada ka ke leleta diisha?”

Mataafa Saamu'eeli a paayyota 23:18

Ishootta lakki ka fuula Waaqa tura olli kodayteeta kodaden. Taawwiti ka Horeeshi kara hase. Yoonataani ka tikopa kale.