Mataafa Saamu'eeli a paayyota 20:2 - Mataafa Qulqulloota

² Yoonataani ka ishi kide, “Sede ke qara in kaynin, a tooto. Shakkatto kuttatto, aappinno a ana olli torraado mali we takkan nefo kooni in cooy, maana'e sede ana turaayye juuta? Sede in koddito.”

Mataafa Saamu'eeli a paayyota 20:2 ပူးပေါင်းရင်းမြစ်များ

Mataafa Uumata 44:7

Ishootta ka ishi' kidene, “Hela poqallaanno, maana'e asse haasawanni? Ino an orra wa asse paha' koonon.

Mataafa Masmuureta 40:6

Kalisoota horeeta ka a unta a' faani a' kitto, umma kalisootase kupnaan isho a juppoota malla dehannaan a' kaassanni a' kitto; Xoori napahaata panamte ana' daasse.

Mataafa Pahana 29:24

Nama kera olli parkummo, a karitta isqara kutade; a xaxa jiija upooyye, dukaata haasawatta kapa jaw kiini.

Xuuma Issayyaasi 50:5

Waaqase piisa qara qapo nappaayyo ana' pane, umma falqoolayta an koddine, ka isha kapa an seekanne.

Luqaasi 20:16

Aappaase a dula wayneeta isha mattaadi de'a ka qotampayasene leysha; ka dulase a wayneeta qotampaya pilaati daasha.” Orrase ete sede dakayeeyye, ikide, “Sede pakkanna in koddinin.”

Yohaannisi 15:15

Orxayta wa poqallaadi koona qoota in upnin malla, arepa desa orxayaayyo ishina an kido. Ma xoori, qootan waan Aappinno qara dakaye piisa ishina upnayshe malla, moottadaayyo an jaalanna'en ishina' kide.

Yohaannisi 17:8

Qaaleta a atti ana' daasse in ishootta' daashe. Ishootta' nefo ka teyyaden. Ka akkan ke kapaayye sooke ka de'e, dukaatan i'upnaaden. Ka akka atti ana erkite nefo amanen.

Mataafa Iyyaasu 22:29

ino sede malla ase koone diisheey akkan porra kalisoota a Waaqa a eyye co kapa apila qara kalisoota kupannitto taaki aunta taaki a pila dehassan kodeeta ka Waaqa nyarrahasiissa ka alle isha diissata malla ino an koone. Pora kalisoota a Waaqa Poqallaanno kodame ka tukkana Waaqa tura co maliiyyi pora kalisoota a pila kodeeta a Waaqa alle ino kapa sekaysho.”

Mataafa Iyyaasu 24:16

Samaytase ka oorshe ka kide, “An Waaqa diinno ka kapa killowwa sakatanno a Waaqa alle ino kapa sekaysho.

Mataafa Saamu'eeli a paayyota 14:45

Xela xoori iSaa'ooli kide, “Yoonataanise putayma asse kutta Isira'eeli pute ishshama? In koddito! Caattampayta Waaqatin! qaarqaarsa Waaqatinni awwe orana torpeey, xaaja isha quda in kuti'o.” Akka in toonini'i, xela ka asse Yoonataanin pahe.

Mataafa Saamu'eeli a paayyota 20:1

Taawwiti ka piitase a Newaatti Raama kara kittooyye alle qaheew ka Yoonataani kapopa aane ka ishi kide, “Maanan kode? Ka maana dape? Juppootiyyo maana aappaayshin ka ana ikassa faani?

Mataafa Saamu'eeli a paayyota 20:12

Yoonataani ka Taawwiti kide, “Poqalla Waaqa Isira'eeli a maakkittinno koddo! Oton aappinno qoro kammaayye, ikka xasa fayya ke qapooyye, parri esse taaki partaaniiyyi xawwi an nessa ke an erko ka ke an lelo?

Mataafa Saamu'eeli a paayyota 20:3

Taawwiti xoori i'ishi kide, “Akkima ana jaalannitto aappaayshin fayya'e upa ka dikanni ka kiini ‘Akka in nyarrahanini'i, Yoonataani sede in upnaannin’ Ma Waaqa caattampaytanne! Ka napseetaaytinni anto'e shakkayta'ew kitta.”

Mataafa Saamu'eeli a paayyota 9:15

A Saa'ooli eeyyepa in annini kuyyaata takka turanne Waaqa Saamu'eeli haasawade ka kide,