Mataafa Saamu'eeli a paayyota 2:29 - Mataafa Qulqulloota

²⁹ Ka kuli maana malla kalisootiyyo ka daassatiyyo an ajajade kojeessinittan? Akka hellaatti kalisowwa a samaytiyyo a Isira'eeli kalinna oppa a paxaara reexattaan isi meershane'e, atti maana malla ana qaropa hellaatti ulfeessini?’

Mataafa Saamu'eeli a paayyota 2:29 ပူးပေါင်းရင်းမြစ်များ

Mataafa a Nuqussa a lammatta 12:6

A koddito ma a Iyyo'asi nuqusume haka para kunda lakki sessa kaynitto kara'e, qeesewwa wa tika qulqulloota kara qitqite in harminne.

Mataafa Masmuureta 26:8

Oo Waaqqo! Tikaayti a' kara kalto ka porase a ulfeenaayti oppa co, in jaalade.

Xuuma Hisqeeli 13:19

Poorta a harka kara kayni in kinnin ka laaqqota a moossota kayni in kinnin malla samaytiyyoppa maxxiyyo otaccisnittan ka samaytase' xayyo ishin kela darada dakkaysanno sassapanittan ka nama a in toonini' kiinittane, ito'a ka nama a toono' kiinittane, icaada.”

Xuuma Hisqeeli 34:10

Waaqase' piisa qara qapo ikiini, “Tin, anti sikmaya qara'en xa'a ka ishootta qara kahirraayyo fada ka akka kaharraayyo in dawwinini'i, ishootta dawra; umma arepadesa sikmaya isi in sikshan; akka ishootta' damta in koddinini'i, afaasso oppan kahirraayyo kata.’”

Xuuma Hisqeeli 34:2

“Atti to'ampayta namatiiyyi, sikmaya Isira'eeli qara' xuuma haasawado ka sikmayoseneti' kide, Waaqase' piisa qara qapo ikiini, ‘Sikmaya Isira'eelitiiyyi, ishina isi pattaaw' sikinna, oo ishin kido! Hela sikmaya kaharra sikissa ishootta parpaaccisni in kitto?

Hoose'i 4:8

Qoota' daassata a samaytiyyo juppootan dehanno dammittan malla, akka' fayya juppootaaw kodane' heentan.

Mataafa orra Lewi 19:15

Oto firteeta farannittaneeyye, mure dukaata kamman in dapan; ka hanqeetan nama piisa dukaata mura diisheey teekolayta qara in qatan, umma teyantoolayta in ulfeessan.

Xuuma Mikkiyaasi 3:5

Waaqa ikiini, “Xuumampaya darta, nama ishootta' damta daannoti'i kiini, ‘We' piisa nakayta.’ Ka torrini ka nama ishootta' daanni in kinnini' kiini, ‘Oranna ishin qara' de'a.’ Ka samaytiyyo sassapanni.

Maatiyoosi 10:37

Nama a ana qaran qapto aappaaysho ka aayyaasso jaalanno piisa, tamaarittiyyo koddeeta isha parpaaccisni in kitto. Nama ana qaran qapto innaadi ka enentaadi jaalanno, tamaarittiyyo koddeeta isha parpaaccisni in kitto.

Maatiyoosi 22:16

Ka tamaarewwaasso isho kola Herodiisi Yesuusi kapopa erkite. Ishootta ka Yesuusi kaassaden ka kidene, “Kollissampayto, atti akkima dukollayta koddite ka qoota saanta Waaqati desa dukaatan kollinnitto in upna, umma nama fuureetan wa koonitta in caan, umma orra oli qaran a jaalinni a kittooy,

Luqaasi 14:26

“Nama anopa deeno piisa, oton a ana qaran qapto'e aappaaysho ka aayyaasso ka iskatteetaadi ka hellaadi ka hellaasso ka tuparraasso, taaki isi mikka jaalanniyyi, tamaarittiiyyo kodda in ettansho.

Roomi 16:18

Orra asse paho xajeeltaaysho kamma aananni diisheey, Poqallaanno Kiristoosi kela koda kooni in caan; ka afaa nukulla isho neyneyaanne tajjana sassapanni.

Qorontoosi a lammatta 5:16

Arepadesa ino nama takka nefo qinda piita qara an tooyni an kinno, kadin punu turan Kiristoosi akka orra isha tooyno mina qinda piita' qara' tooyne nefooyye, arepa desa oori asse an koono.

Mataafa oppa' Ooreta 32:15

Isira'eeleta xoori ikappatte ka tiyya xaate; atti imeerte ka kappatte ka taajurte; ka Waaqaayti a ke uume alle diisse; ka shilase xaayti a kela pahanitto qara seeste.

Mataafa oppa' Ooreta 33:9

Qoota aappaaysho isho a aayyaassotidesa ikide, ‘Anti qootaayshoti desa an dikanni an co;’ ka hellaasso a diira a ollin daladene kuli marmade; ka hellaadi a xaaye kuli tuffade; ma xoori qaaletaayti'i in ajajame ka kodayteetayti tooytaanne.

Yayqoopi 3:17

Ma xoori, ookuma a Waaqa kapa deeno, paayyota qaraayye, qaja in qapo; kamma'eew a nakayta jaalanno ka a paxaara ka a ajajammo ka a diissata koono ka a dalta paxaaratin immakaade, a karaayye olqaran orra jaalissa isho pappahanassa in kinnin.

Mataafa Iyyaasu 18:1

Samayta Isira'eeli piisa pora takka Seelo kidammo oppopa ollopa oore ka tukkana a kara Waaqa sakatadan eeyye daapade piita piisa ka jaw kiite ka ishootta dakayte.

Mataafa Saamu'eeli a paayyota 3:13

Qoota hellaadi issi nyalinnaan isha ka ishootta in dawrinin malla, juppoota a upo malla akkiman haka paraparati toolaadi qatta'o in ishi lele.