Mataafa Saamu'eeli a paayyota 2:22 - Mataafa Qulqulloota

²² Eeli a kuttati kere ka wa hellaadi samayta Isira'eeli piisa qara koonaane ka akkima iskattase xarra tukkana Waaqa oppa koda koono olli almalummaan piisa dakaye.

Mataafa Saamu'eeli a paayyota 2:22 ပူးပေါင်းရင်းမြစ်များ

Mataafa Uumata 35:22

A Isira'eeli eeyye kalooyye, Roopeeli lammitteeta a aappaayshoti Paala qaropa kale. Isira'eeli ka wa kodde piisa dakaye. Yayqoopi hellaa diira kudanka lakki qapa.

Mataafa Uumata 37:2

Sene are kammopa xata ca torra a qoota toola Yayqoopiti desa torrina. Yoosefi ete para kudanka tappa kayeeyye, hellaasene' xaaysho a Paala isho Silfa xaayene olli kaharra isho telalla sikinni. Ka dapa a hellaasso' koonaan kalli ka aappa kapa lelli.

Mataafa Sooketa 38:8

Paasili'eli ka sipla poroppaayye saahina a kara pisha jaqannaan isho meeha saahinose kara xaayammo kode; siplose poora nefo, kaawwatase a sipla poora a iskattase xarra tukkana Waaqa turaayye koda koono ishin de'e quda qeede.

Xuuma Hisqeeli 22:26

Ha qeesewwaadi seeriyyo qepinni ka a qulqullaawe nyalinni; umma a xawwi' reexxamte isho a in reexammin olkela reexni in caan ka kuyyaatiyyo a nessuma puyanni; umma a nyalte ka a in nyallini arta karaayye reexa a co kollinni in caan ka samaytiyyo tuffanni; anti ka ishoottoppa ulfeessammi in kinnin.

Mataafa Saamu'eeli a paayyota 2:23

Ka ishootta kide, “Neequmta a koonittan orra piisa qara in dakayeey, maana malla wa asse paha koonittan?

Mataafa Saamu'eeli a paayyota 3:13

Qoota hellaadi issi nyalinnaan isha ka ishootta in dawrinin malla, juppoota a upo malla akkiman haka paraparati toolaadi qatta'o in ishi lele.

Mataafa Saamu'eeli a paayyota 8:1

Saamu'eeli ete kereeyye, hellaadi a diira'e qeede ka Isira'eeli qara taanynyada kode.