Mataafa Saamu'eeli a paayyota 2:2 - Mataafa Qulqulloota

² “A Waaqa mina qulqullitta kodde in co ke mali a pila in co, umma a Waaqinno mina shila a kela pahan kodde in co.

Mataafa Saamu'eeli a paayyota 2:2 ပူးပေါင်းရင်းမြစ်များ

Mataafa Saamu'eeli a lammatta 22:3

Waaqiyyo shiliyyo an kela koorsanno ka kontaleetiyyo ka atti a hupna diniyyo ka a xelsumaayyo an kelopa qahano, ka a dinshampaytiyyo, atti hupna irreelaya kela anan pahani.

Mataafa Saamu'eeli a lammatta 22:32

Waaqinno mali aynon Waaqa? Waaqinno mali aynon shila xelsuma?

Mataafa Saamu'eeli a lammatta 7:22

Oo Waaqqo! Ke a piisa qara qapo, semmalla atti ikkutti umma a ke paho in co. Umma akkan napahtan dakayne qara'e, Waaqa pila ke mali in co.

Mataafa a Nuqussa a paayyota 8:23

Ka kide, “Oo Poqlo Waaqa Isira'eelitiiyyi a orxayaadi a karittaaysho piisan saantaadin kallaannaati'i a kodayteetaadi a xoonaadi tooytino illi moontanne ka xati piitanne Waaqa a ke paho in co.

Mataafa Masmuureta 111:9

Ka wa samaytaadi fura erke ka kodayteetaadi haka paraparati ajaje; maxxaadi a qulqullaawe ka fuurammo.

Mataafa Masmuureta 18:2

Ha Waaqa, shiliyyo ka xelsumaayyo ka dinshampaytiyyo; ha Waaqiyyo, ishan hupniyyo an kippanno; isha' kontaleetiyyo ka kaasa diniyyo ka xelsumaayyo.

Mataafa Masmuureta 18:31

Hela xawwi Waaqa mali a xaamon Poqalla? Waaqinno mali a xaamon shila xelsuma?

Mataafa Masmuureta 71:19

Oo Waaqqo, hanqeellumaatti akata kutti; atti wa orra qaqawwanna'e' kooteey, Waaqqo, ata ayno ke paha?

Mataafa Masmuureta 71:3

Awta piisa xelsuma a kokkoka ana' kodde; ken shiliyyo a kela' pahana'ey, qoota' shiliyyo ka xelsumaayyo koddite malla, anan paheeta'e, ajaja sookshe.

Mataafa Masmuureta 73:25

Ke maliiyyi aynon moonteeyye qapa? Ka ke mali piita qara maana faani?

Mataafa Masmuureta 86:8

Oo Poqlo, waaqaddaappa a ke paho in co; umma koda a xaayti paho in co.

Mataafa Masmuureta 89:6

Moonteeyye ayno Waaqa kapa' qapama ettansha? Hela erkampattowwa moonta oppaayye ayno Waaqa mina' ca?

Mataafa Masmuureta 89:8

Oo Waaqa Poqalla ke se we' piisa ettaninno, aynon ke mina' hupnampayta ka qinda piisan amanammi?

Mataafa Masmuureta 99:3

Ishootta a maxxase' xaayti kutta ka orra fuurinno saarshen, isha' qulqullittaay.

Mataafa Masmuureta 99:5

Waaqa Poqallaanno kukuttisha, ka loqqa kela ishi' sakatada, isha' qulqullittaay.

Mataafa Masmuureta 99:9

Waaqa Poqallaanno kukuttisha, ka irroose' xaadi a qulqulloota' qara ishi' sakatada; Waaqa Poqallaanno qulqullittaay.

Mataafa Sooketa 15:11

Oo Yaahiwwe, Waaqaddaappaayye, a ke paho ayno ca? A qulqullumaan kuttade; ka kodaddaadi a orra qawwannaatin fuurammo; ka daxxowwa koono; a ke paho ayno ca?

Xuuma Issayyaasi 40:18

Ka kuli aynonne Waaqa pahanassan? Ka pahana maana' kapa isha qaptan?

Xuuma Issayyaasi 44:6

Nuqsase a Isira'eeli Waaqa, isase Isira'eeli furanno, Waaqa a we piisa ettaninno ikiini, “Anti a paayyota ka a piraampira; umma ana mali a pila in co.

Xuuma Issayyaasi 44:8

In fuuran ka in tammaqan; xattaaw sede ishina an lelle? Ka ishina'e an upnaanne? Sedeeti ishina a maakkiyyaayyo; hela ana mali Waaqa pila ica? Hela ana mali shila pila ica? in co; a pila an upo.”

Xuuma Issayyaasi 57:15

Waaqase a parapara a maxxaadi qulqullitta kodde isase opeela kuttade ikiini, “Kadin punu pora kutta ka qulqullaaweppa kalaayye, anti nama isi shakkinno ka maraarfanno ollin caanni ka hapura a nama isi shakkinnooti japeessini ka karitta a nama mararfannooti impasinni.

Xuuma Issayyaasi 6:3

ka dawanni ka olli' oorinni ka kiini, “Isha' qulqullitta, qulqullitta, qulqullitta Waaqa Waaqa Poqalla a we piisa ettaninno; piita piisa ulfeenaadinni immakaatte.”

Xuuma Ermiyaasi 10:6

Oo Waaqqo! a ke paho in co, atti ikutti; maxxaayti nefo hupna kokkoka qapa.

Mataafa orra Lewi 11:44

Anti an Yaahiwwe Waaqaayshin akkiman qulqullitta kodde ka xawwayta kodde mina'e, ishina asseew qulqullowwa kodda ka xawwi issi reexa diisheey, wossen piitandesa lelleehinaatinni issi in nyalshan.

Mataafa orra Lewi 11:45

Akkan Waaqaayshin koddo'e a piita Kipsi kara ishin sookshe ana Yaahiwweey, akkan qulqullitta kodde mina'e, ishina qulqullowwa kodda.

Mataafa orra Lewi 19:2

“Xora samayta Isira'eeli piisa haasawado ka kide, ‘Anti Yaahiwwe Waaqaayshin akkan qulqullitta kodde mina'e, ishina qulqullowwa kodda.

Roomi 15:4

Duupatta isho xasa oorsattase an mataafa qulqulloota kara teyninnonne, akkan kippeeta qapnaanno'e, wa a turan taafame piisa, akkan oppa kollanno'e taafamen.

Roomi 4:8

Nama a Poqalla juppootaadi isha qara' dikni in kinnin, a eeppisame.”

Mataafa oppa' Ooreta 3:24

‘Oo Yaahiwwe Poqallaayyo, waasene kukutta ka orra qawwanna a itturopa koota oppaayye a paayyota patta ana orxaytaayti akkisse; ka allu waaqa a xaame piita ka moontan ca ka wossen kukutta ka orra qawwanna a koonitta koda ettansha?

Mataafa oppa' Ooreta 32:20

Isha ka kide, ‘Qoota quumara a xelta ka hellaa amanteeta in qapnini kodden malla, allen ishootta tura fuuliyyo quu'a; ka piraampiraaysho maana akka koddo tooyya.

Mataafa oppa' Ooreta 32:39

Ana pattan Waaqaay, sede upnaada; umma ana mali Waaqa a pila in co. a ikanno ka caatinno ana patta; ka matanni ka dininni, umma nama a harkiyyo oppa ishinan paho in caado.

Mataafa oppa' Ooreta 32:4

Ha isha shila an kela pahanino, umma kodaadippa qaja in qapo; saantadaadi nefo a qajeele; isha Waaqa a amaname, umma dapa in qapo; isha hanqeelitta ka dukaallayta.

Mataafa oppa' Ooreta 4:35

Yaahiwwe akkima isha patta Waaqa kodde, isha mali Waaqa pila ka in kinnin akka upnaattane'e se piisa ildaassin tura akkishe.

Mataafa oppa' Ooreta 4:39

Semmalla illi moontanne ka are piitanne Yaahiwwe akkima Waaqa kodde awwe upnaada ka karitta kara qapada; a pila in cooy.

Petroosi a paayyota 1:16

Itaafamte ka kiini, “Anti an Qulqullittaay, ishina' kuli qulqullowwa kodda.”