Mataafa Saamu'eeli a paayyota 2:12 - Mataafa Qulqulloota

¹² Hellaa Eeli ukkuttowwa umma Waaqa ulfeessini in can.

Mataafa Saamu'eeli a paayyota 2:12 ပူးပေါင်းရင်းမြစ်များ

Mataafa a Nuqussa a paayyota 21:10

Ka maakkiyya darta lakki qara dika ikka qara maakkumen ka kidene, ‘Waaqa isho nuqusa ote’ Ka oori alle isha tita ka dakaan dakka ikka to'o.”

Mataafa a Nuqussa a paayyota 21:13

Maakkiyya darta lakki ka de'en ka isha mina desa kuti'en. Ka fuula samayta tura isha qara maakkumen. Ka kidene, “Naapute Waaqa isho nuqusa ote.” Ikka alle katama kara isha titen ka dakaan dakken, ikka to'e.

Xuuma Ermiyaasi 2:8

Umma qeesewwa in kaassanne ka in kiine, ‘Ata Waaqa aysha ca?’ A seera harkoppa qapa umma anan upnaanne saarra ana qara'e tiyyaan xa'en xuumampaya ka maxxa killoota pa'aalitinni xuuma haasawaden ka killowwa a paata patta kamma aanen.”

Xuuma Ermiyaasi 22:16

Waaqa ikiini, “Ha isha deexa teekolaya ka a rakkatampaya'e taantetan mure; we piisa ka olikela ishi teyen ana upnaatta kideeta sedenne?

Xuuma Ermiyaasi 9:3

Waaqa ikiini, “Akka nama paanta pokka' harmisade mina'e; arrapaaysho asseew darada haasawwatta' harmisade; dukaata kapa dartanne piisse oppa' pooren; ka neequmta qara neequmtaaw koopsaden; umma ana in upnaanne.

Xuuma Ermiyaasi 9:6

Waaqa asse kiini, “Ishootta miiddota qara'ew miiddota kooni; ka sassapa qara'ew sassapa kooni; ka ana upnaatta tiiten.”

Xuuma Hisqeeli 22:26

Ha qeesewwaadi seeriyyo qepinni ka a qulqullaawe nyalinni; umma a xawwi' reexxamte isho a in reexammin olkela reexni in caan ka kuyyaatiyyo a nessuma puyanni; umma a nyalte ka a in nyallini arta karaayye reexa a co kollinni in caan ka samaytiyyo tuffanni; anti ka ishoottoppa ulfeessammi in kinnin.

Yohaannisi 16:3

Wa malla sede kodane nefo, qoota Waaqa Aappa isho ana in upnin malla.

Yohaannisi 17:3

Caattose a parapara nefo, ke se xawwaati Waaqa dukaat kodde isho Yesuusi Kiristoosise a erkite upnaatta.

Yohaannisi 8:55

a koddito ma ishina a isha a upnaanne, anti xoori in isha upa. Kadin in kiini'i, ‘An isha an upooyye,’ Xaayshin mina'ewwen dertampayta koddini heene. Ma xoori anti in isha upa ka qaaletaadi nefo tooytini.

Roomi 1:21

Ishootta a Waaqa upan kapaayye, ulfeena isho kalata a Waaqumaadi' parpaaccisno isha in daanne. Ka dikattaayshotin paata patta dikaden. Karittase' xaaysho matte paata qapnaanni in kinnin ka lule.

Qorontoosi a lammatta 6:15

Kiristoosi, isho taaploosi atta olli' kaleeta ettanshan? A amanno isho a amanni in kinnin atta ollin moottuma ettanshan?

Mataafa oppa' Ooreta 13:14

akka wa asse paha dakaytaayye wossen kamma fade ka qorado ka qanqannissa kaassado; oton seden dukaataayye, wossen jippame ka keeto otantaayshin oppa koddeneeyye,

Mataafa Taanynyada 19:22

A asse xasoottoppa caneeyye, almaleta katamooseneti ka deete ka tikase kapa murte; ka xarroppa tottoommi ka qimaytase a tikati kiini, “Aappoose tikaaytipa kale ino sookshe, iskatta'en isha kodannaay!”

Mataafa Taanynyada 2:10

Ete xeltose piisa leete kammaayye, xelta a Waaqa isho wa paxaara a Waaqa a Isira'eeleta' kode in upnini xa'e.

Mataafa Saamu'eeli a paayyota 10:27

Ma xoori falqoolaya demo ikidene, “Namoose atta inon paha ettansha” Ka isha puyaden. Ka daassata ishi dehassa diishen Saa'ooli xoori asseew jaw kide,

Mataafa Saamu'eeli a paayyota 25:17

Amma oori poqallaanno isho toolaadi piisa qara'e rakkoota neeqa'e are deeniiy, isha aren akkan nama a neeqa ka nama a kela dakayo ka in kinnin i'uptaay, attiw oppa dikado ka wa ettaninnitta kode.

Mataafa Saamu'eeli a paayyota 3:13

Qoota hellaadi issi nyalinnaan isha ka ishootta in dawrinin malla, juppoota a upo malla akkiman haka paraparati toolaadi qatta'o in ishi lele.

Mataafa Saamu'eeli a paayyota 3:7

Saamu'eeli seturan Waaqa in upnaanne. Umma qaaleta Waaqa seturan ishi in dakaanne.