Mataafa Saamu'eeli a paayyota 19:5 - Mataafa Qulqulloota

⁵ Ha isha isqara karitta kutade ka Filisteemittase ishshe, Waaqa ka putayma kuttaya Isira'eeli piisa daashe. Atti ka akkite ka xasootteey, wa malla Taawwiti ikassa ka diika juppoota in qapnin patta tuqta maana?”

Mataafa Saamu'eeli a paayyota 19:5 ပူးပေါင်းရင်းမြစ်များ

Mataafa Saamu'eeli a lammatta 23:10

isha xoori poraadippa in mayne ma haka harkaadi isha tupa qishshaamoonno ka koraateta quda jaqqallooti'i Filisteemeta leyyshe. Awse kuyyaaseti Waaqa ka putayma kutta daashe. Xelase a Isira'eeli isha kamma alle oore ka a le'e quda mehadda furatta patta'ew tiitaawe.

Mataafa Otoowwa a paayyota 11:14

Isha isho orraadi xoori, dulase otantoppa'e pora qapaden ka Filisteemeta leyshen; Waaqa ka putayma kutta ishootta daashe.

Mataafa Otoowwa a paayyota 11:18

Sitiiyyi xormewwasene sessa ka xela a Filisteemi oppan mitten ka qaawase a pisha xarra Peteleheemi oppa co kara pishasene muudden ka Taawwiti ishin de'en; Taawwiti xoori pishasene ikka in heenanne ma kalisoota Waaqati'i alle tuqe.

Mataafa Masmuureta 109:5

ka paxaarumta kapa'e, neequmta ka jaalala kapa'e, needduma ana' oorshen.

Mataafa Masmuureta 119:109

Anti awta piisan toota qara kayni ma, seeraayti an teymini an co.

Mataafa Masmuureta 25:3

A ke kippanna pakkanna jeerri in caan; a patta orra sassapanna' xoori ishootta jeerri.

Mataafa Masmuureta 69:4

A pattayya ana needdanna, nyirfaayyo a matta qara lekuma' qapan; a ana ikassa faana ka tabaan ana needdanna ikoopen; ka waan an hannini ana' kiini, “Oorshe.”

Mataafa Masmuureta 94:21

Ishootta hanqeellayta qara'e taanyuma ollopa anni ka a dapa in qapnin qara'e, toota murri.

Mataafa Sooketa 14:13

Muuse ka samaytaseti kide, “In fuuran kokkonnaada! ka Yaahiwwe akkima awwe ishinan pahado tooya! Kipseese a awwe akkinittan lammatta a akkitaneey.

Xuuma Ermiyaasi 26:15

Ma xoori qaalewwosen piisa akkan napahawwaassinan dakaytane akkan ishina lelo'e, a ana erke dukaatan Waaqaay, oton ana ikassaneeyye akkima diika a nama dapa in qapnini isi qara'e, ka katamoosen isho orra a karaa kalo piisa qara qeennittan upnaada.”

Maatiyoosi 27:24

Pilatoosi oori akkima wossen horaytaaw xaashan ka we in nakannini ete akkeeyye, pisha qeede ka samayta tura harkaadi jaqade ka kide, “Anti diika a namooseti oppaayye an co. Ma ishina oppa kaassatama.”

Maatiyoosi 27:4

“Qootan hanqeellayta nama toota qapsiise malla, in ishin dape” Ishootta ka ishi kidene, “ke qaapissa xanno maana ino dipe,”

Yohaannisi 15:25

Sede nefo wa malla asse koddite qaaletase seeraaysho oppa' taafamte ka kiinitto, ‘Patta'e ana needdaden’ akka dikkatto malla.

Kodampaya 20:24

Otootase a fayya a daassata Waaqa kollissa'e, Ka kodoose koda'e, ataraan Poqalla Yesuusi qara teyyade ana dikkisho diisheey, caattiiyyo we kapa an dikni an co umma isi an suraysanni an co.

Filippisiyuusi 2:30

Maana malla isase a allu ishina ana kapa kinnaattan ka ana qaarqaartan qoota' malaalten malla, isha' sede koda malla kide ka a issi in suraysannin mali koda Kiristoosi malla toota' foolsadeey.

ipro 2:3

Ka kuli ino, oton dinoose asse kutta puyannooyye, attan kela pahana? A paayyota qara dinose torre mattaadi Poqalla. A isha kela dakaye ka turaayye sedeew ino kokkonnayshen.

Mataafa Taanynyada 12:3

Eten akkama ana awla a hennin upnaadeeyye, karittan isi qara kutade ka Amoonata torpa tuule; Waaqa ka harkiyyo oppa ishootta tarpishe ka daasheey, xawwi amma maana'e ana torpa xaaten?”

Mataafa Taanynyada 9:17

Aappinno Miitiyaameta kela ishinan pahae karitta isi qara kutade ka ishin malla oranna torpe.

Mataafa Saamu'eeli a paayyota 11:13

Saa'ooli xoori ikide, “Awwe kuyyaata a oppa Waaqa Isira'eelin paheey, awwe nama takka nefo opa in ishshan.

Mataafa Saamu'eeli a paayyota 14:45

Xela xoori iSaa'ooli kide, “Yoonataanise putayma asse kutta Isira'eeli pute ishshama? In koddito! Caattampayta Waaqatin! qaarqaarsa Waaqatinni awwe orana torpeey, xaaja isha quda in kuti'o.” Akka in toonini'i, xela ka asse Yoonataanin pahe.

Mataafa Saamu'eeli a paayyota 19:6

Saa'ooli ka afa Yoonataani dakaye ka xaxade ka kide, “Caattampayta Waaqa'enne! Opani Taawwiti in ishshan.”

Mataafa Saamu'eeli a paayyota 20:32

Yoonataani ka aappaayshoti kide, “Maana malla toota isha faani? Maana kode?”

Mataafa Saamu'eeli a paayyota 22:14

Apimeleki ka nuqusase Saa'ooli oorshe ka kide, “Saarraatti piisa oppaayye, a Taawwiti mina amaname ka saara tooytampayaatti kodde ka sottohaayti kodde ka toolaaytippa ulfeessame ayno ca?

Mataafa Saamu'eeli a paayyota 28:21

Iskatteetase ka Saa'ooli kapopa deete ka akka akata tammaqe akkite ka ishi kiite, “Tin ana orxayteetaayti lelaayti in dakaye ka karitta isi qara kutade ka wa ana lelte kode.