Mataafa Saamu'eeli a paayyota 18:5 - Mataafa Qulqulloota

⁵ Pora oppopa Saa'ooli Taawwiti erko piisa oppaayye qoota Taawwiti olkela teynitto malla, Saa'ooli xela oranna piisa qara'e Taawwiti shuume. Ini ka taanynyada isho saarra oranna piisa xasasse.

Mataafa Saamu'eeli a paayyota 18:5 ပူးပေါင်းရင်းမြစ်များ

Mataafa Uumata 39:23

Qoota Waaqa Yoosefi olli co ka akka wa koona piisa ishi' qajeelane' kode malla, ajajampaytase a tika hida we takkan nefo qaapni in co.

Mataafa Saamu'eeli a lammatta 5:10

Qoota Waaqa Poqalla ise we piisa ettaninno isha olli co malla, Taawwiti ka kokkonnaattaan aane.

Mataafa Saamu'eeli a lammatta 5:2

Xatta a Saa'ooli ino qara nuqusa koddeeyye, a Isira'eelin tuullo ka ishin kallo ke. Waaqa ka ke kide, ‘Samayta a Isira'eeli qara'e sikmayta ka saara koddita.’”

Mataafa Otoowwa a lammatta 17:3

Qoota innuman saantase a oppan aappaaysho Taawwiti aane oppan anne malla, Waaqa Iyyoosafiti olli caade; umma isha killanna a pa'ali in kaassanne.

Mataafa Masmuureta 1:3

Isha, qoyra kirra a pisha kapa' dishame, ka eta etaan dalta dallo, haashshaadi ka oli'onni in kinnin mina. Wa koona' piisa ka ishi olkela teyni.

Mataafa Masmuureta 101:2

Kallaata qaja in qapninin kallaada; atti aytami ana kapopa deeta? Tikiyyo kara'e, karitta fayyatinnin kallaada.

Maatiyoosi 10:16

Kammadesa Yesuusi ikide, “Tin anti akka kaharra mina'en yoytoppopa ishin erkaay, ishina akka karra mina'e ilattaya kodda ka akka eleela mina'e naalaya kodda.

Kodampaya 7:10

Ka rakkoota piisa kela isha sookshe ka nuqusase a piita Kipsi Feri'ooni tura' daassataadi isho ookuma ishi' daashe. Nuqusase a piitase a Kipsi ka tikaadi piisa qara' mukissampayta isha kode.

Efesooni 5:17

Semmalla heenna Poqalla' maana akkima kodden upnaada diisheey, eeppa an koddan.

Qolaasiisi 4:5

Faroota teyten takka nefo ishin kapanne in tarpinin ka kallaata a orra amanni in kinnin oltura qaptan oppaayye ookuman kallaada.

Mataafa Taanynyada 1:19

Qoota Waaqa samayta Yihuta olli co malla, ikka piitase a kunkunnawwa' qara piren. Ma xoori, orra naabba kara kalo qoota sarakella siplalla' qapo malla, piitase oppa ishootta sookissa in ettaninne.

Mataafa Saamu'eeli a paayyota 13:2

Saa'ooli Isira'eeleta oppaayye diira kuma sessa reexe. Ishootta oppaayye diira kuma lakki piita a Mikimaasi isho piitase kunkunnawwa qapto a Peteli kara'e Saa'ooli kapa' hasen kuma takkaaw, piita Piiniyaami kara Kipi'apa karaayye Yoonataani olli caan. Saa'ooli ka diira atahase piisa alle tikkaasso opa kalshe.

Mataafa Saamu'eeli a paayyota 14:52

Xelta a Saa'ooli piisa karaayye, oranna kokkoka'e Filisteemeta olli torpaammi. Semmalla Saa'ooli oton nama kokkoka taaki xormitta akkaayye, isqudopaaw qapni ka xelaadi a oranna oppopa kalinni.

Mataafa Saamu'eeli a paayyota 18:16

Ma xoori qoota ishoottan tuullo ka ishoottan kallo malla, Isira'eeleta isho Yihutaata piisa Taawwiti jaalanni.

Mataafa Saamu'eeli a paayyota 18:30

Saarra xela Filisteemeta ka ishootta torpa'e, orana tuulli. Awta saarra Saa'ooli a oranna tuullan piisaayye, Taawwiti ka a piisa qaran qapto putayma akkanni. Seminan maxxaadi ka a kuttati peepammi.

Mataafa Saamu'eeli a paayyota 18:4

Ka kaappaadi isquda qeede ka Taawwiti daashe. Ka oyleetaadi a oranna kuli ishi daashe. Ka koraatetaadi isho paantaadi ka salpataadi kuli ishi daashe.

Mataafa Saamu'eeli a paayyota 18:6

Awta Taawwiti Filisteemittase ishsheeyye, xela ka tikkaapa kallooyye, iskatta timpa ka maasinqoota qapade ka nuqusase Saa'ooli okaadissa'e, katamadda Isira'eeli piisa oppaayye ililittan sooke ka kirpa dawanni ka kirpini.

Mataafa Saamu'eeli a paayyota 3:19

Ete Saamu'eeli kuttattaan annooyye Waaqa ka isha olli caanni. Umma qaaletaadi oppa a koddito mali takka nefo hasni in kitto.