Mataafa Saamu'eeli a paayyota 18:1 - Mataafa Qulqulloota

¹ Ete Saa'ooli Taawwiti olli haasa dikkisheeyye, Yoonataani Taawwiti quda'e koke ka a mattaadi mina isha jaalade.

Mataafa Saamu'eeli a paayyota 18:1 ပူးပေါင်းရင်းမြစ်များ

Mataafa Uumata 44:30

“Semmalla, napseeta Aappinno harka innooseneti oppa kittaay, oton isha malin aappa kapoopa tiitaawaayye,

Mataafa Saamu'eeli a lammatta 1:26

Innaanno Yoonataani a kuttatin ke nyarrahani; akuttati ana xasasse jaalala ana qapta orra qawwanni ka jaalala iskatta qaropa qapan.

Mataafa Otoowwa a paayyota 12:17

Taawwiti ka orrose turopa sooke ka ishootta kide, “Oton ana qaarqaara'e nakayta deeteneeyye, ishin teyyatta'e in harmisade; ma oton ana dapa in qapnini qapsiissa ka harka paarkaalaayyo oppopa ana tarpissa faateneeyye, Waaqa aappadaanno a sede akko ka dukaata farato.

Mataafa Masmuureta 86:11

Oo Waaqqo, saantaayti ana kollishe, dukaataaytinnin kallaadaay, akkan ke tura fuuro'e, karitta takka ana' daashe.

Mataafa Pahana 18:24

A moottada koopsanno, pateetta isha qara' kayni; mootta dukaata' xoori inna ollin daladene' qaropa nama' jaalli.

Mataafa oppa' Ooreta 13:6

Oton innaassin a ollin dalattene taaki innaatti taaki enentaayti taaki iskatteetaayti a jaalannitto taaki moottaayti a akata jaalannitto dekandekatti ke nyarinni ka kiini, “Anna ka waaqadda a pila waaqaysannaayye,” ka pora oppa piita oorto piisaayye waaqadda orra a ke kapandesa kalooti taaki a ke kapa sekati a aappadaassin isho a atti a upninin waaqaysannaayye ka seden dapoppopa ke kallinniiyyi,

Qolaasiisi 2:2

Wa an malla soonna' nefo, akka karittaaysho xasa oorsado ikka jaalalaan takka koddan ka teyanta a upna qaja in qapnini qapnaadan ka Kiristoosise juuttota Waaqa' kodde, upnaadan malla.

Mataafa Taanynyada 20:11

Isira'eeleta piisa ka akka nama takka mina koddite ka katamasene torpa xaate.

Mataafa Saamu'eeli a paayyota 14:45

Xela xoori iSaa'ooli kide, “Yoonataanise putayma asse kutta Isira'eeli pute ishshama? In koddito! Caattampayta Waaqatin! qaarqaarsa Waaqatinni awwe orana torpeey, xaaja isha quda in kuti'o.” Akka in toonini'i, xela ka asse Yoonataanin pahe.

Mataafa Saamu'eeli a paayyota 18:3

Qoota Yoonataani a mattaadi mina Taawwiti jaalade malla, Taawwiti olli kodayteeta kodade.

Mataafa Saamu'eeli a paayyota 19:1

Saa'ooli ka akka Taawwiti ishshana'e, innaadi Yoonataani isho saarraadi lele. Yoonataani inna Saa'ooli xoori, a kuttati Taawwiti jaalanni.

Mataafa Saamu'eeli a paayyota 19:2

Ka Taawwiti lele ka kide, “Aappinno Saa'ooli ke ikassa faaniiy, isqara tooye ka parri teykanteeyye, pora xawwi co karopa dekado ka eeyye tawe.

Mataafa Saamu'eeli a paayyota 20:17

Yoonatani qoota a mattaadi mina Taawwiti jaalanno malla, akkima Taawwiti keeto isha jaalanno upnaatta'e a lammattati Taawwiti xaxacciise.

Mataafa Saamu'eeli a paayyota 20:8

Ka ana orxaytaayti a paxaara kode ana orxaytaayti olli fuula Waaqa tura kodayteeta kodatteey, oton xoori dapa ana qara caayye, atti'iw ana ishshe. Maana'e aappaayshin turopa anan kalta?”

Mataafa Saamu'eeli a paayyota 22:8

Akka seminan piisani ana sulattene? Ete innaayyo inna Isseyi olli kodayteeta kodadeneeyye, ishin oppaayye nama takka nefo ana in lelle. Akkimose a awwe koddinitto mina'e akkima orxaytiyyo ana tura asado'e, akkima innaayyoow isha nyarshen, ishinoppa a qootiyyodesa nyarrahe ka ana lele in co.

Mataafa Saamu'eeli a paayyota 23:18

Ishootta lakki ka fuula Waaqa tura olli kodayteeta kodaden. Taawwiti ka Horeeshi kara hase. Yoonataani ka tikopa kale.