Mataafa Saamu'eeli a paayyota 16:4 - Mataafa Qulqulloota

⁴ Saamu'eeli ka wa Waaqa isha ajaje kode. Ete Peetelehemi kayeeyye. Qimaya katamaseneti ka xarri ka isha dehaaden ka ishi kidene, “Hela nakayta'ewwe deete?”

Mataafa Saamu'eeli a paayyota 16:4 ပူးပေါင်းရင်းမြစ်များ

Mataafa Uumata 35:19

Sekkammaayye Raaheeli eennow toote. Ka pora katamasene a Efraata isasene ammaayye Peteli kidamma opa anno kapa' hawlamte.

Mataafa Uumata 48:7

an piita Mosoppotaamiyaati piita Kene'aani opa tiitaawno ka Efraata kapa foolsadeeyye, aayyaassin Raaheeli poroppa'e ana qara' toote. Anka porose a Efraata (isase Petelehemi kidamte) opa anno kapa ishetta hawlade.”

Mataafa Saamu'eeli a lammatta 6:9

Awwsetiiyyi Taawwiti ka Waaqa fuure ka kide, “Taapota Waaqa atta anopa deeta?”

Mataafa a Nuqussa a paayyota 17:18

Iskatteetase ka Eeliyaasi kiite, “Atti nama Waaqatiiyyi, hela maanan ke kode? Hela akka juppootiyyo matte oorsatto ka innaayyo ikasso malla arepa deete?”

Mataafa a Nuqussa a paayyota 2:13

Sekkammaayye Atooniyaasi inna Akiti ka Persaapehi aayya opa Selemooni kapopa aane. Isheetta ka ishi kiite, “Hela nakayta'ewwe deete?” Isha ka kide, “Aa nakayta'ewwen de'e.”

Mataafa a Nuqussa a lammatta 9:22

Iyyoraami ete Iyyu akkeeyye, ikaassade ka kide, “Hela Iyyu nakayta'ewwe deeni?” Iyyu ka ishi oorshe ka kide, “Haka killanna sakatatta isho suuma aayyaasina a Elsapeeli asse koopeeyye, nakayta maana'e ca?”

Hoose'i 11:10

Anti oton ishootta dinissa akka karma' mina' daatto ka nessa dakaytinnooyye, ishootta ana Waaqa kamma'e sookan, hellaayyo ka qinda a dumaatati xata anopa xaran de'an.

Hoose'i 6:5

Semmalla anti xuumampayaayyo qudannen ishin quura ka qaalese afaayyoppa sooknitton ishin leysha. Firteetiyyo ka akka paritoota' mina ishin qara' la'ayta.

Luqaasi 2:4

Yoosefi nefo, qoota sanynyeeta Taawwiti oppa dalade malla, katamasene a Naasirati piita Kelila kara caatiiyyi xa'e ka Peetelehemipa katamasene a Taawwiti piita Yihuta kara ca opa kale

Luqaasi 5:8

Simooni Peetiroosi, ete sede akkeeyye, Yesuusi tura'e kilpiippade ka kide, “Poqallaay, anti an juppoolaytay, ana kapopa in dehaadan.”

Luqaasi 8:37

Orra piitase a Kerkesenooni kapandesa kalo piisa ka qoota akata fuure malla; akka Yesuusi piitaaysho oppa alle aano'e, isha naappaden. Yesuusi ka koonkaappa fayyade ka piita a ishi de'epa alle tiitawe.

Mataafa Saamu'eeli a paayyota 21:1

Taawwiti ka Apimeleki qeesittase kapopa Noopipa aane. Apimeleki ka Kaawwiti mina aane ka xarri isha kaassade ka kide, “Ata maana malla xawwi kitta nama takka nefo ka ke olli in kinnin?”