Mataafa Saamu'eeli a paayyota 16:18 - Mataafa Qulqulloota

¹⁸ Orxayaasene oppa takka ka kide, “Inna takkan kehayta fayya dawa saha, a Isseyi a Peetelehemitta'en akke. Isha xarjaallitta ka xorma oranna pare. Ka ooka haasa, Waaqa kuli ka isha olli ca.

Mataafa Saamu'eeli a paayyota 16:18 ပူးပေါင်းရင်းမြစ်များ

Mataafa Uumata 39:2

Yoosefi' qoota Yaahiwwe isha olli co malla, tikase a kara kalo karaayye wa koona piisa ka ishi' qajeelli.

Mataafa Uumata 39:23

Qoota Waaqa Yoosefi olli co ka akka wa koona piisa ishi' qajeelane' kode malla, ajajampaytase a tika hida we takkan nefo qaapni in co.

Mataafa Saamu'eeli a lammatta 14:20

Orxaytaayti Iyyo'aapi wa malla asse kode, qoota harmissa dikade malla; Poqallaayyo! Atti xoori a Erkampattoota Waaqa mina'e ookuma qapta ka wa piita qara koddina piisa upta.

Mataafa Saamu'eeli a lammatta 17:10

Aappaayshin akkima kokkoki, a isha quda ca kan xormeeta, oranna Isira'eeleta piisa upaay. Xorma kokkoka a ishi kiinaane marqina karma'e qapa kuli ka tammaqtan puulaawa.

Mataafa Saamu'eeli a lammatta 17:8

Aappaayshin isho xelaadi akkiman xormeeta oranna ka marqinolaya kodden ka akkima pinanta koommayta a kela nyalqa qeeden mina wareerraan i''upta. semmaliiyyiiw, aappaayshin xorma oranna pare. Umma halkeetteeyye xela oranna oppa mukni in co.

Mataafa Pahana 12:8

Nama ookumaaddinni kalataysammi; a karitta quumade qapa' xoori ipuyatammi.

Maatiyoosi 1:23

“Tin enenta issin kitto hita ka inna diirta xaayta. maxxaadi nefo Amaanu'eeli kidama.” Ka halaama akka dikkatto malla. Amanueeli kideeta, Waaqa ino olli ca kideeta.

Maatiyoosi 28:20

Ka waan anti ishin ajaje piisa akka kodane'e, ishootta kollisha. Tin anti haka piraampirati awta piisa ishin olliiwwin caay.”

Mataafa Saamu'eeli a paayyota 10:7

Oto milikkitaddosen piisa koddaneeye, Waaqa ke olliiyyi caay, wa koda ke faanitta piisa kode.

Mataafa Saamu'eeli a paayyota 16:12

Ikka kamma erke ka isha qeede. Ishootta nefo xarjaalliyya inna, a fayya qapa, ilda ka kara oynaane.

Mataafa Saamu'eeli a paayyota 16:17

Saa'ooli ka oori orxayaadi kide, “Nama fayya kehayta dawa saho ana fada ka ishin ana xooya.”

Mataafa Saamu'eeli a paayyota 16:19

Saa'ooli ka Isseyi kapopa orxayaadi erke ka kide, “Taawwiti innaatti isase kaharraappa co ana erke.”

Mataafa Saamu'eeli a paayyota 17:12

Taawwiti Yihuta karaayye, inna Efratittase a Isseyi a Peetelehemi kara kalooti. Isseyi hellaa sette qapa. Xelta Saa'ooliiyyi, isha orroppaayye nama akata qime. parraadi ka ollin sekaaden.

Mataafa Saamu'eeli a paayyota 3:19

Ete Saamu'eeli kuttattaan annooyye Waaqa ka isha olli caanni. Umma qaaletaadi oppa a koddito mali takka nefo hasni in kitto.