Mataafa Saamu'eeli a paayyota 16:1 - Mataafa Qulqulloota

¹ Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 16:1 ပူးပေါင်းရင်းမြစ်များ

Mataafa a Nuqussa a paayyota 8:16

‘Kuyyaata an ishiiyyi samaytiyyo a Isira'eeli Kipsi kara sookshe paayyatte akka tika qulqulloota ana qupan maxxiyyo ka kara halaamo'e, katamadda kaffa Isira'eeli oppaayye takka nefo an reexanne. Ma akka samaytiyyo a Isira'eeli qara nuqusummo'en Taawwiti reexade.’

Mataafa a Nuqussa a lammatta 9:1

Xuumampaytase Elsa'i ka olqapa xuumampaya oppaayye takka hale ka ishi kide, “Ohaataayti opeela hiddado ka muuddosen a sayteeta qapado ka katama Raamooti kele'adi opa aane.

Mataafa a Nuqussa a lammatta 9:3

Ka muuddasene a sayteeta qeede ka matta qara ishi tuqe ka ishi kide, “Waaqa ikiini, ‘Akka Isira'eeli qara nuqusa koddito'en ke daate.’ Ka atti oori, xarra panado ka qahe diisheey in jaran.”

Mataafa a Nuqussa a lammatta 9:6

Iyyu ka xa'e ka tika kelopa kulle. Xuumampaytase ka sayteetase mattoppa ishi tuqe ka kide, “Waaqa Poqalla Isira'eeli ikiini, ‘Akka samaytiyyo a Isira'eeli qara nuqusa koddito'en ke daate.

Mataafa Otoowwa a paayyota 11:3

Qimaya Isira'eeli piisa ka Keprooni karopa nuqusase Taawwiti kapopa de'en. Taawwiti ka Keprooni kara'e fuula Waaqa tura ishootta olli kodayteeta kodade. Ishootta ka Kippetase a xatta Waaqa Saamu'eeli qudan daashe qara'e Taawwiti daaten ka Isira'eeli qara nuqusumshen.

Mataafa Otoowwa a paayyota 28:4

Waaqa Poqalla Isira'eeli xoori akkan haka paraparati Isira'eeli qara nuqusumo'e toolinno pisa oppa ana reexade; ka akka saara koddo'e Yihuta reexade; ka tika Yihuta karaaye toolinno reexade ka hellaa a aappinno oppaayye akkan Isira'eeleta piisa qara nuqusumo'e, ana jaalade.

Xuuma Issayyaasi 11:1

Akkima kurpana qudaayye fujuqa ujjino, hittinaadi ka taama dehinno mina'e, toola Isseyi oppaayye nuqusa xa'a;

Xuuma Issayyaasi 11:10

Awsetiiyyi, akkima hittina taama' dehino mina'e, nuqusase toola Isseyi oppaayye xa'o milikkita kodda ka samayta' qa'ada; mankistewwa ka pora isha fadan; pora oppa kalo ka a ulfeessame kodda.

Xuuma Issayyaasi 55:4

Tin, anti mankistewwa piisa qara'en maakkitta ka saara isho ajajampayta isha koda.

Xuuma Ermiyaasi 11:14

Oo Ermiyaasi, oto rakkadan ka anopa ullupannaaneeyye, anti an ishootta an dakayooy; ishootta'e in qinsadan ka ishootta malla anopa in ullupan ka anopa in qinsadan.”

Xuuma Ermiyaasi 15:1

Waaqa ka ana kide, “Kadi punu Muuse isho Saamu'eli fuuliyyo tura qa'annaan nefooyye, karittiyyo samayse in suraysadooy, fuuliyyo tura alle sookshe ikka aano.

Xuuma Ermiyaasi 6:30

Qootan anti Waaqa ishootta puyade malla, ‘Dakara pirreeta a puyatame’ kidaman.”

Xuuma Ermiyaasi 7:16

Waaqa ka ana kide, “Anti ke an dakayooy, samayse malla in qinsadan; umma qootaayshoti desa anan naappadan ka anopan qepadan; ka qootaayshoti desa anan qinsadan.

Xuuma Sakkaariyaasi 4:14

Isheetta ka ana' kiite, “Sene eeyye ca lakki orra poqallasene a piita piisati koda kodeeta' daatame.

Roomi 15:12

Asseew Issayyaasi ka kiiniiwwi, “A sanynyeeta Isseyippa dalado de'a, ka saara a orra Yihutaata in koddinini kodda' xa'a; ishootta ka kippetaaysho isha qara' xaayadan. ”

ipro 11:32

Semmalla se qaropa maanan kida? Qoota Kediwooni ka a Paraaqi ka a Somsooni ka a Yooftaahe ka a Taawwiti ka a Saamu'eeli ka qoota xuumampayaatti desa, akkan an torrinini'i, eta ana' qajni.

Yohaannisi a paayyota 5:16

Nama oton a innaasso a kiristaana juppoota toota qaran orra kayni in kinnin koono akkaayye, a ishi' qinsado; oton juppoota namooseti'i toota qaran orra kayni in kinniniiyyi, Waaqa caatta ishi' daasha. ma xoori juppoota a toota qaran orra kaynitto ca. Qoota juppoota asse pahatoti desa a qinsado an kiini an co.

Mataafa Saamu'eeli a paayyota 10:1

Saamu'eeli ka oktase a sayteeta qeede ka mattoppopa Saa'ooli tuqe ka isha dinke ka kide, “Akka samaytaadi a Isira'eeli qara saara koddito'e Waaqa ke in daatanne? Atti samayta Waaqa qara'e nuqusumta ka hupna paarkaaladdaasso a ishootta kapandesa ca kela ishoottan pahata. Akka qoottotaadi qara saara koddito'e akka Waaqa ke daatade wa milikkita ke kodda.

Mataafa Saamu'eeli a paayyota 15:11

“Saa'ooli nuqusa kodeetiyyon in maraarfade; maana malla isha ana kamma anta alle diishe ka ajajiyyo in tooytininiiy.” Saamu'eeli ka miirode ka halkeetta piisa Waaqopa ullupni rafe.

Mataafa Saamu'eeli a paayyota 15:23

Ha falqa kodeeta juppoota suuma mina. Ka kamta tuukattaaw, neequmta killana kodata mina qoota atti qaaleta Waaqa jippite malla, isha assew nuqusa koddeetaayti jippeew.

Mataafa Saamu'eeli a paayyota 15:26

Saamu'eeli ka Saa'ooli kide, “Qoota atti qaaleta Waaqa jippite malla, Waaqa asseewwe Isira'eeli qara nuqusa koddeetaayti jippeey anti ke olli an tiitaawo.”

Mataafa Saamu'eeli a paayyota 15:35

Umma sekkammaayye, Saamu'eeli haka toono kara'e, Saa'ooli in akkine, ma qoota Saa'ooli malla inyarrahe. Waaqa nefoow ka qoota Isira'eeli qara Saa'ooli nuqusumshe malla maraarfade.

Mataafa Saamu'eeli a paayyota 16:15

Orxayaadi ka ishi kidene, “Tin hapura neeqa a Waaqa kapa de'e ke rakkacciisniiy,

Mataafa Saamu'eeli a paayyota 16:23

Eta hapurase neeqa Waaqa kapaayye Saa'ooli qara deeno piisaayye, Taawwiti ka kehayta qeenni ka dawni. Saa'ooli ka nessa oorsanni ka fayya qapnaanni hapurase neeqa ka isha qara tawni.

Mataafa Saamu'eeli a paayyota 17:12

Taawwiti Yihuta karaayye, inna Efratittase a Isseyi a Peetelehemi kara kalooti. Isseyi hellaa sette qapa. Xelta Saa'ooliiyyi, isha orroppaayye nama akata qime. parraadi ka ollin sekaaden.

Mataafa Saamu'eeli a paayyota 9:16

“Parri esse piita Piiniyaamitin nama takka ke kapopa erka. Akka samaytiyyo a Isira'eeli qara saara koddo'e tooy isha daate. Isha hupna Filisteemeta kela samaytiyyo nataan sooksha. Anti samaytiyyo in akke ullupittaaysho ka ana kapa kayeey.”