Mataafa Saamu'eeli a paayyota 15:3 - Mataafa Qulqulloota

³ Semmalla amma aane ka Amaleqeeta torpe. Ka wa qapane piisa pashshe ka we takkan nefo in hattishan. Diira ka iskatta ka hellaa ka nyooqqawwa ama luukna in kidan umma lo'alla ka kaharrta ka kaalla taaki harrewwa in kidan ma piisa leyshe.’”

Mataafa Saamu'eeli a paayyota 15:3 ပူးပေါင်းရင်းမြစ်များ

Mataafa Uumata 36:12

Elfaasi inna Eesaawi, Lammitteeta Timinaa'i kidammitto qapa. Isheetta ka Amaaleqi ishi' xaayte. Sene oopadda Adda, a iskatteeta Eesaawi.

Mataafa Saamu'eeli a lammatta 1:8

Ikka ana kaassade ka kide, “Atti a ayno?” Anka kide, “Anti an Amaleqitta.”

Mataafa Sooketa 17:14

Sekkammayye Yaahiwwe ka Muuse kide, “Akka matte oorsatama tupa tawto'e, putaymoosen mataafa ollopa marrammo kara taafe; ka akka dakayo'e, Iyyaasu nappape; anti sanynyeeta Amaleeqeta'en piita qara alle piraay.”

Mataafa Sooketa 20:5

Ka ishootta'en sakatadan umma in waaqaysadan; anti Yaahiwwe Waaqaayti an yo'ampayta Waaqa; a ana needda qara'e, juppoota a aappadaasso minanne haka xelta sessa ka a afuri'in hellaasso qattaani.

Mataafa Dikoota 24:20

Pala'ami ka Amaaleqipa tooyyade ka haasasene haasawatta paayye ka kide, “Amaaleqi mankistewwaappaayye matta'e qatta; piraampira qara xoori takka'e piramta.”

Mataafa Dikoota 31:17

Semmalla nyooqqawwosen oppa hella a diira piisa leysha! Ka iskatta a diira olli muke piisa leysha!

Mataafa Iyyaasu 10:39

Ka katamaddaadi isho nuqusaadi qara piren ka orra opa co koraatetan leyshen ka akkima nuqusa Keprooni isho a Liipina ka samaytaaysho koden mina'e, orra piitoose oppa co piisa piren. Nama takka nefo ka kela in hasnin.

Mataafa Saamu'eeli a paayyota 14:48

Ka xormuman torpe ka Amaleqeta pute ka harka orrase Isira'eeleta sarro oppaayye samaytaadi furade.

Mataafa Saamu'eeli a paayyota 15:18

Ka koda ke erkade ka kide, ‘Aane ka Amaleqeeta juppoolayasene alle pashshe. Ka haka ishootta piisa pirritto'e, ishootta torpe.’

Mataafa Saamu'eeli a paayyota 15:9

Saa'ooli isho xelaadi xoori, Akaakinni pahen. Ka kaharra kakappa isho okkaya kakappa ka xormada meere isho nyalqa kaharraatin pahaden. Ka wa paxaara piisan pahaden. Umma ishootta piisa alle patissa in faane ma wa puyatame ka we in nessinnini piisa pashshen.

Mataafa Saamu'eeli a paayyota 22:19

Ka orra Noopi a katamasene a qeesewwa koraatetan pire. Umma iskatta ka diirta in kiine, umma hellaa isho nyooqqawwa ama luukna in kiine; umma lo'alla ka harrewwa isho kaharra in kiine ma piisa koraatetan pire.

Mataafa Saamu'eeli a paayyota 27:9

Taawwiti awta piita takka torpinooyye, diira isho iskatta piisa alle lenni ka pirri. Ka kahirra ka lo'alla ka harrewwa isho kaalla ka ohawwa piisa tura poojni ka Ankusi kapopa tiitanni.

Mataafa Saamu'eeli a paayyota 30:17

Taawwiti ka kallapseti paayyatte shootta qara oranna qishshe ka haka paarri kalakalati ishootta torpe ka ishoottoppa xayyoolayse nama dippa afuri a kaallaan kulufna ka qahe maliiyyi a kela pahe takka nefo in co.