Mataafa Saamu'eeli a paayyota 15:11 - Mataafa Qulqulloota

¹¹ “Saa'ooli nuqusa kodeetiyyon in maraarfade; maana malla isha ana kamma anta alle diishe ka ajajiyyo in tooytininiiy.” Saamu'eeli ka miirode ka halkeetta piisa Waaqopa ullupni rafe.

Mataafa Saamu'eeli a paayyota 15:11 ပူးပေါင်းရင်းမြစ်များ

Mataafa Uumata 6:6

Yaahiwwe sede a piita qara nama uume ka ishi neeqnaatte, ikka semmalla harmmo nyarrahe.

Mataafa Uumata 6:7

Semmalla Yaahiwwe ka dikade ka kide, “Uumatase an uume ana nyarrahasiiseey, allen sanynyeeta nama piita qara qishsha. Pinaana piita qara kala ka xampira moontan xa'anna piisan piita qara alle pashsha.”

Mataafa Saamu'eeli a lammatta 24:16

Ete erkampattoota Waaqa Yursaalami patissa'e harkaadi derasseeyye, Waaqa ka neequmtose malla maraarfade ka erkampattoose orra pirritto kide, “Ikodditeey, harkaayti oorsado.” Sitiiyyi erkampattootase a Waaqa awta Orna a Iyyapuusitta kapa'e qa'atte.

Mataafa a Nuqussa a paayyota 11:9

Selemooni Waaqase akka killowwa in sakatannini lakkin isha tura akkaade ka isha dawre, Waaqa Poqalla Isira'eeliti in ajajame ma laadi alle kapa sekaade; Waaqa ka semmalla isha qara miirode.

Mataafa Otoowwa a paayyota 10:13

Saa'ooli qoota Waaqa in ajajammin malla to'e; umma qaaleta Waaqa in tooytaanne ka laadi qarandesa a kaarayya haleenitto soosade;

Mataafa Otoowwa a paayyota 21:15

kamma'ew Waaqa ka akka Yursaalami patisso'e, erkampatootaadi erke; ete patissa dehaatteeyye, Waaqa ka akke ka pateetta a deenitto malla maraarfade ka erkampattootase orra pirritto kide, “Ikodditeey, harkaayti oorsado!” Sitiiyyi erkampattootase a Waaqa awta Orna a Iyyapuusitta kapa'e qa'atte.

Mataafa Iyyoopi 34:27

Maana malla isha kamma anta alle' diishen ka saantadaadi piisa jippen.

Mataafa Masmuureta 109:4

Ka pakka an ishootta jaalade oppa'e, a ana xasasna' kodden; anti' xoori in qinsanni,

Mataafa Masmuureta 110:4

Waaqa ixaxade umma in mararfado ka kide, “Akka taanteta qeesuma a Melkesedeqi mina'e atti haka paraparati'i, a' qeesitta.”

Mataafa Masmuureta 119:136

Qoota orra seeraayti tooytanni in kinnin malla, ilmaama ildaayyo oppaayye a malxa' mina'e urqini.

Mataafa Masmuureta 125:5

A saantaaysho a quumatte qaropaaw tiitaawna' xoori, a neequmta koona olli Waaqa alle ishootta pahasha. Piita Isira'eeli oppa' nakayta a koddo.

Mataafa Masmuureta 36:3

Haasa afaadi, neequmta isho sassapa patta; matte oorsatta ka paxaarumta kodeeta alle diishe.

Mataafa Masmuureta 78:41

Lekayteetanne Waaqa ekkaysaden, ka qulqullittase a Isira'eeli tanayshen.

Mataafa Masmuureta 78:57

Ka tiitaawen ka a aappadaassoti' mina'e, isha marmaden; ka akka lawa quumade mina' kippeeta dapen.

Mataafa Sooketa 32:11

Muuse xoori Yaahiwwe Waaqase xaadi naappade ka kide; “Oo Yaahiwwe, samayse xaayti a hupnase xaayti kutta ka harkase xaayti kokkokan Kipsi kara sookisse qara'e maana'e miiraayti asse opaya?

Mataafa Sooketa 32:14

Yaahiwwe ka pateettase a samaytaadi qara qeeda dikade alle diishe.

Xuuma Ermiyaasi 11:10

Juppoota a aappadaasso a xatta isasene afaayyo dakaya tiite kamma aanen; ka ishootta kela koda koda'e, killanna a pila kamma aanen; sanynyeeta Isira'eeli isho a Yihuta, kodayteetase an aappadaasso a xatta olli kodade alle' pooten.”

Xuuma Ermiyaasi 13:17

oto a dakayni a kinnin xoori, isi peepaassin malla anti dekandekattin pooya; qoota a xelloota Waaqa poojammitto malla; a kuttati'in pooya; ildaayyo ka ilmaama urqishan.

Xuuma Ermiyaasi 34:16

ka kamma desa tiitawten ka karpishshaddasene xaayshin a diira ka a iskatta isasene akka pora a ishootta aakondesa aanane nataan diissene; amma desa oorissen ka karpishshadda kodatteneew ka maxxiyyo jeerissen.’

Xuuma Ermiyaasi 9:1

Qoota samaytiyyo pirame malla, akkan halkeetta ka kuyyaata pooyo'e, kadin mattiyyo pisha paadinnima; ildaayyo ka ilmaama urqinnima!

Xuuma Ermiyaasi 9:18

Samayta ka kide, “Haka ildaano ilmaama urqinaan; hirribaanno ka pisha paadinaane'e, a jarjartan de'en ka ino qara pooyta xaashen.

Xuuma Hisqeeli 18:24

Ma xoori hanqeellitta nama kadi hanqeetaadi kamma alle' tiitaawaayye ka juppoota kodaayye ka nyalaasene a juppoolaya koonaane' kodaayye, hela icaattaan kallaada? Kodaddasene' xaadi a hanqeelluma a kode takkan nefo isha'en dikaman; amanuma diissataadi ka juppootaadi a kode minanne a dukaatati'i to'a.

Xuuma Amoosi 7:3

Waaqa nefo ka ishootta' nyarrahe ka ana' kide, “Wossen a akkite ishootta qara'en kayan.”

Xuuma Yoonaasi 3:10

Waaqa ka orrase a Nenewwe akka kodase' xaaysho' neeqa oppa oore akke ka ishootta suraysade ka waasene' neeqa a ishootta qara' qeeda' dikade alle' diishe.

Xuuma Yoonaasi 4:2

Ka Waaqa qinsade ka kide, “Oo Waaqqo, waasene an disi piitinnooyye cooyye kide ka minan Terseesipa alle' pate sedenne? Atti akkima' diisammpayta ka suraysattampayta koddite ka miira'e a' jarjarri a kinnin ka jaalalaan immakaatte ka waasene' neeqa a' qeeda dikatte alle' diinnitto turanneewwen upa.

Xuuma Sofooniyaasi 1:6

Ha anti isasene ana Waaqa kamma alle' tiitaawe ka ana kaassatta alle' diishe ka ana Waaqan kallaanni in kinnini'in alle' pira.”

Maatiyoosi 24:13

Ma xoori, a haka piraampirati duupattaan kokkonnaado, isha paha.

Maatiyoosi 5:44

Anti xoori in ishina kiinii, paarkaalaassin jaalada ka orra ishin jiijno saka; ka a ishin needdannaati'i wa paxaara koda; ka aishin qara wa neeqa koona ka pora ishin daannaati Waaqa qinsada.”

Luqaasi 6:12

Kuyyaata takkaayye, Yesuusi qinseeta'e irroota qaropa fayyade ka halkeettose kumma eeyyeeyye Waaqa qinsatta quda parishe.

ipro 10:38

Hanqeellittase namiyyo kodde xoori, amanteetanne caatta akkada. Oton xoori iskamman desa ooraayye anti ishan an xasoonni an co.”

Mataafa Iyyaasu 22:16

Samayya Waaqa i'ishina kiini, “Ata awwe maana xata katten ka Waaqa qara asse nyiraamumten? Ka isha kamma anta dissen ka porra qara kalisoota kalinnaane kodatten?

Mataafa Saamu'eeli a paayyota 12:23

Anti qootayshina desa qinseeta qaatissa ka seden Waaqa'e ishin dapeeta a Waaqa alle ana kapa sekaysho. A qaran qapto'e, saanta paxaara ka a dukaata'en ishin kollisha diisheey.

Mataafa Saamu'eeli a paayyota 13:13

Saamu'eeli ka Saa'ooli kide, “Eepuma koote umma ajaja a Poqalla Waaqaayti ke ajaje a tooytaanne; katin ittooytaatte kiiteeyye, helani isha Isira'eeli qara'e mankisteetaayti haka paraparati qaatinni heene.

Mataafa Saamu'eeli a paayyota 15:10

Qaaleta Waaqa ka Saamu'eeli deete ka kiini,

Mataafa Saamu'eeli a paayyota 15:3

Semmalla amma aane ka Amaleqeeta torpe. Ka wa qapane piisa pashshe ka we takkan nefo in hattishan. Diira ka iskatta ka hellaa ka nyooqqawwa ama luukna in kidan umma lo'alla ka kaharrta ka kaalla taaki harrewwa in kidan ma piisa leyshe.’”

Mataafa Saamu'eeli a paayyota 15:35

Umma sekkammaayye, Saamu'eeli haka toono kara'e, Saa'ooli in akkine, ma qoota Saa'ooli malla inyarrahe. Waaqa nefoow ka qoota Isira'eeli qara Saa'ooli nuqusumshe malla maraarfade.

Mataafa Saamu'eeli a paayyota 15:9

Saa'ooli isho xelaadi xoori, Akaakinni pahen. Ka kaharra kakappa isho okkaya kakappa ka xormada meere isho nyalqa kaharraatin pahaden. Ka wa paxaara piisan pahaden. Umma ishootta piisa alle patissa in faane ma wa puyatame ka we in nessinnini piisa pashshen.

Mataafa Saamu'eeli a paayyota 16:1

Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 8:6

Ma xoori ete kiinaane “Nuqusa ino shuumeeyye” Sede Saamu'eeli in xasanne ikka Waaqopa qinsade,