Mataafa Saamu'eeli a paayyota 14:6 - Mataafa Qulqulloota

⁶ Yonataani ka isase isha kela meeha orana haano kide, “Waaqa ino' torpa in diishooy, xooye ka safarose a sene dawra qara in murannin oppopa tuullina. Xela oranna lekayta taaki shakkaya qudan koddite, orran paheeta'e, Waaqa wa isha tura qapna in caaneey.”

Mataafa Saamu'eeli a paayyota 14:6 ပူးပေါင်းရင်းမြစ်များ

Mataafa Saamu'eeli a lammatta 1:20

Tuparra Filisteemi akka in xasoonnini'i tuparra orra dawra qara in murannin ka in ililiwnini'i otootose katama keettiti in torran umma porra Asqeloona oppa in salishan.

Mataafa Saamu'eeli a lammatta 16:12

Takka punu Waaqa rakkootiyyo ana akka ka otittose a awwe kapa paxaarumta ana kodaay.”

Mataafa a Nuqussa a lammatta 19:4

Akka caattampayta Waaqa puyado'e, saarase a dehaamampaya a nuqusa a poqallaadi a nuqusa Asoori erke; takka punu Waaqa Poqalla afaadi a dakaye malla isha fukkaay, orrinno a peela hase malla qinsado!’”

Mataafa Otoowwa a lammatta 14:10

Aasa ka isha torpa' sooke; ishootta lamattiiyyi katama Maaresha kapaayye naaba Sefaata kara'e porraasso' qapaden.

Mataafa Otoowwa a lammatta 14:11

Sitiiyyi Aasa ka Waaqa Poqalaadi opa ullupe ka kide, “Oo Waaqa, a harka orra kokokkoka oppaayye nukkullowwa furatta ke kayno ayno ca? Waaqinno, ken kippanneey, xeloose asse kutta maxxaaytinnin torpinaay ino qaarqaare. Oo Waaqa, atti a Waaqinno umma nama ke punni in co.”

Mataafa Masmuureta 135:6

Piita ka moontanne ka pakatewwa isho porra karanxata sesseka kara'e, Waaqa wa ishi aaka piisa kooni.

Xuuma Ermiyaasi 9:23

Waaqa asse kiini, “Ookayta, ookumaadi in in jeejjannin; kokkonnittaaw kokkonnumaadi in jeejjannin; umma teyantoolayta teyantaadi in jeejjannin.

Xuuma Ermiyaasi 9:25

Waaqa ikiini, “Tin kuyyaata an oppa a solbatta dakintaayshoti patta murade qatta'o de'a.

Xuuma Ermiyaasi 9:26

Kipseeta ka Yihutaata ka Etoometa ka Amooneta ka Mo'aapeta isho isasene dapnanna quda kooshanna ka koommaytoppa kala piisa; ka sanynyeeta Isira'eeli kuli, solbatta karittaayshoti in muranneey asseewwen qatta'a.”

Xuuma Amoosi 5:15

Takka punu Waaqa Poqalla a we piisa ettaninno hellaa a Isira'eeli'i suraysada kodditaay, ishina wa neeqa needdada ka wa paxaara' jaalada ka porra a firteeta farannaan oppaayye, dukaata haasawada.

Xuuma Sofooniyaasi 2:3

Ishina piita qara' kallaanna ka ajaja Waaqa' tooytaanna ka naalaya kodde' piisantiiyyi, Waaqopa tiitawa ka hanqeeta koda ka koda naalum kamma aana, kuyyaase a Waaqatiiyyi, takka punu miiraadi kelaayye ippahataneey.

Xuuma Sakkaariyaasi 4:6

Sekkammaayye ikka ana' kiite, “Erkana a Waaqa a Sarupaapeeli erkame anka ishi' lela' de'e ikiini, ‘Hapuriyyonne diisheey hupnaayti isho kokkonnumaattinni a ettanisso.’ Sede ana Waaqase we piisa ettaninno haasawade.

Mataafa Dikoota 10:32

Oton ino olli deeniiyyi, wa paxaara a Yaahiwwe ino koona piisan ke koona.”

Mataafa Dikoota 31:4

Ka matta kaffa Isira'eeli mina'e xela oranna nama kuma takka takka oranna erka.”

Maatiyoosi 19:26

Yesuusi ka ishoottopa tooyyade ka kide, “Sede nama in ettansamto ma, Waaqa'e we piisa ettansammi.”

Roomi 8:31

Semmalla qootosete desa maanan kiina? Oto Waaqa ino olliiyyi cooyye, ayno ino toora ettansha?

Mataafa oppa' Ooreta 32:30

Kadi shilase xaaysho a kela pahanaan alle ishootta in kanniniyyi, Yaahiwwe ka alle ishootta in diinniniiyyi, atta nama takka ishootta kuma kamma daana? Nama kuma kudani ka nama lakki tura qaha?

Filippisiyuusi 3:3

Maana malla ino a Hapura Waaqatin waaqaysanna ka taanteta a laka tulan akkaannitton in koddinin mali Yesuusi Kiristoosiiw jeejjaanna, ino dukaatan dawra qara murade.

Mataafa Iyyaasu 14:12

Amma oori akka Waaqa kuyyaaseti xasa ana kale mina'e piitoose a kunkunnawwa ana daashe. Piisse oppaayye akka Enaaqeta katamadda kukutta ka kawwattan kapa oxname kara kalto atti kuli awsitiiyyi iddakayte. Semmalla amma nefo akkimase a Waaqa xasa ana kale qara'e, isha ana olli caada anka ishootta daana ka alle tawsha.

Mataafa Taanynyada 15:18

Sekkammaayye, Somsooni ka akata deepode; ka Waaqopa ullupade ka kide, “Putayma asse kutta'e harka orxaytaayti oppa daasseey, hela xawwi assen deepottan to'a? Ka harka Filisteemeta a dawra qara in murannini oppa pi'a?”

Mataafa Saamu'eeli a paayyota 14:5

Shila takka qinda qutattatinni Mikmaasi minandesa ca. Takka ka qinda tupattatin Kipa'i minandesa ca.

Mataafa Saamu'eeli a paayyota 14:7

Isase isha kela meeha orana haano ka ishi kide, “Wa matta kara qapta piisa kode, umma kamma in ooran. Wa dikatte koda'e, tin anti ke ollin caay.”

Mataafa Saamu'eeli a paayyota 17:26

Taawwiti ka orra isha kapa qa'ade kide, “Nama Filisteemittose ishsho ka jeerose Isira'eeli kamma jaqo'e, maana kodan? Ata allu Filisteemittose dawra qara in murannin ayno ka xeloose a oranna a caattampayta Waaqa asse kojeessini?

Mataafa Saamu'eeli a paayyota 17:36

Ana orxaytaayti karma ka tipi kulin ishsheey, Filisteemittase dawre qara in murannin, xela oranna a caattampayta Waaqa'e kojeesseey, a pinaanosene oppa a takka mina kodda.”

Mataafa Saamu'eeli a paayyota 17:46

Waaqa awwe harkiyyo oppa'e ke daasha, anka ke kata ka matta ke qara mura. Ka awwe kuyyaaseti pukkada a xela Filisteemi xampira moonta isho pinaana koommaytati daasha. Piita piisa ka akkima Waaqa Isira'eeli kara co upnaatta.

Mataafa Saamu'eeli a paayyota 17:47

Sene arepa xoore piisa ka akkima Waaqa koraateta isho oranan orran pahani in kinnin upnaada; orana orana Waaqa'ey, isha harkinnoppe ishin daasha.”

Mataafa Saamu'eeli a paayyota 31:4

Saa'ooli ka xayyoolayse isha kela meeha oranna haano kide, “A sene dawra qara in murannini ana ishshan ka anoppa kahadan kapa; atti koraatetaayti yukado ka alle ana ishshe, isha xoori ifuure ka isha ikassa tiite. Saa'ooli ka qarta koraatetaadi iskelopa oorshe ka qara pi'e.