Mataafa Saamu'eeli a paayyota 13:6 - Mataafa Qulqulloota

⁶ Qoota oranase a kuttati ishootta qaatqaate malla, xela Isira'eeli akkima killa kale upnaade ka rahanadda ka qaassaya ka arxashshadda ka qaawwa isho porra piisa kara deddekade.

Mataafa Saamu'eeli a paayyota 13:6 ပူးပေါင်းရင်းမြစ်များ

Mataafa Saamu'eeli a lammatta 24:14

Taawwiti ka Kaati kide, “Akatan oppa rakkade, diissata Waaqa ikuttiiy, harkaadi oppa'ewwen pi'ia, ma ana harka nama oppa'ew pi'a diisho.”

Xuuma Issayyaasi 42:22

Samayse xoori a sarame, mehadda ka tura pootamen; ikka rahanadda karopa kalsamen ka tikka hida' kara tura dufame. Isaramen umma a ishoottan paho in qapan, ipoojamen umma a kiino, “Ishootta kalsha!” in co.

Xuuma Ermiyaasi 41:9

Qaawose a pisha, a Isima'eeli karopa pukkada orrase a leyshe dakke nefo qaawa kuttayta a turan nuqusa Aasa, Pa'isha nuqusase Isira'eeli isi qara oorissa malla qote Isima'eeli inna Netaaniya ka orrase a leyshen immake.

Xuuma Hisqeeli 33:27

Ishootta' kide, Waaqase' piisa qara qapo ikiini, ‘Caattampayta koddeetiyyonnen xaxanni; a katamadda qitqite kara hase orannaanne piraman; a kantada karanxata ca'ew, akka pinaana ishootta damane'en koda; a mishshikewwa isho rahanadda kara caa'ew, erkannaata paaqatinni piraman.

Filippisiyuusi 1:23

Dikattose lakki oppa'en qapame; qinda takkanne, Kiristoosi olli kinnaatta qoota we' piisa qara qapto malla, caattose oppa sookeeta ka Kiristoosi olli kinnaattaan faani.

ipro 11:38

Piita pora Ishootta' parpaaccisni in koddini; Ikka koommayta ka irrowwa qara isho rahana ka qaawwa a piita' kara pora rarraataawen.

Mataafa Iyyaasu 8:20

Orrase a Aayi ka iskammandela tooyyade, qayya ka katamaasso oppa lettoppa dote; orrase a Isira'eeli a koommaytan xata kamma daannan ka ishoottopadela tiitaawe; ikka pora oppopa tura qahan dapen.

Mataafa Taanynyada 10:9

Amoonata ka kafa Yihuta ka a Piniyaami isho a Efreemi torpa'e Yurtaanoosi tuullite; Isira'eeleta ka a kuttati rakkatte.

Mataafa Taanynyada 20:41

Xelase a Isira'eeli ka oori desa tiitaawe ka ishootta torpa paayye; Piiniyaameta ka akka pateettaaysho kayte upnaatte ka akata tatammaqte.

Mataafa Taanynyada 6:2

Miitiyaameta qoota Isira'eeleta qara' kokkonnaatte malla, Isira'eeleta ka rahanadda ka paqiyya isho korrobbawwa a kara dekatta' harmisatte.

Mataafa Saamu'eeli a paayyota 13:15

Saamu'eeli ka xa'e, ka Kelkelaayye desa katamasene a Kipi'a haminta Piiniyaami kara ca oppa aane. Saa'ooli ka xela isha olli co dike. Ikka diira dippa lehi mina caan.

Mataafa Saamu'eeli a paayyota 14:11

Ka oori piisaniiyyi safara Filisteemetati'i issi akkishen Filisteemeta ka kiite, “Iprootase tin qaawwa kara deddekatte kara sooka ipaayyite”

Mataafa Saamu'eeli a paayyota 14:22

Xela oranna a Isira'eeli a kunkunnawwa Efreemi kara deddekade akkima Filisteemeta qahanitto dakayeneew ka oranaseeti awlen ka a kuttati ishootta daanen.

Mataafa Saamu'eeli a paayyota 23:19

Orra Sifi ka Kipi'a karopa Saa'ooli kapopa aane ka ishi kide, “Ha Taawwiti, hamintinno oppaayye, Horeeshi kara, kunkunnaatase a Hakiila laka Yihuta oppa kara kammatin kitto qara kawwaya kara dekade.”

Mataafa Saamu'eeli a paayyota 24:3

Ete anno ka pora kapa moona kaharra kapa kayeeyye, rahana akke ka uta karopa maqe. Taawwiti isho orra isha quda co rahanose karopa xata qaa'en ka eyye caan.

Mataafa Saamu'eeli a paayyota 31:7

Isira'eeli a Yurtaanoosiiyyi qinda piirtotatin kalto isho naabase a Iyyisira'eli tula afa disitiiyyi kitto ete akka xela oranna a Isira'eeli alle qahe Saa'ooli isho hellaadi ka le'en dakayteeyye, katamaddaasso'e alle diisse ka oppa alle qahate; Filisteemeta ka dete ka katamaddaasso piisa qara pirte.

Mataafa Saamu'eeli a paayyota 7:7

Orra Filisteemi ka akkima Isira'eeleta Misippa karopa xoorte dakayte. Mukissampaya Filisteemi ka Isira'eeli torpeeta sooken. samayta Isira'eeli ete sede dakayeeyye, iFilistemeeta fuure.