Mataafa Saamu'eeli a paayyota 13:14 - Mataafa Qulqulloota

¹⁴ Amma xoori mankisteetaayti itturopa in jarto. Waaqa nama karittaadippa kale iteye. Ka qoota atti wa Waaqa ke ajaje a tooytinin malla, akka saara samaytaadi koddo'e, isha shuumade.

Mataafa Saamu'eeli a paayyota 13:14 ပူးပေါင်းရင်းမြစ်များ

Mataafa Saamu'eeli a lammatta 5:2

Xatta a Saa'ooli ino qara nuqusa koddeeyye, a Isira'eelin tuullo ka ishin kallo ke. Waaqa ka ke kide, ‘Samayta a Isira'eeli qara'e sikmayta ka saara koddita.’”

Mataafa Saamu'eeli a lammatta 6:21

Taawwiti ka Melkooli kide, “Waaqase aappaayshin isho toolaadi piisa qaran jaalshe ka ana reexade ka samaytase xaadi a Isira'eeli qara saara ana kode tura'en asse kirpe ka amma nefo kirpa.

Mataafa a Nuqussa a lammatta 20:5

“Tiitaawe ka saarase a samaytiyyo Hisqiyaasi kide, ‘Waaqa a aakkaayshina a xatta a Taawwiti ikiini, “Qinsetaayti in dakaye ka ilmaamaatti akkeey, tin in ke dinsha; akka kuyyaata sessattatiiyyi tikiyyo a Waaqa opa deeta;

Mataafa Otoowwa a paayyota 10:13

Saa'ooli qoota Waaqa in ajajammin malla to'e; umma qaaleta Waaqa in tooytaanne ka laadi qarandesa a kaarayya haleenitto soosade;

Mataafa Masmuureta 78:70

Ka orxaytaadi Taawwiti reexade; ka kaharra kamma qeedade.

Mataafa Pahana 27:24

Teyanta haka paraparati kallaanni in kitto; kulleeta nuqusuma'ew, xeltada desa xeltada piisa opa tuullini in kitto.

Xuuma Issayyaasi 39:5

Issayyaasi ka Hisqiyaasi' kide, “Amma oori nessa Waaqa a we piisa ettaninno' dakaye!”

Kodampaya 13:22

Ka ete Sa'oli shaare kammaayyeew, Taawwiti ishootta qara nuqusumsheew, Waaqa ete Taawwiti maakkumeeyye ikide, ‘Nama a karittaayyoppa sale ka wa an heena kodo, Taawwiti inna Issayin akkade.’

Kodampaya 7:46

Taawwiti ka fuula Waaqa' tura teyyatama teye ka akka Waaqa Yayqoopi tika kallaata' qupo'e qinseetan Waaqa kaassade.

ipro 2:10

Waaqase a we piisa ishan uumamen ka ishi uumamen, hella lekaya ulfeena oppopa kalissa'e Yesuusise dinaayshoti' saara koda'e rakkootoppan tarpissa ka a qaja dape' kodeeta isha parpaaccisse.

Mataafa Saamu'eeli a paayyota 15:23

Ha falqa kodeeta juppoota suuma mina. Ka kamta tuukattaaw, neequmta killana kodata mina qoota atti qaaleta Waaqa jippite malla, isha assew nuqusa koddeetaayti jippeew.

Mataafa Saamu'eeli a paayyota 15:26

Saamu'eeli ka Saa'ooli kide, “Qoota atti qaaleta Waaqa jippite malla, Waaqa asseewwe Isira'eeli qara nuqusa koddeetaayti jippeey anti ke olli an tiitaawo.”

Mataafa Saamu'eeli a paayyota 15:28

Saamu'eeli ka Saa'ooli kide, “Waaqa awwe mankisteeta Isira'eeli ike qudaayye kaa'e; ka xelittaayti a ke kapa wayyo daashe.

Mataafa Saamu'eeli a paayyota 16:1

Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 16:12

Ikka kamma erke ka isha qeede. Ishootta nefo xarjaalliyya inna, a fayya qapa, ilda ka kara oynaane.

Mataafa Saamu'eeli a paayyota 2:30

Semmalla Waaqa Poqalla Isira'eeli ikiini Allu in kide, ‘Toolaayti ka toola aappaayshina'e haka paraparati ana koda koda ka kippeeta daashe.’ Ma amma Waaqa ikiini, ‘Asse in koddito, anti a ana ulfeessina in ulfeessa a ana puyanna xoori ipuyatamaneey.

Mataafa Saamu'eeli a paayyota 24:20

Ammadesa atti akkama nuqusa Isira'eeli koddito mankisteeta Isira'eeli ka mukissaaytin kokkonnaatto in upnaade.

Mataafa Saamu'eeli a paayyota 25:30

Oto Waaqa kippeeta ke poqallaayyo daashe mina'e paxaarumse ke dikkisho. Akka Isira'eeli qara nuqusumtooyye,

Mataafa Saamu'eeli a paayyota 9:16

“Parri esse piita Piiniyaamitin nama takka ke kapopa erka. Akka samaytiyyo a Isira'eeli qara saara koddo'e tooy isha daate. Isha hupna Filisteemeta kela samaytiyyo nataan sooksha. Anti samaytiyyo in akke ullupittaaysho ka ana kapa kayeey.”