Mataafa Saamu'eeli a paayyota 12:3 - Mataafa Qulqulloota

³ Anti aren caay, fuula Waaqa isho a nuqusase a isha daatade tura ana qara maakkuma xorma ayno taaki harreeta aynon teyyade ka ayno sassapade ka ayno miidde? Ka akkan dapa akkade an akkinnini'i ayno qara nooddota teyyade? Oton sene oppaayyen takkan kodeeyye, wa an teyyade in oorshaay.”

Mataafa Saamu'eeli a paayyota 12:3 ပူးပေါင်းရင်းမြစ်များ

Mataafa Saamu'eeli a lammatta 22:22

Maana malla saanta Waaqa in tooytaadeey, umma neequmtan Waaqiyyo kapa alle an tiitaawneey.

Mataafa a Nehimya 5:11

Dullaasso ka wayneetaaysho ka sayteetaaysho a ekerta isho tikkaasso a' qara qeedattene ammaaw ishootta' oorsha ka kaaja ka unta ka wayneeta isho sayteeta a ishootta' leqeessiten kamma dalta a' teyyatten ammaaw alle ishootta' oorsha.”

Mataafa Masmuureta 15:5

a daltan nama' leqeessini in kinnin, ka a dukaata qapo miidda'e, nooddota teyyanni in kinnin, a sene koono pakkanna in lelleho.

Mataafa Sooketa 20:17

“tika nama pilaati takka nefo in xajeelan, umma iskatteeta taaki orxayta taaki orxayteeta taaki okkaya taaki harrewwa taaki wa a namooseti kodde takkan nefo in xajeelan.”

Mataafa Sooketa 22:4

Kerose oton horeese a hate, xorma taaki harreeta taaki laaha a co kodda ka harkaadippa teyadaayye, a harka lakki oorsho.

Mataafa Sooketa 23:8

Nooddota taanynyada qara'e ilda lulinni ka afaa hanqeellaya nyapalinniiy, atti nooddota an teyyadan.

Mataafa Pahana 15:27

Qurqummayta nama rakkoota tikaadipa' qeenni; a nooddota needdanno xoori caattaanne kallaanni.

Mataafa orra Lewi 6:4

ka juppowwasene koda ka ishin dapampayta koddaayye, wa sare taaki sassapaan qeede taaki a ataraan qeede taaki wa pate ikka teye a oorsho.

Mataafa orra Lewi 6:5

Taaki wa marmade ka qara xaxade piisa a oorsho; ka oto kalisoota ishin dapayta dehannooyye, wa a qeede qara'e harka ken oppa takka padaawo ka aappa wa senetiti oorsho.

Mataafa Dikoota 16:15

Muuse ka a kuttaati miirode ka Yaahiwwe kide, “Anti ishootta qara harreeta takka nefo an teyyanne, umma ishoottoppa nama takka nefo ishin an dapneey, kalisootaaysho ishootta qara in teyyadan.”

Maatiyoosi 22:21

Ishootta ka ishi oorshen ka kidene, “A nuqusase kutta a piita Roomiti.” Isha ka oori ishootta oorshe ka kide, “Ka asseeyye, a nuqusa Roomi nuqusa Roomiti daasha ka a Waaqa Waaqa daasha.”

Luqaasi 19:8

Sakkiyoosi xoori iqa'ade ka Poqalla Yesuusi kide, “Poqallaay! tin teyanta an qapo piisa qaraayye, paka takkan teekolaya daasha. Oton sassapannen nama qara kuura qeede nefooyye, harka afuri'in oorsha.”

Kodampaya 20:33

Anti pirreeta ka warqeeta isho mehadda a kalsannaane anama takka' nefo an xajeelle.

Qorontoosi a lammatta 12:14

Amma, a sessattati'in ishin kapopa deena' harmisanni. Anti ishin qara' haadeta kodda an heeno. Anti ishinan faani diisheey, kaajaassin an faani an co. Toolla hellaassoti ollopa kaaja kattini diishe, hellaa toollaassoti ollopa kaaja kattini in caan;

Mataafa oppa' Ooreta 16:19

Firteeta qindan desa in quu'an umma qatayma in kodan; nooddota ookka qara'e ilda patinniiy, ka afa hanqeellaya alle quu'iniiy, nooddota nefo in teyyadan.

Teseloonqe a paayyota 2:10

An ishina amanna oppa kinnooyye, qulqulluma ka hanqeelluma isho caatta qaja in qapnin a atta pahon akkiman kallaanne, ishina a' maakkiyya, Waaqa kuli kan maakkitta.

Teseloonqe a paayyota 2:5

Akkiman apari afaa sassapa an haasawannin taaki xajeeltinno a kaaja qara dekeeta pappahanassampaya an koddinin mattayshina i''uptan; Waaqa nefo maakkittinno.

Petroosi a paayyota 5:2

Xellootase a Waaqa, atara ishina' daasamte siksha. Oto xelloose sikinnittaneeyyeew, irreetan in koddinin ma, akka Waaqa faano qara'e a heennan koddito. Umma yoota kaajatinnin ma, heenna a koda koda' qaptaneetin koddito.

Mataafa Saamu'eeli a paayyota 10:1

Saamu'eeli ka oktase a sayteeta qeede ka mattoppopa Saa'ooli tuqe ka isha dinke ka kide, “Akka samaytaadi a Isira'eeli qara saara koddito'e Waaqa ke in daatanne? Atti samayta Waaqa qara'e nuqusumta ka hupna paarkaaladdaasso a ishootta kapandesa ca kela ishoottan pahata. Akka qoottotaadi qara saara koddito'e akka Waaqa ke daatade wa milikkita ke kodda.

Mataafa Saamu'eeli a paayyota 12:4

Ishootta ka kidene, “Ino a sassapanne, umma ino a miiddine, umma harka nama takka nefo oppaayye we a teyyanne.”

Mataafa Saamu'eeli a paayyota 12:5

Saamu'eeli ka ishootta kide, “Akka dapa takka nefo ana qara a teynini'i, awwe Waaqa isho nuqusoose xaadi a reexaden maakkitta.” Ishootta ka kidene, “Aa ishan maakkitta.”

Mataafa Saamu'eeli a paayyota 2:35

Anti qeesitta amaname, a akka karittiyyo ka a dikattiyyo qara ana koda kodon xaasada. Ka sanynyeetaadi poorsha ikka nuqusa an reexado tura awta piisa ana koda koda.

Mataafa Saamu'eeli a paayyota 24:11

Aapo! Amma kayla ohaataayti are harkiyyoppa tooye! Kayla ohaataayti'in mure diishe, ke an ikanne; semmalla akka harkaayyoppa wa neeqa in kinnini anka ke qara an xaanin, atti ka patta quda ana kamma ikassa annitto seden upnaado.

Mataafa Saamu'eeli a paayyota 24:6

Ikka orraadi a isha quda co kide, “namoose Waaqa isha daateey, anti nama a Waaqa daatade poqallaayyo qara wa asse paha kodeeta ka isha qaropa harkiyyo xa'issa a Waaqa ana qara dawro.”

Mataafa Saamu'eeli a paayyota 24:7

Ka sede a asse hasawaden orra isha quda co akka Saa'ooli qara rakkoota in qeennini dawre. Saa'ooli ka rahanase kara sooke ka tawe.

Mataafa Saamu'eeli a paayyota 26:11

Ma nama a Waaqa daate qaropa harka xa'issa a Waaqa ana qara dadwro. Ma xoori oranaadi ka shawwaadi a pisha a matta xaayade qeede ka ishin anna.”

Mataafa Saamu'eeli a paayyota 26:9

Taawwiti xoori i'Apiisa kide “Ishan ishshan! Nama nuqusa a Waaqa daatade qaropa harka xa'inno pahani in cooy.