Mataafa Saamu'eeli a paayyota 12:2 - Mataafa Qulqulloota

² Amma oori nuqusase tin isha ishin mukinni anti in kere ka arreede tin hellaayyo nefo ishin oppaayye caan. Anti an shakki paayyatten haka awweti ishin mukshe.

Mataafa Saamu'eeli a paayyota 12:2 ပူးပေါင်းရင်းမြစ်များ

Mataafa Masmuureta 71:18

Oo Waaqqo, hakan kokkonnumaatti xelta deenitto lello'e, ka hupnaayti xelta a itturopa xaanitto piisa' upnanno'e, oton kerino ka arreeta dehinnooyye, alle anan diishan.

Mataafa Dikoota 27:17

Isha ka akka ishootta kahirra Yaahiwwe a sikmayta dape'en pahanaannini'i, ishootta tura qato ka kamma' qato ka ishoottan sooko ka ishoottan kalo.”

Timotoosi a lammatta 4:6

Anti' xoori, kalisoota kodda'e in foolsade; eta an oppaayye piisse oppa alle aano nefo ikayte.

Mataafa Iyyaasu 23:1

Ete parra lekaya tarrpen kammaayye Waaqa ihellaa Isira'eeli'i oranna kela nessishe. Iyyaasu sitiiyyi akata qime,

Mataafa Iyyaasu 23:2

ka oori samayta Isira'eeli piisa ka qimoota ka saarra ka taanynyada isho saarra xela oranna piisa ollopa hale. Ka ishootta kide “Tin anti in qimeey ka akata kere.

Petiroosi a lammatta 1:14

Akka Poqallaanno Yesuusi Kiristoosi ana akkishe qara'e, akkiman irra qara piisse qaraayye tootan tarpo in upa.

Mataafa Saamu'eeli a paayyota 2:22

Eeli a kuttati kere ka wa hellaadi samayta Isira'eeli piisa qara koonaane ka akkima iskattase xarra tukkana Waaqa oppa koda koono olli almalummaan piisa dakaye.

Mataafa Saamu'eeli a paayyota 2:29

Ka kuli maana malla kalisootiyyo ka daassatiyyo an ajajade kojeessinittan? Akka hellaatti kalisowwa a samaytiyyo a Isira'eeli kalinna oppa a paxaara reexattaan isi meershane'e, atti maana malla ana qaropa hellaatti ulfeessini?’

Mataafa Saamu'eeli a paayyota 3:10

Waaqa ka de'e ka eeyye qa'ade ka akkamase a deyyo mina isha hale ka kide, “Saamu'eeli Saamu'eeli” Saamu'eeli ka kide, “Anti orxaytaayti in dakayniiy haasawado.”

Mataafa Saamu'eeli a paayyota 3:13

Qoota hellaadi issi nyalinnaan isha ka ishootta in dawrinin malla, juppoota a upo malla akkiman haka paraparati toolaadi qatta'o in ishi lele.

Mataafa Saamu'eeli a paayyota 3:16

Eeli xoori Saamu'eeli hale ka kide, “Innaayyo Saamu'eeli,” Saamu'eeli ka ehade.

Mataafa Saamu'eeli a paayyota 8:1

Saamu'eeli ete kereeyye, hellaadi a diira'e qeede ka Isira'eeli qara taanynyada kode.

Mataafa Saamu'eeli a paayyota 8:20

akkan ino kuli mankistewwa a taakane pahanaanno, nuqusaayno ka ino muksho ka ino tura qato ka inon tuulo ka oranna ino torpon faaninna.”

Mataafa Saamu'eeli a paayyota 8:3

Hellaadi xoori saantaadippanne in anne tookta ishootta in parpaaccisnin akkatta'e saanta qara maqqen. Ka nooddota teyyanni ka dukaata qindandesa quu'ini.

Mataafa Saamu'eeli a paayyota 8:5

Ka ishi kidene, “Amma atti ikerite umma hellaatti saantaytin anni in caaneey, akkima mankistewwa a taakkane piisa nuqussa qapan mina'e, nuqusa ino shuume.”