Mataafa Saamu'eeli a paayyota 12:11 - Mataafa Qulqulloota

¹¹ Waaqa ka Kedewooni ka Paraaqi ka Yoftaahe ka ana Saamu'eeli erke. Ka paarkaladdaassin a ishin kapandesa ca kela ishinan pahe. Akka nakaytan kallaatten.

Mataafa Saamu'eeli a paayyota 12:11 ပူးပေါင်းရင်းမြစ်များ

Mataafa a Nuqussa a lammatta 13:5

Ka a Isira'eeletan paho ishootta daashe, ikka miiddota Soorata kela pahen. Isira'eeleta ka a xata mina nakaytan kallaatte.

Mataafa Otoowwa a paayyota 7:17

Inna Ulaami Pataani kidammi. Sene sanynyeeta Kele'aadi a inna Maakiiri a oopa Minaase.

Mataafa Taanynyada 4:6

Isheetta ka Paraaqi inna Pini'ami piita Niftaalemiti katama Qaadesi kara halacciiste ka ishi' kiite, “Waaqa Poqalla Isira'eeli ike ajajini ka kiini, ‘Kafa Niftaalemi isho a Saaplooni oppa nama kuma kudan reexe ka irroota Taapoori opa oranna' tuule.

Mataafa Taanynyada 6:14

Waaqa ka isha ajaje ka kide, “Ana ke erkiniiy, aane ka hupnose xaayti kokkokan Miitiyaameta kela isira'eleta pahe!”

Mataafa Taanynyada 6:31

Iyyo'asi xoori, orrase miiran isha kapopa de'eti'i kide, “Hela ishina pa'aali'i tamaakkannitane? Ka ishin pahatane? Nama pa'aali tamaakkano piisa haka parri a teykantati'i alle to'a. Oton pa'aalin Waaqaayye, a mattaadi namoose poraadi a kalisoota poote mina tamaakkado!

Mataafa Taanynyada 6:32

Semalla kuyyaasitiiyyi Iyyo'asi Kedewooni'i maxxa kode ka kide, “Yirupa'ali.” Asse kideese nefo, isha porase a kalisoota a pa'ali pooteey, “Pa'ali a isha mina tamaakkado” kideeta.

Mataafa Taanynyada 7:1

Kedewoonise Yirupa'aali kidame isho orra isha quda co piisa ka parraytaadi paraappan xa'e ka ela Herooti kapa safare. Orra Midiyaami'iw qinda qutattatinni irroota Moore kapa naaba kara safare.

Mataafa Taanynyada 8:29

Kedewooni inna Iyyo'asi katamasene a kara dalade opa oore ka eyye kallaanni.

Mataafa Taanynyada 8:35

Kadi punu Kedewoonise Yirupa'aali kidame, Isira'eeleta wa paxaara kode nefooyye, ishootta sede in dikanne, toolaadi ka ishootta qara kalata dape.

Mataafa Saamu'eeli a paayyota 3:20

Katama Taaniti paayyite haka Persaapeti'i, akkima Saamu'eeli xuumampayta Waaqa kodde samayta Isira'eeli piisa ka upnaade.

Mataafa Saamu'eeli a paayyota 7:13

Isira'eeleta ka Filisteemeta iskelopa oorsatte, umma haminta Isira'eeli oppa lammatta in kayne, haka Saamu'eeli co kara'e, Waaqa ka Filisteemeta miidde.