Mataafa Saamu'eeli a paayyota 11:7 - Mataafa Qulqulloota

⁷ Ka xormada lakki eqeede ka oppa quure ka piitadda Isira'eeli piisa oppopa orran erke ka kide, “Nama Saa'ooli isho Saamu'eeli olli orana in xaanin, xormadaadi asseew quuraman.” Waaqa ka samayta piisa qara fuura tuqe, ikka akkima nama takka mina ollopa sooke.

Mataafa Saamu'eeli a paayyota 11:7 ပူးပေါင်းရင်းမြစ်များ

Mataafa Uumata 35:5

Qoota Waaqa katamadda ishootta kapandesa ca qara' fuura kate malla, Yayqoopi ka hellaadi, ete kotannaaneeyye, nama ishootta kamma daana' nyere takka nefo in co.

Mataafa Otoowwa a lammatta 14:14

Qoota Waaqa orra katamadda a Keraari kapandesa kalo piisa a kuttati' tammaqshe malla, ikka katamaddasene piisa pashshen ka qoota wa poojama kuttumtan eeyye kara caan malla, ishootta saren.

Mataafa Otoowwa a lammatta 17:10

Qoota Waaqa mankistewwa a Yihuta kapandesa ca piisa qara' fuura kate malla, ishootta Iyyoosafiti in torpine.

Mataafa Otoowwa a lammatta 19:7

Amma nefo, Waaqa fuureta a ishin kara caatto; firteeta qindandesa quu'eta ka qatayma kodeeta isho noodota teyyatta qoota Waaqa Poqallaanno kapa in kinnin malla, isi tooytaattaan farata.”

Xuuma Issayyaasi 8:13

Ma xoori, Waaqa Poqalla a we piisa ettaninno patta akka qulqullitta kodde dikada; ka isha patta tura fuura ka isha patta tura tammaqa.

Mataafa Taanynyada 19:29

Ka ete kale ka tikoppa kayeeyye, pilla qeedade ka pukkase a iskatteetaadi pora kudanka lakki oppa quure; ka kaffasene a Isira'eeli kudanka lakkipa takka takka erke.

Mataafa Taanynyada 20:1

Sekkammaayye, samayta Isira'eeli piisa ka qinda qutattati xata Taaniiyyi paayyatte haka qinda tupattati haka Persapeti'i ka qinda piirtotatinni orra piita Kele'aadi kara kalo piisa ka a nama takka mina ollopa sooke ka Waaqa turopa Misibbopa de'en.