Mataafa Saamu'eeli a paayyota 10:6 - Mataafa Qulqulloota

⁶ Sitiiyyi hapura Waaqa ka hupnan ke qara de'a atti ka ishootta olli xuuma haasawatta ka nama pilaati oorta.

Mataafa Saamu'eeli a paayyota 10:6 ပူးပေါင်းရင်းမြစ်များ

Mataafa Dikoota 11:17

Anti in lekkada ka eyye ke olli haasawada ka hapura ke qara co quda qeeda ka ishootta daasha; akka haadese a samayseti a xawwaati a haanini'i, ishootta ka ke olliiyyi haadan.”

Mataafa Dikoota 11:25

Yaahiwwe ka urrattan lekkade ka Muuse haasawade ka hapurase isha qara co quda qeede ka qimayasene kunda tappa' daashe; ete asu hapurase teyeneeyye ikka xuuma haasawaden; ma xoori kammopa lammatta in haasawanne.

Mataafa Dikoota 11:26

Qimayasene oppa xoori nama lakki a Eldaadi isho Medaadi kidamma ka safaroppa hasen; ishootta qimayaasene oppa'ew dikamen ma tukkanopan anne; a safara kara caaneeyye, hapura ka ishootta qara lekkade ikka eyye kara xuuma haasawaden.

Mataafa Dikoota 11:29

Muuse xoori i'ishi kide, “Hela atti ana malla yooni? Kadi laaddi Yaahiwwe samaytaadi piisa qara'e hapuraadi xaaya, piisa ka xuumampaya koddinaan attan heena!”

Maatiyoosi 7:22

Kuyyaata firteetatiiyyi orra lekayta ana kida, ‘Poqallaay, Poqallaay, ino maxxaaytin xuuma an haasawanne? Ka maxxaaytin orriyya an sookinne? Ka maxxaaytin kodadda orra qawwanna lekaya an koone?’

Mataafa Taanynyada 14:6

Sitiiyyi hapura Waaqa ka Somsooni qara lekkade, isha ka harka pattan akka nyaliqitta telteeta mina'e karmase oppa nyife; umma wa kode aappaaysho isho aayyaasso kapan lelle.

Mataafa Taanynyada 15:14

Ete leehin Somsooni kayeneeyye, Filisteemeta ka uuyattaanne mina desa deete; sitiiyyi hapura Waaqa ka Somsooni qara lekkade, watarowwasene a ishin hidene ka akka shalota apittan kupatte mina isha quda xata seehen.

Mataafa Taanynyada 3:10

Hapura Waaqa ka isha qara' lekkade ikka Isira'eeleta' taanynya kodde ka oranna' tuule; Waaqa ka nuqusa Mosoppotaamiya Kushaani Fiishataaymi isha turopa tuukke ikka pute.

Mataafa Saamu'eeli a paayyota 10:10

Ete Saa'ooli isho orxaytase katama Kipi'a kayeneeyye olqapa xuumampaya'e ishootta mina de'e, hapura Waaqa ka hupnan Saa'ooli qara de'e ikka ishootta olli xuuma haasawade.

Mataafa Saamu'eeli a paayyota 10:9

Ete Saa'ooli Saamu'eeli kapa tiitaawe ka anta xa'eyye, Waaqa ka karitta Saa'ooli purshe; milikkitaddosen piisa ka awwse'ew kodden.

Mataafa Saamu'eeli a paayyota 11:6

Ete sede dakayeyye, hapura Waaqa ka hupnan Saa'ooli qara de'e. Ikka a kuttati miirode.

Mataafa Saamu'eeli a paayyota 16:13

Waaqa ka Saamu'eeli kide, “Nama an reexade ishaay, xa'e ka isha daate.” Saamu'eeli ka kaasase a sayteeta qeede ka fuula hellaassoti tura Taawwiti daate. Awsetidesa paayyatte hapura Waaqa ka hupnan Taawwiti qara de'e. Saamu'eeli ka xa'e ka Raamaapa kale. “qulla/muda”

Mataafa Saamu'eeli a paayyota 19:20

Saa'ooli ka akka Taawwiti qapane'e, orra erke. Ma ete parka xuumampaya a nessa kuttan xuuma haasawanna isho Saamu'eeli a ishootta tura qate ka ishootta marraano akkeneeyye, hapura Waaqa ka orra Saa'ooli kuli qara lekkadeew. Ishootta kuli ka kirpen ka uuyaden.