Mataafa Saamu'eeli a paayyota 10:1 - Mataafa Qulqulloota

¹ Saamu'eeli ka oktase a sayteeta qeede ka mattoppopa Saa'ooli tuqe ka isha dinke ka kide, “Akka samaytaadi a Isira'eeli qara saara koddito'e Waaqa ke in daatanne? Atti samayta Waaqa qara'e nuqusumta ka hupna paarkaaladdaasso a ishootta kapandesa ca kela ishoottan pahata. Akka qoottotaadi qara saara koddito'e akka Waaqa ke daatade wa milikkita ke kodda.

Mataafa Saamu'eeli a paayyota 10:1 ပူးပေါင်းရင်းမြစ်များ

Mataafa Saamu'eeli a lammatta 1:14

Taawwiti ka ishi kide, “Ka kuli ete nama Waaqa daatade qaropa harkaayti xa'innittooyye, atta a fuurrin?”

Mataafa Saamu'eeli a lammatta 19:39

Kammadesa samaytase piisa ka Yurtaanoosi tuulle. Nuqusa ka tuulleew, nuqusa ka Parsilaayi dinke ka ishi sake, Parsilaayi ka tikaadipa tiitaawe.

Mataafa Saamu'eeli a lammatta 20:19

Isira'eeli karaayye orra nakayta faano ka amanammo oppaayye takka ana; atti Isira'eeli karaayye katama aayya kodde patissa heenta? Maana malla katamoosen qoottota a Waaqa kodde patissa faani?”

Mataafa Saamu'eeli a lammatta 5:2

Xatta a Saa'ooli ino qara nuqusa koddeeyye, a Isira'eelin tuullo ka ishin kallo ke. Waaqa ka ke kide, ‘Samayta a Isira'eeli qara'e sikmayta ka saara koddita.’”

Mataafa a Nuqussa a paayyota 1:34

Qeesittase Satooqi isho xuumampaytase Naataani ka eeyye isha daaten ka Isira'eeli qara nuqusumshen ka kaasa dawen ka salishen ka kidene, “Selemooni a para kuma nuqusumo.”

Mataafa a Nuqussa a paayyota 19:18

Ha anti xuumampaya paa'ali in kilpiippannini ka waakkaadi in dinkinini kuma tappan amma ikki Isira'eeli kara qapa.

Mataafa a Nuqussa a lammatta 20:5

“Tiitaawe ka saarase a samaytiyyo Hisqiyaasi kide, ‘Waaqa a aakkaayshina a xatta a Taawwiti ikiini, “Qinsetaayti in dakaye ka ilmaamaatti akkeey, tin in ke dinsha; akka kuyyaata sessattatiiyyi tikiyyo a Waaqa opa deeta;

Mataafa a Nuqussa a lammatta 9:1

Xuumampaytase Elsa'i ka olqapa xuumampaya oppaayye takka hale ka ishi kide, “Ohaataayti opeela hiddado ka muuddosen a sayteeta qapado ka katama Raamooti kele'adi opa aane.

Mataafa a Nuqussa a lammatta 9:12

Ishootta ka kidene, “Ini dukaatanneey ino lele.” Isha ka ishootta kide, “I'ana kide, Waaqa ikiini, ‘Akka Isira'eeli qara nuqusa koddito'en ke daate ka asse ka asse ana kide.”

Mataafa Masmuureta 135:4

Maana malla, Waaqa issi'i Yayqoopi reexadeey ka Isira'eeli kodatteetaadi a pilaati' kodadeey.

Mataafa Masmuureta 2:12

Miiraadi irra qara xaaniiy, akka ishin qara'en miironnin, akka poroppa a' pannini'i, innaadi' sakatada. A isha xelsuma' kodanna' piisa xaaysho i'olooden!

Mataafa Masmuureta 78:71

Ka akka Yayqoopise samaytaadi kodde siksho'e ka Isira'eeli kodeese' xaadi tooyto'e, kaharra a luukinna kamma isha qeede.

Mataafa Sooketa 30:23

“Qimaamewwasene akata alaawna, karpeeta a pisha pahato kiilota lehi ka qerefa a akata alaawno kiilota sessa ka aykitta akata alaawno kiilota sessa,

Xuuma Ermiyaasi 10:16

Waaqase a Yayqoopi xoori sene minan; maana malla isha we piisa uumeey; Isira'eeli kan samayta isha reexadeey, maxxaadi nefo kan, “Waaqa Poqalla we piisa ettaninno.”

Xuuma Hisqeeli 16:13

Atti ka sira warqeeta isho a dakara pirreeta' siratte ka shaasheta paxaara ka ohaata a heraan kokkoka isho a ruftan pujamte uwwisatte ka daamma paxaara ka takma isho daata damte ka akata xarjaallumte ka nuqusitteeta kodda kayte.

Hoose'i 13:2

Amma nefo juppoota qara'e juppootaaw kooni ka dakara pirreeta liilsaden ka killowwa tumaden ka pahanadda harmuman xefaden; ha sene piisa wa harka namaatin kodene, orra ka ishootta' kiini, “Wossen harkan kodeneeti, kalisoota dehaaysha! Orra ka killootase pahana innayya sa'atin koden dinkado!”

Kodampaya 13:21

“Sekkammaayye ikka akka nuqusa ishootta daasho'e Waaqa qinsaden. Waaqa ka kafa Piniyaami oppaayye Sa'oli inna Qiisi haka para kunda afuriti ishootta qara nuqusumshe.

Mataafa oppa' Ooreta 32:9

Ha Isira'eeli qoottota Yaahiwwe; Yayqoopi kan qoyrittaadi a isha qa'e.

Teseloonqe a paayyota 5:26

Ka dinkitta qulqullaawenne, hellaassin a kiristaana' piisa dinka ka oli qara nakayta qeeda.

ipro 2:10

Waaqase a we piisa ishan uumamen ka ishi uumamen, hella lekaya ulfeena oppopa kalissa'e Yesuusise dinaayshoti' saara koda'e rakkootoppan tarpissa ka a qaja dape' kodeeta isha parpaaccisse.

Keleshaata 5:8

Ete mataafase ollopa marrammo qeedeeyye, uumatase caata qapo afuri isho qimayaasene kunda lakki afuri ka laahase' tura itturandesa seehen ka ishi' sakataden. Ka matta mina kehayta qapaden ka qorewwa warqeeta a oppa tankarta immakene' qapaden. Tankartose' nefo qinseeta qulqullowwa.

Mataafa Saamu'eeli a paayyota 12:3

Anti aren caay, fuula Waaqa isho a nuqusase a isha daatade tura ana qara maakkuma xorma ayno taaki harreeta aynon teyyade ka ayno sassapade ka ayno miidde? Ka akkan dapa akkade an akkinnini'i ayno qara nooddota teyyade? Oton sene oppaayyen takkan kodeeyye, wa an teyyade in oorshaay.”

Mataafa Saamu'eeli a paayyota 13:14

Amma xoori mankisteetaayti itturopa in jarto. Waaqa nama karittaadippa kale iteye. Ka qoota atti wa Waaqa ke ajaje a tooytinin malla, akka saara samaytaadi koddo'e, isha shuumade.

Mataafa Saamu'eeli a paayyota 15:1

Saamu'eeli ka Saa'ooli kide, “Akka samaytaadi a Isira'eeli qara nuqusumto'e akkan ke daato'e Waaqa ana erke. Semmalla amma wa Waaqa kiina dakaye.

Mataafa Saamu'eeli a paayyota 15:17

Saamu eeli ka ishi kide, “Kadipunu atti ‘An nama shakka’ Issi kiiteeyye, kaffa Isira'eeli qaraayye saara a koddine? Waaqa akka Isira'eeli qara nuqusumto'e ke daate.

Mataafa Saamu'eeli a paayyota 16:1

Waaqa ka Saamu'eeli kide, “Akka Isira'eeli qara in nuqusummini'i, anti Saa'oolise in jippeey, haka aytamiti'i Saa'ooli nyarrahata? Kaasaytippa sayteeta immakaado ka aane. Anti Isseyi Peetelehimitta kapopan ke erkini. Hellaadippa akkima takka nuqusa ana koddon akkeey.”

Mataafa Saamu'eeli a paayyota 16:13

Waaqa ka Saamu'eeli kide, “Nama an reexade ishaay, xa'e ka isha daate.” Saamu'eeli ka kaasase a sayteeta qeede ka fuula hellaassoti tura Taawwiti daate. Awsetidesa paayyatte hapura Waaqa ka hupnan Taawwiti qara de'e. Saamu'eeli ka xa'e ka Raamaapa kale. “qulla/muda”

Mataafa Saamu'eeli a paayyota 2:10

A Waaqa paarkaalumma iqeqqepan ka olloppa' ooran, ikka moonte xata ishootta qara xirara Waaqa orra piisa qara'e farata, ka nuqusaadi japeessa ka hupna a nuqusase a reexadeeti opeela qapa.”

Mataafa Saamu'eeli a paayyota 24:6

Ikka orraadi a isha quda co kide, “namoose Waaqa isha daateey, anti nama a Waaqa daatade poqallaayyo qara wa asse paha kodeeta ka isha qaropa harkiyyo xa'issa a Waaqa ana qara dawro.”

Mataafa Saamu'eeli a paayyota 26:11

Ma nama a Waaqa daate qaropa harka xa'issa a Waaqa ana qara dadwro. Ma xoori oranaadi ka shawwaadi a pisha a matta xaayade qeede ka ishin anna.”

Mataafa Saamu'eeli a paayyota 26:9

Taawwiti xoori i'Apiisa kide “Ishan ishshan! Nama nuqusa a Waaqa daatade qaropa harka xa'inno pahani in cooy.

Mataafa Saamu'eeli a paayyota 8:19

A koddito ma samaytase wa Saamu'eeli kiina dakaya itiite ka kiini, “In koddito, nuqusa qapnaattan faaninna.

Mataafa Saamu'eeli a paayyota 8:9

Semmalla nessaaysho dakaye. Ma xoori nuqusa ishootta qara nuqusumo wa ishootta qara koda ammaaw turan fayya ishootta lele.”

Mataafa Saamu'eeli a paayyota 9:16

“Parri esse piita Piiniyaamitin nama takka ke kapopa erka. Akka samaytiyyo a Isira'eeli qara saara koddo'e tooy isha daate. Isha hupna Filisteemeta kela samaytiyyo nataan sooksha. Anti samaytiyyo in akke ullupittaaysho ka ana kapa kayeey.”

Mataafa Saamu'eeli a paayyota 9:27

Ete xeela katama opa xata lekkannaaneeyye, Saamu'eeli ka Saa'ooli kide, “Orxaytaayti kide, ‘Ino turopa qatte’ Ka ete qatteeyye, Saa'ooli kide, ‘Areppa shakkayteeta qa'ado anka wa Waaqa kide ke lelo.’”