Mataafa Saamu'eeli a paayyota 1:22 - Mataafa Qulqulloota

²² Haanna xoori ishootta olli in anne ma idiirtaadi kiite, “Oto inna ku'an eennowwen ishin de'a, ka fuula Waaqa tura dehaysha ka ishi daasha. Ikka parraadi piisa eeyye kallaada.”

Mataafa Saamu'eeli a paayyota 1:22 ပူးပေါင်းရင်းမြစ်များ

Mataafa Masmuureta 110:4

Waaqa ixaxade umma in mararfado ka kide, “Akka taanteta qeesuma a Melkesedeqi mina'e atti haka paraparati'i, a' qeesitta.”

Mataafa Masmuureta 23:6

parra caattiyyo piisa karaayye, paxaarumtaayti isho xoonaatti a pirama in qapnini, ana kammaaw deeni; tika Waaqa kara'e, haka paraparati'in kallaada.

Mataafa Masmuureta 27:4

Anti, we takkanen Waaqa qara qinsanni; ka wossen nefo faani; akkan parra an co piisa oppaayye tika a Waaqa' kara' kallaado ka paxaarumta Waaqa' tooyo, ka tikaadi a qulqulloota' karaayye isha dikado'e.

Mataafa Sooketa 21:6

Poqallaadi a taanynyada turopa ishan aano ka xarra taaki qoyra xarra quda isha qaatisho ka napahataadi diddiptan urro; ikka haka toono'e, isha kela karpishshumo.

Xuuma Issayyaasi 9:7

Palduma a mankisteetaadi ka a nakaytaadi' pirama in qapan; ammaayye paayyatte haka paraparati'i; mura dukaata ka hanqeetanne mankisteetaadi qaatisada; ka quda qapa ka kokkonnassa'e, sufaanetase a Taawwiti qara' kuti'a; ka piita piisa pidda; yoota Waaqase we piisa ettaninno ka sede koota.

Mataafa orra Lewi 25:23

Piita qoota a xayyo koddite malla ishina ka kalayta ka xaykiyya piitiyyoppa kalo kodditen malla, piita kateeta ka asse eeyyendesa haseeta, isheetta parpaaccisni in kitto.

Luqaasi 2:22

Akkima seera muuse qarae, taanteta oppaayye jaqqaysuma koonaane kayte. Maariyaami isho Yoosefi ka innasene qeeden ka Poqalla turopa dehassa'e Yursaalamipan aanen.

Mataafa oppa' Ooreta 16:16

Xaysonessuma a qaran tarpeeta ka a fera isho a shaakka oppaayye, diira piisa porase a isha reexade oppopa fuula a Yaahiwwe Waaqaayti turopa paroppa sessaanne dehaattan ka oto fuula a Yaahiwwe turopa dehaannittooyye harka luleetin in dehaadan.

Mataafa Iyyaasu 4:7

ishootta kiitane, ‘Eta a xatta taapotase a kodayteeta Waaqa kirra Yurtaanoosi oppan tuullinittooyye pisha alle urqa diishen. Semmalla hellaa Isira'eeli akka sede in teyminin ka qudan matte oorsadan malla dakaddoosen dishamen.”

Mataafa Saamu'eeli a paayyota 1:11

Ka kalsha daasatte. Ka kiite, “Oo Waaqqo ke a we piisa ettaninno, oton dukaatanne jeeriyyo a orxayteetaayti akkitaayye ka ana xaamsattaayye ka ana a teymininiiyyi, ka ana orxayteetaayti inna diirta daassaayye, parraadi piisa kara'en ke Waaqa' daasha umma kooshshota mattaadi qara in kayto.”

Mataafa Saamu'eeli a paayyota 1:28

Semmalla anti nefoow innoosen Waaqa'en daanni haka cooyye isha a Waaqa daasame a koddo. Ka oori eeyye Waaqa sakataden.

Mataafa Saamu'eeli a paayyota 13:13

Saamu'eeli ka Saa'ooli kide, “Eepuma koote umma ajaja a Poqalla Waaqaayti ke ajaje a tooytaanne; katin ittooytaatte kiiteeyye, helani isha Isira'eeli qara'e mankisteetaayti haka paraparati qaatinni heene.

Mataafa Saamu'eeli a paayyota 2:11

Sekkamma Hilqaana Raamaapa tikaadipa kale, innasene ka qeesittase Eeli kelaayye Waaqa koda kooni.

Mataafa Saamu'eeli a paayyota 2:18

Innasene shakka Saamu'eeli ka saappata qeesewwa a efuudi kidammo a rufta ata oppa kodame hiddade ka Waaqa' koda kooni,

Mataafa Saamu'eeli a paayyota 28:2

Taawwiti ka Ankusi kide, “Wa orxaytaayti koda kuli akkita. Ankusi ka ishi kide, “Ipaxaari! Anti hakan co'e tooytampaytiyyo a ulfeenati'in ke kodada.

Mataafa Saamu'eeli a paayyota 3:1

Innasene Saamu'eeli ka Eeli kela Waaqa koda kooni. Parroosen karaayye Waaqa tapo orra haasawanni in co. Umma kelashaata tapo opani akkini in caan.