Mataafa Saamu'eeli a paayyota 1:11 - Mataafa Qulqulloota

¹¹ Ka kalsha daasatte. Ka kiite, “Oo Waaqqo ke a we piisa ettaninno, oton dukaatanne jeeriyyo a orxayteetaayti akkitaayye ka ana xaamsattaayye ka ana a teymininiiyyi, ka ana orxayteetaayti inna diirta daassaayye, parraadi piisa kara'en ke Waaqa' daasha umma kooshshota mattaadi qara in kayto.”

Mataafa Saamu'eeli a paayyota 1:11 ပူးပေါင်းရင်းမြစ်များ

Mataafa Uumata 28:20

Sekkammaayye Yayqoopi Waaqa tura'e kalsha lelade ka kide, “Oton ana olli' caatta ka ana tooytita ka waan dama ka an uwwisada ana' daassaayye,

Mataafa Uumata 29:32

Liyya ka inna hitte ka inna diirta' xaayte. Ka kiite, “Yaahiwwe irakkootiyyo akkeey, amma desa diirtiyyo i'ana jaalada.” Ka maxxa ishi' koote ka kiite Roopeeli.

Mataafa Uumata 30:22

Waaqa ka qinseeta Raaheeli dakaye ka ishetta dikade ka akka xaayto' kode.

Mataafa Uumata 8:1

Waaqa ka Noohe isho pinaana isha olli markapa kara ca piisa dikade ka xayxayta pishasene piita qara pire qara' qeede; pishasene ka oori kellaawa paayyen.

Mataafa Saamu'eeli a lammatta 16:12

Takka punu Waaqa rakkootiyyo ana akka ka otittose a awwe kapa paxaarumta ana kodaay.”

Mataafa Masmuureta 25:18

Rakkootiyyo ka miiddotiyyo ana akke; ka juppootiyyo piisa ana' diishe.

Mataafa Sooketa 4:31

Ishootta ka dukaysaden ka akkima Yaahiwwe ishootta tooyyade ka miiddamaaysho akke dakayeneeyye, ikilpiippaden ka ishi' sakatattaan waaqaysaden.

Mataafa Pahana 31:2

“Innaayyo, daliyyo an karittan haade! Innaayyo, an qinseetan akkade;

Mataafa Dehaamta 5:4

Waaqa eeppaan xasoonni in cooy, oton xasa Waaqa' daasattaayye, wa xasa' daasatte irra qara' kalshe ka xasoose a' daasatte dikkishe.

Mataafa orra Lewi 27:2

“Samayta Isira'eeliti lele ka ishootta kide, ‘Nama takka oton Yaahiwwe'e nama xawwi reexxa'e xasa daasadaayye, ka pakka namooseti oppa kaaja a mina ca kalissa faaniiyyi,

Mataafa Dikoota 21:2

Sitiiyyi Isira'eeleta ka Yaahiwwe xasa daasatte ka ishi kiite, “Oton samayse taparissa ka harkinnoppa kattaayye, katamaddaasso piisan takka patinna.”

Mataafa Dikoota 6:11

Qeesitta ka takka qeedo ka kalisoota juppootati kalsho; ka takka kalisoota a kupannitto kodo ka kalsho; ka ishin juppootaadi ishi hattisho; maana malla namoose pukka quda kayaanne juppoota kodeey. Namoose ka awseew nyirfaadi qulqullaysado.

Mataafa Dikoota 6:5

eta a xasa daasade ka xawwi isi reexxe piisa karaayye, kooshshota mattaadippa in kaynin; haka eta a Yaahiwwe isi reexxe dikkannaan kara'e, a qulqullitta koddo; ka nyirfaadi a matta jifsado.

Mataafa Dikoota 6:8

Kisewwa a oppaayye xawwi isi reexxane piisa karaayye isha Yaahiwwe'e a qulqullaawe.

Mataafa Taanynyada 11:30

Ka Waaqa tura xasa daasade ka kide, “Oton Amoonata harkiyyo oppopa tarpissa ka daassaayye,

Mataafa Taanynyada 13:5

Dukaatanne hitta ka inna diirta xaayta; innoosen nefo kuyyaata oppa dalade paayyatte qoota Naasrawitta a xawwi desa Waaqa reexxame koddan malla, kooshshota mattaadippa in kaynin; isha Isira'eeleta Filisteemeta kela sookissa paayya.”

Mataafa Saamu'eeli a paayyota 1:10

Haanna ka a kuttati nyarrahate ka a kuttati pooyte ka Waaqopa qinsatte.

Mataafa Saamu'eeli a paayyota 1:12

Haanna ete fuula Waaqa tura qinseeta derasseeyye, Eeli afaadippaaw tooyni

Mataafa Saamu'eeli a paayyota 1:19

Hilqaana isho toolaadi ka parraytaadiiyyi paraappan xa'en ka Waaqa sakataden ka tikase xaaysho Raama kara kitto opa kalen. Hilqaana ka iskatteetaadi Haanna olli muke, Waaqa ka isheetta dikade.

Mataafa Saamu'eeli a paayyota 1:22

Haanna xoori ishootta olli in anne ma idiirtaadi kiite, “Oto inna ku'an eennowwen ishin de'a, ka fuula Waaqa tura dehaysha ka ishi daasha. Ikka parraadi piisa eeyye kallaada.”

Mataafa Saamu'eeli a paayyota 1:27

Akka innoosen ana daasho'en qinsade Waaqa ka waan qinsade ana' daashe.

Mataafa Saamu'eeli a paayyota 1:28

Semmalla anti nefoow innoosen Waaqa'en daanni haka cooyye isha a Waaqa daasame a koddo. Ka oori eeyye Waaqa sakataden.

Mataafa Saamu'eeli a paayyota 2:20

Eeli ka Hilqaana isho iskatteetaadi sakni ka kiini, “Pakka innoosen a iskatteetaayti Waaqa qara qinsatte ka Waaqa daasse oppa'e, a Waaqa iskatteese oppaayyeew hellaa ke daashoow.” Ishootta ka oori tikaaysho opa kalli.