Mataafa Otoowwa a paayyota 9:2 - Mataafa Qulqulloota

² Orra paayyota qara piitase xaaysho a oppa daladen a Isira'eeli opa tiitaawe ka palewwaasso kara safare, qeesewwa ka Lewaata ka orra tika qulqulloota kela koda koono isho Isira'eeleta pila kuli.

Mataafa Otoowwa a paayyota 9:2 ပူးပေါင်းရင်းမြစ်များ

Mataafa Isira 2:1

Orrase a Naapukedenasoori nuqusa a Paapilooni' piita Paapilooni opa pooje oppa sene are kammopa xata ca'e Yursaalami isho katamaddasene' xaaysho a Yihuta opa tiitaawe.

Mataafa Isira 2:43

Kaffa a koda tika qulqulloota' koona oppa a poojama kela kale, Siiha ka Hasuufa ka Tapa'ooti.

Mataafa Isira 2:58

Orra koda tika qulqulloota koda qara xaayame isho sanynyeeta a orxaya Selemooni olloppa'e dippa sessa ka kunda sakali lakki kayen.

Mataafa Isira 2:70

Qeesewwa ka Lawaata isho samayta oppa orra demo Yursaalami isho piita a kapandesa kitto oppa safaren, orra a masmuureta dawno ka a tika qulqulloota tooytino isho orra a tika qulqulloota qupa kitame katamadda kapandesa ca kara'e safaren. Isira'eeleta a kela hasteew katamadda a xatta toollaasso kara kallaadene kara'e safarte.

Mataafa Isira 8:20

Ishootta maliiyyiiw orra aappadaasso a xatta Lewaata qaarqaarraane a nuqusase Taawwiti isho taanynyada isha quda ca shuumen, a tika qulqulloota kela koda koona dippa lakki ka kunda lakki ca ka maxxa maxxan masakapamen.

Mataafa a Nehimya 10:29

hellasene xaaysho ishootta mukinna kapoopa aanen ka akka ajajaddasene ka kodayteetase isho taantewwasene a Waaqa Poqalla orxaytaadi Muuse qudan daashe piisa ajajamane'e ka oton ishinni dapane jiijamane'e, xaxa kalen.

Mataafa a Nehimya 11:1

Orra samayta mukinno ka Yursaalami karopa oore, samayta ata haseew harka kudani oppa harka sakali akka katamaddaasso a pila oppa' kallaadan, harka takka ka katamasene a Yursaalami qulqullaawe oppa kallaado'e, qoyritta kataden.

Mataafa a Nehimya 7:60

Orra tika qulqulloota kela koda koono isho orxaya a Selemooni oppa a poojama kela kale, nama dippa sessa ka kunda sakali lakki kayen.

Mataafa a Nehimya 7:73

Qeesewwa ka Lewaata ka orra a xarra tika qulqulloota' tooytino ka orra masmuureta dawno ka a tika qulqulloota kela koda koono isho samayta Isira'eeli piisa ka oori katamaddaasso oppopa kalen ka kuti'en.