Mataafa Otoowwa a paayyota 9:1 - Mataafa Qulqulloota

¹ Isira'eeleta piisa ka akka meeraaysho qara dikamte mina'e, maskapa nuqussaassoti qara taafamte; Yihutaata ka juppootaysho minanne piita Paapilooni opa poojamte.

Mataafa Otoowwa a paayyota 9:1 ပူးပေါင်းရင်းမြစ်များ

Mataafa a Nuqussa a paayyota 14:19

Wa a ata hase a Iyyoripi'aami kode, akka oranna torpe ka akka mukshe, mataaffa torra nuqussa Isira'eeli qara'en taafamen?

Mataafa a Nuqussa a lammatta 24:14

Ka samayta Yursaalami isho saarraadi a xela oranna ka xela orannaadi ka harmoota a qora isho a tuma olloppa nama kuma kudani pooje ka piitaadipan kalade. Umma teekolaya maliiyyi nama piitoppa in hasne.

Mataafa a Nuqussa a lammatta 24:15

Naapukedenasoori ka Ikkooniyaani pooje ka olliiyyiiw aayyaasso ka haantowwaadi ka saarraadi a tika mankisteeta isho orra a piitaadippa kukutta Yursaalami kara pooje ka Paapiloonipan kale.

Mataafa a Nuqussa a lammatta 24:16

Nuqusa Paapilooni ka akkimoose mina'ew a kokokkoka ka oranna torpa ettaninna ka xormeeta a oranna kuma tappa ka harmoota qora isho a tuma kuma takka pooje ka Paapiloonipan kale.

Mataafa Otoowwa a paayyota 8:40

Hellaa a Ulaami xormeeta oranna a paantaan poka saha; ishootta oopadda olloppa'e diira dippa ka kunda keni qapan. Sene piisa kan sanynyeeta Piniyaamiiw.

Mataafa Otoowwa a lammatta 33:11

Waaqa ka saarra a xela oranna a nuqusa Asoori ishootta qara xaashe; ishootta ka Minaase hida qapen ka soonaappa'e, funnoota ishi kalshen; ka sansalaata a sipla pooratin hiden ka Paapiloonipan kalen.

Mataafa Isira 2:1

Orrase a Naapukedenasoori nuqusa a Paapilooni' piita Paapilooni opa pooje oppa sene are kammopa xata ca'e Yursaalami isho katamaddasene' xaaysho a Yihuta opa tiitaawe.

Mataafa Isira 2:59

Orra a katamadda Telmelaahi ka Telharsha ka Karuupi ka Ataani isho Imeeri kidamma kara a poojama kela kale icaanma, akka dukaata sanynyeeta Isira'eeli kodden olkela la'assa in ettaninne.

Mataafa a Nehimya 11:1

Orra samayta mukinno ka Yursaalami karopa oore, samayta ata haseew harka kudani oppa harka sakali akka katamaddaasso a pila oppa' kallaadan, harka takka ka katamasene a Yursaalami qulqullaawe oppa kallaado'e, qoyritta kataden.

Mataafa a Nehimya 7:5

Waaqa ka akkan samayta ka taanynyada isho saarra a ishootta mukinna olopa halo ka toolla toollaan diko'e, ana kara dikatta xaashe. Anka maskapa qara orra a turan poojama kela kale meera dalootaayshotin teye. Wa a kara' taafame nefo sene are kamopa xata ca.

Mataafa a Nehimya 7:64

Ma xoori ishootta' qoota sanynyeeta a oppa de'en maskapa qara faden ka dapen malla, koda qeesuma kodeeta idawramen.

Xuuma Issayyaasi 3:2

Xormeetaaysho isho xelaaysho a oranna ka taanynyadaasso isho xuumampayaasso ka tipampayaasso isho qimayaasso

Xuuma Ermiyaasi 13:19

Katamadda a tupatta Yihutaati ca, idufaman umma nama ishootta pano takka nefo in caado; samayta Yihuta piisa piita hapta opa poojama; ishootta piisa ka poojaman.”

Xuuma Ermiyaasi 39:9

Naapusaartaanise mankisteeta Paapilooni karaayye, ajajampayta tooytampaya nuqusa kodde ka samayta a katama kara co piisa isho orra turan ishi harka daasade ollin pooje, ka Paapiloonipan kale.

Xuuma Taani'eeli 1:2

Poqalla ka akka Iyyo'aqeemi nuqusase a Yihuta' poojo ka mehadda a tika qulqulloota' quda lamaya saro' kode. Naapukedenasoori ka orrase a nuqusa Yihuta ollin pooje qeede ka Paapilooniiyyi tikase a kela killoota kodanno kela' hide ka mehaddasene a sare tika a kela meeha a qulqullaawe xaaynaan kela' xaaye.