Mataafa Otoowwa a paayyota 4:9 - Mataafa Qulqulloota

⁹ Yaapeesi hellaasso oppa nama ulfeessame; aayyaasso ka kiite, “Yetetta kokkokannen isha xaayeey, maxxaadi Yaapeesi.”

Mataafa Otoowwa a paayyota 4:9 ပူးပေါင်းရင်းမြစ်များ

Mataafa Uumata 3:16

Ikka iskatteetaseti' kide, “Oto inna hittooyye, rakkootan ke qara' koopsha akka surumtan xaayta; a koddito ma diirtaayti olliiyyi kallaattaawwe' jaalatta isha ka ke muksha.”

Mataafa Uumata 34:19

Sekemi qoota enenta Yayqoopi jaalade malla, wa ishi kidene koda'e kutiitta ishi in deene. Isha aren toolaaysho oppa nama akata ulfeessammo.

Mataafa Uumata 35:18

Ma isheetta' qoota toota' qannite malla, ete toonittooyye maxxa innooseneti' koote ka kiite, “Peni'ooni.” Yayqoopi' xoori ikide, “Piniyaami.”

Mataafa Otoowwa a paayyota 4:10

Yaapeesi ka Waaqa Isira'eeli opa qinsade ka kide, “Oo Waaqqo! Ana sake; ka xeeliyyo paldishe; harkaayti ka ana olli caado ka neequmta isho nyarrahata kela ana tooyte.” Waaqa ka wa qinsade ishi daashe.

Mataafa Otoowwa a paayyota 4:8

Hellaa Qoosi a diira'ew, Anuupi isho Soopepa kidammi; Qoosi kaffa Ahariheli a inna Haarumi turaayye aappa.

Mataafa Otoowwa a paayyota 7:23

Sekkammaayye ikka iskatteetaadi olli muke; isheetta ka hitte ka inna diirta xaayte; rakkootose tikaadippa deete malla ikka innaseneti maxxa kode ka kide, “Peri'a.”

Mataafa Pahana 23:25

Aappaayshin ka aayyaassin a xasooden; a ke xaayte a xasootto.

Xuuma Issayyaasi 43:4

Qoota ildaayyo tura ana kokkokittan, ka ulfeessamten anka ishin jaalanno malla. Orran pakkaayshin oppa' daani ka samayta caattaayshin oppa daanni.

Kodampaya 17:11

Yihutaata a Peeriya kara kitto, a Tesselonqe kara kitto kapaayye qoota qalpeeta fayya qapto malla, xasa kuttanne qaalese teyyatte ka akka qaalese a Pawloosi dukaata koddite qalpeeffatta'e, kuyyaata kuyyaatan mataafa qulqulloota nappapni ka kara qorri.

Mataafa Saamu'eeli a paayyota 4:21

Ma qoota taapota Waaqa poojamte malla diirtaadi isho aappa opa diirtaadi ka le'en malla, “Ulfeena Isira'eeli qara tawe kiite ka innaseneti maxxa koote ka kiite Ikaapoodi”