Mataafa Otoowwa a paayyota 4:10 - Mataafa Qulqulloota

¹⁰ Yaapeesi ka Waaqa Isira'eeli opa qinsade ka kide, “Oo Waaqqo! Ana sake; ka xeeliyyo paldishe; harkaayti ka ana olli caado ka neequmta isho nyarrahata kela ana tooyte.” Waaqa ka wa qinsade ishi daashe.

Mataafa Otoowwa a paayyota 4:10 ပူးပေါင်းရင်းမြစ်များ

Mataafa Uumata 12:2

Anti samayta kutta'en ke koda ka ke' saka ka maxxaayti nefo kuttisha; akka nama saka' koddita.

Mataafa Uumata 12:8

Sekkammaayye irootase a Peti'eli qinda dumaata opa diishe ka Aayi qinda piirtota opa diishe ka artaasso kara' tukkana daapade ka eeyye' pora kalisoota Yaahiwwe' kode ka Yaahiwwe' sakatade.

Mataafa Uumata 28:20

Sekkammaayye Yayqoopi Waaqa tura'e kalsha lelade ka kide, “Oton ana olli' caatta ka ana tooytita ka waan dama ka an uwwisada ana' daassaayye,

Mataafa Uumata 28:21

ka tika aappinno opa nakaytan ana tiitassaayye, atti Yaahiwwe Waaqiyyo' koddita.

Mataafa Uumata 32:26

Namase ka oori Yayqoopi' kide, “Para iqiteey ana diishe.” Yayqoopi ka ishi' kide, “A ana' sakto mali an ke an diisho.”

Mataafa Uumata 32:27

Namase ka ishi' kide, “Maxxaayti ayno?” Ikka kide, “Maxxiyyo Yayqoopi.”

Mataafa Uumata 32:28

Namase ka ishi' kide, “Amma desa maxxaayti Yayqoopi in kidamo. Atti' qoota Waaqa ka nama sootte ka putte malla, maxxaayti ‘Isira'eeli’ kidama.”

Mataafa Uumata 33:20

Ka eeyye pora qara' kalisoota Waaqa' kalsho kode. Ka maxxa ishi' kode ka kide, “Eli eloohe Isira'eeli.”

Mataafa Uumata 48:16

Erkampattootase rakkoota piissa kela anan pahate a ishootta tooytito. Sanynyeetaaysho a piita qara' horto maxxiyyo ka maxxa aappadaanno a Aprihaami isho a Hisaaqi dakaytisso.”

Mataafa Otoowwa a paayyota 16:8

Waaqa kalataysada; ka maxxaadi hala; ka wa kode samayta piisa torra!

Mataafa Otoowwa a paayyota 4:11

Inna opa Shuha Keluupi Mehiiri xaaye; Mehiiri ka Eshtooni xaaye.

Mataafa Otoowwa a paayyota 4:9

Yaapeesi hellaasso oppa nama ulfeessame; aayyaasso ka kiite, “Yetetta kokkokannen isha xaayeey, maxxaadi Yaapeesi.”

Mataafa Iyyoopi 12:4

Anase Waaqa halaade ikka ana' oorshe, moottadaayyo tura qora xosalta kodde. Ana hanqeellayta a qaja in qapnini qora xosalta kodde.

Mataafa Masmuureta 119:173

Anti taantewwaattin reexadeey, harkaayti a ana qaarqaaro.

Mataafa Masmuureta 121:7

Waaqa neequmta piisa kelaayye ke tooytaaw; ka ken paha.

Mataafa Masmuureta 145:19

A isha tura fuurrati'i, wa heenane piisa daanni; ka ullupittaaysho' dakayni ka ishoottan pahani.

Mataafa Masmuureta 21:4

Caatta ke qara qinsade; atti ka para dera haka paraparati ishi' daasse.

Mataafa Masmuureta 51:12

Xasa dinissaayti ana' oorshe, ka hapura ke oowsannon ana kammeela qape.

Mataafa Masmuureta 51:8

Xasa a kutta ana' dakaytishe, lafasene xayyo a' qeqqepisse ka xasooden;

Mataafa Masmuureta 55:16

Anti' xoori Waaqiyyopan ullupada, Waaqa ka anan pahada.

Mataafa Masmuureta 65:2

Qoota' qinseeta dakaynitto malla, nama piisa ke kapopaaw de'a.

Mataafa Masmuureta 72:17

Maxxa nuqusooseti ka haka paraparati' caado; kurraadi ka haka piirtota kitto kara' dakaado. Samayta piita' piisa ka ishan eeppisama ka kida, “Atti a' nuqusa eeppisame.”

Mataafa Masmuureta 99:6

Muuse isho Arooni qeesewwaadi oppa caan; Saamu'eli kan a maxxaadi halaanna oppa takka; ishootta Waaqa halen, ikka ishootta dakaye.

Mataafa Pahana 10:22

Saka Waaqa orra teyantanni, umma karaayye rakkoota in qapo.

Mataafa Pahana 30:8

Dartampayta koddeeta ka darta haasawatta ana kapa sekayshe; teekuma taaki teyanta ana in daashan; ma xoori kuyyaata kuyyaatan waan dama ana' daashe.

Xuuma Issayyaasi 41:10

Anti ke ollin caay, in fuuran; anti an Waaqaaytiiy, in tammaqan; in ke kokkonnaysha ka ke qaarqaara, ka harkiyyo a akkitta a hanqeellumaayyotin opeela ke qapa.

Xuuma Issayyaasi 41:17

Oto teekolaya ka rakkatampaya pisha faanaaneeyye in teyan, oto afaasso deepottan kokaneeyye, anti Waaqa xoori in ishootta dakaya; anti Waaqa Isira'eeli alle shootta an kato.

Xuuma Ermiyaasi 33:3

‘Anopa ullupe, in ke oorshaay; ka wa a atti a upnini a kutta ka juutame ke akkishaay!

Maatiyoosi 26:75

Sitiiyyi Peetiroosi isase a Yesuusi ishi kide, “A lukkalitta in iyyinin turanne sessaan ana marmatta.” Isha matte oore ikka lakopa alle sooke ka a kuttati pooye.

Maatiyoosi 6:13

Isase neeqa kela inon pahe diisheey, ekkaysumaappopa in kalshan [Mankisteeta ka hupna ka ulfeena, haka paraparati'i xaaytiiw. Ameen.’]

Luqaasi 19:42

Ka kide, “Atti wa nakaytaayti parpaaccisna katin awwe nefo upnaatte maana in kinnin; amma xoori wossen ildaatti tura ijuutamen.

Yohaannisi 10:28

Anti caatta parapara'en ishootta daasha; umma pakkanna in patan, umma nama takka nefo harkiyyo oppaayye ishootta in ponqo ka in teyyado.

Yohaannisi 21:17

Ka asessattati ishi kideewwe, “Simooni inna Yoona, hela i'ana jaalanni?” Qoota a sessattati ishi' kide ‘Hela i'ana jaalanni malla, Peetiroosi inyarrahe ka kide, “Poqallaay! Atti we piisa' upta, akkiman ke jaalanno nefo atti i'upta.” Yesuusi ka ishi. kide, “Kahirraayyo dawwe.

Kodampaya 3:26

Semmalla Waaqa innaadi paayyota qara ishina' erke; sede nefo akka saantaayshin a neeqa qara ishin oorsho ka ishina' sako malla asse kode.”

Roomi 12:9

Jaalala a dukaata a oppa pappahanassa in kinnini qapnaada ka wa neeqa' needdada ka wa paxaara' koda' japaada.

Roomi 16:19

Sede a otootase a fayyaati a ajajamma kodditen qoota orra piisa tura upnaatamte malla, kadi punu xasa ana' dakaannaayye, akka wa paxaarati ookka kodditan ka wa neeqati a dapa in qapnini kodditane in faani.

Qorontoosi a paayyota 1:2

tikase a kiristaana a Waaqa katama Qorontoosi kara kitto, a orra qulqullowwa kodda' halaame ka Kiristoosi Yesuusin qulqullaawe kara co ka akkimoose' mina'ew pora piisa oppaayye isasene maxxa a Poqalla Yesuusi Kiristoosi isase' poqallaanno isho a xaaysho kodde halaanna' piisa' erkame.

Efesooni 1:3

Aappa opa Poqallaanno a Yesuusi Kiristoosi isase Kiristoosi qudan sakase a Hapura' moonte co piisan ino' sake Waaqa a kalataysamo.

Efesooni 3:20

Semmalla Waaqase hupnase' xaadi ino karan koda koono qudan waan qinsanninna ka dikanninna qaropa a kuttati jaalissa ka koda ettaninno'e,

Efesooni 4:30

Ka kuyyaatase a oppa furamtane'e Hapurase a Qulqulloota a Waaqa a ishin kobbeetan toommamten in nyarrahasiisan.

Timotoosi a lammatta 4:18

Poqalla wa neeqa' piisa kelaayye anan paha ka mankisteetase' xaadi a moonta oppan ana kaya. Haka paraparati'i, ulfeena a isha' koddo. Ameen!

Keleshaata 3:19

Anti orra an jaalanno piisan fukni ka ishootta qattaani, semmalla japaado ka juppootaaytippa oore.

Mataafa Saamu'eeli a paayyota 1:17

Eeli ka isheetta kide, “Nakaytan kale Waaqa Isira'eeli ka wa a qinsatte ke' daasho!”

Mataafa Saamu'eeli a paayyota 1:20

Ikka hitte ka ete xooraadi a xaaya kayteeyye inna diirta xaayte ka kiite, “Waaqa qaran isha qiinsade” Ka maxxaadi Saamu'eeli kiite ka haleete.

Mataafa Saamu'eeli a paayyota 1:26

Haanna ka Eeli kiite, “Oo poqallaayyo dukaatannen kiini, “Anti an iskatteetase takkaayye areppa fuulaayti tura qa'atte ka Waaqopa qinsatte.

Mataafa Saamu'eeli a paayyota 1:27

Akka innoosen ana daasho'en qinsade Waaqa ka waan qinsade ana' daashe.