Mataafa Otoowwa a paayyota 3:2 - Mataafa Qulqulloota

² A sessatta Apeseloomi; isase a Maa'ika enenta a Talmaayi a nuqusa Keshuuri ishi xaayte; a afratta Atoniyaasi isase a Hakiti ishi' xaayte.

Mataafa Otoowwa a paayyota 3:2 ပူးပေါင်းရင်းမြစ်များ

Mataafa Saamu'eeli a lammatta 13:1

Apseloomi inna Taawwiti, xarjaallitteeta takka a alawta'e qapa. Maxxaadi nefo Ti'imaari; inna Taawwiti Amnooni ka isheetta xajeele.

Mataafa Saamu'eeli a lammatta 13:38

Semmalla Apseloomi ka Keshuuripa qahe ka eeyye para sessa pire.

Mataafa Saamu'eeli a lammatta 14:23

Iyo'aapi ka xa'e ka Keshuuripa aane ka Apseloomi qeede ka Yursaalamipan kale.

Mataafa Saamu'eeli a lammatta 14:32

Apseloomi ka ishi oorshe ka kide, “Eten ke halaaccisnooyye qoota a deenin malla akka nuqusa kapopa anto ka isha kaassatto ka kiito, Apseloomi ikiini, ‘Ata kuli maana mallan Keshuuri kara kale? Katin eeyye'ew tawe ana wayyi.’ mallan nessa ke kamma erke. Semmalla amma aane anka fuula nuqusa akko; oton dapa ana qara caayye, ikka kapa alle ana ishsho.”

Mataafa Saamu'eeli a lammatta 15:8

Anti orxaytaayti an piita Sooriyatiiyyi Keshuuri kara kalooyye, xasan Waaqa daasade ka kide, “Dukaatan otoni iWaaqa Yursaalamipa anan kaleeyye, Keprooni kara'en ishi sakatada.”

Mataafa Saamu'eeli a lammatta 18:14

Iyyo'aapi ka kide, “Anti ke olli asse eta pira quda an tawo.” Ka orana sessa harkoppa teyyade ka aane ka Apseloomi a eeyye co ka qoyroppa raa'ino tupa sataata tottorpe ka oppa qaqqaatishe.

Mataafa Saamu'eeli a lammatta 18:18

Apseloomi ka a cooyyew kide, “Anti inna maxxiyyo dakaytishe an qapo.” Ka naaba takka “Naaba nuqusa.” Kidammo kara daka diiruma dishade ka maxxaadin hale ikka awwe ikki “Daka Apseloomi.” Kidammi ka halaammi.

Mataafa Saamu'eeli a lammatta 18:33

Nuqusa ka a kuttati nyarrahe ka tikase kawwatta katama qara kitto qaropa fayyade ka pooye. Ka ete annooyye pooyni ka kiini, “Oo innaayyo, Apseloomi kaata anti pakkaaytippa anto'o, oo Apseloomi innaayyo, innaayyo!”

Mataafa Saamu'eeli a lammatta 3:3

Innaadi lammatta Kili'aapi, a iskatteetase a katama Qermeloosi a Naapaali qara to'e xaayte. Innaadi a sessatta Apiseloomi, a Maa'ikka enetase a Talmaayi a nuqusa Keshuuri xaayte.

Mataafa Saamu'eeli a lammatta 3:4

Innaadi a afratta Atooniya a Hakitti xaayte, Innaadi a kenatta Sefatiya a Apitaali xaayte.

Mataafa a Nuqussa a paayyota 1:5

Atoniyasise a “Hakiti” Xaayte “Nuqusan kodda” Kide ka xa'e ka sarakelladda ka fartada isho nama kunda keni a isha turandesa hiro harmisade.

Mataafa a Nuqussa a paayyota 1:6

Umma aappaaysho Maane asse kooni in kiine ka isha in peeqne; Atooniyaasi nefo kussitta Aapeseloomi ka akatan xarjaallitta.

Mataafa a Nuqussa a paayyota 2:22

Nuqusase Selemooni ka oorshe ka aayyaassoti kide, “Maana'e Apisa Sunaamitteetase patta Atooniyaasi kaassanni? Isha qartinnooy, mankisteeta kuli ishi a kaassatto? Ka qeesittase Apiyaataari isho Iyyo'api inna Suriyya kuli'i a kaassatto?”

Mataafa Otoowwa a paayyota 2:23

Keshuuri isho Araami xoori palewwa Yaa'iri isho a Qenaati kapandesa ca paleeta kunda lehi ollin isha qara qeeden. Sene piisa tooy sanynyeeta Maakiri a aappa opa Kele'aadi.

Mataafa Otoowwa a paayyota 3:1

Hellaa Taawwiti a diira a Keprooni kara kalooyye xaaye sene: qaartaadi Amnooni a Iyyisira'elitteetase Ahino'aami ishi xaayte, a lamatta'ew Taani'eeli; isase a Qermeloositteetase Apiki'eeli ishi xaayte.

Mataafa Otoowwa a paayyota 3:3

A kenatta Shefaatiya; isase a Pitaali xaayte; a lehatta Yutire'aami isase a iskatteetaadi Ekila xaayte.

Mataafa Iyyaasu 13:13

Ma xoori Isira'eeleta orra piita Kasuuri isho a Maa'ika alle in daanne, ikka haka awweti Isira'eletoppa kalan.