Mataafa Otoowwa a paayyota 3:1 - Mataafa Qulqulloota

¹ Hellaa Taawwiti a diira a Keprooni kara kalooyye xaaye sene: qaartaadi Amnooni a Iyyisira'elitteetase Ahino'aami ishi xaayte, a lamatta'ew Taani'eeli; isase a Qermeloositteetase Apiki'eeli ishi xaayte.

Mataafa Otoowwa a paayyota 3:1 ပူးပေါင်းရင်းမြစ်များ

Mataafa Saamu'eeli a lammatta 13:1

Apseloomi inna Taawwiti, xarjaallitteeta takka a alawta'e qapa. Maxxaadi nefo Ti'imaari; inna Taawwiti Amnooni ka isheetta xajeele.

Mataafa Saamu'eeli a lammatta 13:29

Orxaya Apseloomi ka wa Apseloomi ajaje Amnooni qara koden. Hellaa nuqusa a ata hase piisa ka kaankewwaasso qara fayyaden ka qahen.

Mataafa Saamu'eeli a lammatta 3:1

Toola Saa'ooli isho toola Taawwiti eta lekaya oli torpen; ma xoori, Taawwiti kokkonnaattaane aane, tika a Saa'ooli ka nukkullaattaan ante.

Mataafa Saamu'eeli a lammatta 5:13

Taawwiti ka a Keprooni kale kammaayye, Yursaalami kara lammowwa lekaya padaawade ka hellaa a diira isho a tuparra lekaya xaayade.

Mataafa Otoowwa a paayyota 2:55

Kaffa taafampaya kodde ka piita Ya'ipesi kara kallaanna, Tiiri'aata ka Shimi'aata isho Sukaata; sene Qenaatase a tika Hameeti a aappa opa Rekaapi kara sookte.

Mataafa Otoowwa a paayyota 28:5

Waaqa ka hellaa lekaya ana daashe ka hellaayyo a diira pisa oppaayye akka alka mankisteeta Waaqa qara kuti'o'e ka Isira'eeleta piisa qara nuqusumo'e innaayyo Selemooni reexade.

Mataafa Otoowwa a paayyota 3:2

A sessatta Apeseloomi; isase a Maa'ika enenta a Talmaayi a nuqusa Keshuuri ishi xaayte; a afratta Atoniyaasi isase a Hakiti ishi' xaayte.

Mataafa Saamu'eeli a paayyota 27:3

Taawwiti isho orrase isha quda co ka toollaasso ollin Keetti kuti'en, Taawwiti ka iskattaadi lakki Eeyisira'elitteetase Okinihoomi ka Qermeloositteetase a Naapaali qara to'e Apikiyya isha olliiw caan;