Mataafa Otoowwa a paayyota 22:9 - Mataafa Qulqulloota

⁹ Ma inna a nakayta ka a nessuma kodde'e xaayta, anti ka nyaapaadi a qinda piisan co kelaayye isha nessuma daasha; maxxaadi nefo Selemooni kodda, anka xeltaadiiyyi Isira'eeleta nakayta ka nessuma daasha.

Mataafa Otoowwa a paayyota 22:9 ပူးပေါင်းရင်းမြစ်များ

Mataafa a Nuqussa a paayyota 1:13

Taawwiti kapopa aane ka ishi kide, “Nuquso atana i''ana kiite, ‘Innayti Selemooni pakkaayyoppa sufaaniyyo qara nuqusuma.’ Ka ana xaxatte ka kuli atta Atooniyaasi nuqusa kodde?

Mataafa a Nuqussa a paayyota 2:15

Ikka isheetta kide, “Akkima mankisteeta xayyo koddite akkan anti nuqusaumo'e Isira'eeleta piisa ka ana qaropa ilda tiitase i''upta. A koddito ma qoota Waaqa a xaadi kode malla, mankisteeta itiitaawte ka a innaanno koddita.

Mataafa a Nuqussa a paayyota 3:7

Oo Waaqqo Poqallaayyo ana orxaytaayti qeette ka pakka aappinno a Taawwiti oppa nuqusumisse. Anti xoori an inna shakkaya umma atta akka sooknaan ka kullinaan an upo.

Mataafa a Nuqussa a paayyota 4:20

Samayta Yihuta isho a Isira'eeli lekuma'e hinkaajjeta daka kela'e pahan ka dammi ka ikkini ka xasoonni.

Mataafa a Nuqussa a paayyota 4:24

Selemooni katama Tiffisati paayyatte haka Kaasaati qoota mankistewwa kirra Efraatiisiti qinda dumaatetatin ca piisa mukinno malla, qinda piisanne nakayta qapnaade.

Mataafa a Nuqussa a paayyota 4:25

Parra Selemooni nuqusume piisa oppaayye Taani paayyatte haka Persapehiti'i, nama Isira'eeli isho a Yihuta ka wayneetaadi isho qoraadi a hilteeta kelandesa nakaytan qaa'ini.

Mataafa a Nuqussa a paayyota 5:4

Amma xoori Waaqa Poqallaayyo qinda piisanne ana nessishe. Umma paarkaalummaata taaki neequmta koddinitto in kitto.

Mataafa a Nuqussa a paayyota 8:56

“Waaqase kipeetase xaadi a daashe piisa qara'e samaytaadi a Isira'eeli nessishe a kalataysamo. Kippeetase xaadi paxaara a orxaytaadi Muuse qudan daashe oppaayye takka nefo in hasne.

Mataafa Otoowwa a paayyota 17:11

Oto parraatti dikkissooyye ka aappadaassin kapopa annittooyye, hellaa a kupeettaayti oppa sooke oppan takka xaasha ikka pakkaayti oppa nuqusuma anka mankisteetaadi kokkonnaysha.

Mataafa Otoowwa a paayyota 22:18

“Hela Waaqa Poqallaassin ishin olli in anne? Ka qindadda pisaayye desa ishina in nessinne? Ha Waaqa orra piisse oppa kalo harkiyyoppa'e daashe, piita ka Waaqa isho ishin samaytaadi piddamte.

Mataafa Otoowwa a lammatta 6:15

Kippeetase a' aappinno orxaytaayti Taawwiti' daasse ikkokkonnasse ka wa afaattin haasawwatte akka awwe koddite mina'e, harkaaytin dikkisse;

Mataafa Iyyoopi 34:29

Kadi jaw kidaayye, ayno isha qootisha? Kadi fuulaadi dekaayye, ayno isha akka? Hela samaytam moon nama takka?

Mataafa Masmuureta 72:1

Oo Waaqqo, dapa ka dukaata fayya' mureeta nuqusa sahatishe; ka hanqeellumaayti inna nuqusati' qootte.

Mataafa Masmuureta 72:7

Hanqeelluma ka sapanaadippaayye pooran; haka leya pirammo kara'e, nakayta ka koopa.

Xuuma Issayyaasi 26:12

Oo Waaqqo, kodinno an kodanno piisa kew ino' dikkisheey, nakayta ino' daassa.

Xuuma Issayyaasi 45:7

Anti la'aytan kooni ka tukkanta uummi, ka nakayta kooni ka neequmta uummi; anti Waaqa anaaw sede piisa kooni.

Xuuma Issayyaasi 57:19

Waaqa ikiini, “Afaa orra a pooyno oppa'en kalata xaaya; orra a pora deha isho a seka co piisa'e' nakayta ka kodda, anka ishootta dinsha.

Xuuma Issayyaasi 66:12

Maana malla Waaqa ikiini, “Tin, anti a kirra' mina'en nakayta ishina' urrqishsha ka teyanta mankistewwa a kirra immakaade' mina ishina' poota; akka amaadi luuktan ka kupeettaadi qara' amptamtan ka kilpallaadi qara' kahattan.

Xuuma Hake 2:9

Waaqase piisa ettaninno ikiini “Ulfeena tikoose a amma, ulfeena a tikase a xatta qaranne harmo' jaala, anka eeyye kara'e samaytiyyo' nakayta daasha.”

Mataafa Taanynyada 6:24

Kedewooni ka porose oppa, Waaqa'e pora kalisoota kode ka kide, “Ha Waaqa, nakayta.” Porose a kalisoota nefo haka awweti'i ofrase haminta a kafa Api'eseri koddite kara akkaanni.