Mataafa Otoowwa a paayyota 22:5 - Mataafa Qulqulloota

⁵ Taawwiti ka kide, “Tika a Waaqa qupammitto a akata paxaara, kurraadi isho ulfeenaadi ka piita piisa qara dakaanno kodda parpaaccisni. Innaayyo Selemooni xoori nama shakka umma upna in qapooy, ana we piisa ishi qobbeessa.” Ka akka kide mina'e a in toonin turanne we lekaya ishi qobbeesse.

Mataafa Otoowwa a paayyota 22:5 ပူးပေါင်းရင်းမြစ်များ

Mataafa a Nuqussa a paayyota 3:7

Oo Waaqqo Poqallaayyo ana orxaytaayti qeette ka pakka aappinno a Taawwiti oppa nuqusumisse. Anti xoori an inna shakkaya umma atta akka sooknaan ka kullinaan an upo.

Mataafa a Nuqussa a paayyota 9:8

Tikoose a qulqulloota are kitto idapatta a kapan tarpino piisa ka oppa qawwaawa ka qara lelada ka kide, “ Waaqa maana'e piisse isho tikoose a qulqulloota asse kode?”

Mataafa Otoowwa a paayyota 29:1

Sekkammaayye nuqusase Taawwiti ka xora samayta pisati kide, “Innasene xayyo Selemoonise a Waaqa reexade nama shakka umma paata kara in upooy, tikoose kutta qupammitto nefo nama qupammi in kitto ma Waaqa'e qupammiiy; semmalla kodaadi ikokkoki.

Mataafa Otoowwa a lammatta 13:7

A Roopi'aami inna Selemooni nama shakka kodde ka we mureeta ka isha isi qara oorissa ettaninni in kinniniiyyi, Iyyoorpi'aami ka xolma tooma a we nessinni in kinnini lamaya isi quda' qeede ka isha kapa mure ka qara' kokkonnaade.

Mataafa Otoowwa a lammatta 2:4

Anti amma akkan ulfeena maxxa Waaqa Poqallaayyoti tika qulqulloota qupo in dikanni. Tikase nefo akka kela tankarta alaawnitto fuulaadi tura' qayyayshan ka laaqqota xawwi reexxamte kuyyaata piisa isha tura' dehayshan ka akkimoose mina'ew kalakala ka teykanteeyye ka sampatadda isho xa'atimadda leya qaraayye ka xayso nessumadda a Waaqa Poqallaanno a upnaysame piisa oppaayye akka kela kalisoota kupannitto ishi' dehayshane'e ishi eeppisan qapa. Ini ka samayta Isira'eeliti'i taanteta a parapara' koddita.

Mataafa Otoowwa a lammatta 2:5

Waaqinno qoota Waaqadda pila' piisa qara qapo malla, tika an ishi qupno nefo a kutta'e koddita.

Mataafa Otoowwa a lammatta 2:8

Akkima orraayti qora quura saho in upaay, Lipaanoosiiyyi qoyra talta ka a pirpirta isho a sendeleeta ana' erke; orriyyo nefo orraayti olli koda koda.

Mataafa Otoowwa a lammatta 7:21

Tikoose qulqullaawte kadi punu awwe a kuttati orra qawwannittaayye, awse a kapan tarpino piisa qara tammaqa ka kida, ‘Hela Waaqa maana malla wa asse paha piitose isho tikose qara kode?’

Mataafa Isira 3:12

Qeesewwa ka Lewaata a qimte isho saarra a kaffa' qoota tikase a qulqulloota a xatta atta akka qupamte akken malla ete kiritta tikoose a qulqulloota a amma akka katame akkeneeyye, nessa kuttanne akata pooyen. Orra a taaka xoori akata ililiwni.

Mataafa Pahana 4:3

An tika aappinnoti innumoppa cooyye, aayyaanno ka ana takkayta qaptooyye,

Mataafa Dehaamta 9:10

Koda harkaayti mina' kale piisa, hupnaayti a' qapton kokkonsado ka kode; maana malla, hawlase a' karopa annitto karaayye, koda ka dikatta, taaki upna ka ookuma in caaneey.

Xuuma Issayyaasi 64:11

Tikase' xanno qulqullaawte ka paxaara, a aappadaanno kara ke kalataysaden, apittanne kupatte; porraanno a papaxxaara' piisa ka qitqiten.

Xuuma Hisqeeli 7:20

Siraasso a paxaaratinni isi jeejjini ka oppaayye killannasene xaaysho jippame ka nyale kodaden. Semmalla anti wossen xaaysho'en nyalaapa oorsha.

Xuuma Hake 2:3

‘Ishin oppaayye nama ulfeenase a xatta tikoose a qulqulloota' qapto akke ica? Amma xoori atta ishina' pahata? Ilta kela ishina' dappaawni in kitto?’”

Xuuma Hake 2:9

Waaqase piisa ettaninno ikiini “Ulfeena tikoose a amma, ulfeena a tikase a xatta qaranne harmo' jaala, anka eeyye kara'e samaytiyyo' nakayta daasha.”

Luqaasi 21:5

Orra demo, itorrinni ka kiini “Tikoose a qulqulloota, oo atta paxaari! Ha dakadda a heraan kokokkoka isho daassawwa a Waaqa daasametinne siramte;”

Yohaannisi 13:1

Tin eta, a xayso nessuma a qaran tarpeeta a orra Yihuta tura desa Yesuusi ka saateta a oppa piisse' diisho ka Waaqa Aappa kapopa aano, akkima kayte upnaade ka isasene xaadi kodde piita qara ca jaalade. Ka haka piraampirati ishootta jaalade.

Yohaannisi 3:30

Isha opeela kuttatta isha parpaaccisni, anti opa xata shakkatta ana parpaaccisni.

Yohaannisi 9:4

Kuyyaatoppaayye koda a isase ana erkeeti kodeeta ana faani; halkeetta a oppaayye nama takka nefo koda kodeeta in ettaninnini de'ay.