Mataafa Otoowwa a paayyota 22:2 - Mataafa Qulqulloota

² Taawwiti ka akka kalayta piita Isira'eeli oppa kalo ollopa halaane'e ajaje ka ishootta oppaayye akka daka tika qulqullootatin qupan faatane'e, orra a daka faanno kite.

Mataafa Otoowwa a paayyota 22:2 ပူးပေါင်းရင်းမြစ်များ

Mataafa Saamu'eeli a lammatta 5:11

Kiraami nuqusase a Tiroosi ka Taawwiti kapopa orra erke ka qora talta isho harmoota a qora ka a kawwatta erkeew, ishootta ka Taawwiti tika mankisteeta qupen.

Mataafa a Nuqussa a paayyota 6:7

Dakada a tikase a qulqullootatin qupnaane qoota porase a oppa qotamen oppa'ew laajamen malla, ete tikoose qupammittooyye, nessa purrisha taaki a urtoota taaki a meeha a silpa a pila kelaayye in dakaanne.

Mataafa a Nuqussa a lammatta 12:12

Ka orra dakadda faanno ka laajnon xaayyen ka asseew qora isho dakadda a laajame a tika qulqulloota a Waaqa harmishineetin piddini, ka kodadda a pila a tika qulqullootati parpaaccisna kamma daanni.

Mataafa a Nuqussa a lammatta 22:6

Ka akkimose mina'ew, harmoota qora laajnitto ka qupeeta qupnitto isho a dakadda xefnitto xaffalen; ka tikase a qulqulloota harmissa'e, asseew qora isho dakadda xefameetin pidden.

Mataafa Otoowwa a paayyota 14:1

Kiraami nuqusase a Tiroosi ka akka Taawwiti'i tika mankisteeta qupane'e erkamampaya ka harmoota a daka laajnitto ka a qora xefnitto isho qora talta erke.

Mataafa Otoowwa a paayyota 29:1

Sekkammaayye nuqusase Taawwiti ka xora samayta pisati kide, “Innasene xayyo Selemoonise a Waaqa reexade nama shakka umma paata kara in upooy, tikoose kutta qupammitto nefo nama qupammi in kitto ma Waaqa'e qupammiiy; semmalla kodaadi ikokkoki.

Mataafa Otoowwa a lammatta 2:16

Ino nefoow, qora a' heenta piisan irrowwa Lipaanoosi qara ke' quurra ka ollopa hiina ka pakateeta qara dakkina ka kunpaappe Iyyobepa ke lekkinna; atti ka Yursaalamipa haadattaay.”

Mataafa Otoowwa a lammatta 2:17

Selemooni ka akkima turan aappaaysho Taawwiti' kode mina'e, xaykitta a Isira'eeli kara kalo piisa ollopa dike; ikka kuma dippa kunda keni sessa ka dippa lehi kayen.

Mataafa Isira 3:7

Ka oori orra daka faanno ka harmoota qupeetati kaaja daashen. Ka akka Qiroosi nuqusa Faaresi ajaje mina'e, akka Lipanoosiyyi qora quuran ka Iyyoobepa pakateeta qaran ishootta erkane'e, orra Tiroosi isho a Sidoonati damta ka ikkayta isho Sayteeta erken.

Efesooni 2:12

Ishina sitiiyyi akka kiristoosi ka samayta Isira'eeli oppa a' qapnin ka kodeetase a kippeetati' xaykiyya kodditen ka piisse qaraayye kippeeta a' qapnin ka a Waaqa maliiyyi kallaanna' kodditen, akka Kiristoosi kapa xawwi oorten, matte oorsada.