Mataafa Otoowwa a paayyota 19:3 - Mataafa Qulqulloota

³ Saarra Amooni ka Hanuuni kidene, “Sede a Taawwiti paanitta orra ke kapopa erke, hela a aappaayshin ulfeessino ke pahata? Ha akka piitaayti kara tooyan ka lettishan ka issipa oorsadan malla.”

Mataafa Otoowwa a paayyota 19:3 ပူးပေါင်းရင်းမြစ်များ

Mataafa Saamu'eeli a lammatta 10:3

Saarra Amooneta ka Hanuuni poqallaassoti kidene, “Hela sede a Taawwiti ke xasa oorissa malla orra ke kapopa erke a aappaayshin ulfeessino ke pahanaatte? Ha akka katamaatti kara tooyan ka lettishan ka qara piran malla.

Mataafa Otoowwa a paayyota 19:2

Taawwiti ka dikade ka kide, “Aappaaysho wa paxaara'e ana kodeey, ana innaadi Hanuuni wa paxaara kodoow.” Qoota aappaaysho to'e malla Taawwiti ka akka Hanuunin paanane'e orra erke. Orrase a Taawwiti ka Hanuunin paana'e piitase a oppa co a Amooni opa aanen.

Mataafa Otoowwa a paayyota 19:4

Hanuuni ka orrase a Taawwiti erke qapsiise ka qara matta isho kawsa kooshacciise ka mehadda a kalsadene haka marsaati kamma quursiise ka ishootta kamma daane.

Mataafa Taanynyada 18:2

Semalla Taaneta ka akka aanan ka piitase lettishan ka ishootta tooyyane'e, toollaasso qaraayye orra kokokkoka nama keni issippa reexte ka katamadda Sooriya isho a Eshta'ooliti desa erkite; orrase ka piitase kunkunnawwa a Efreemi qapto opa de'e ka tika Miikkaayye muke.

Mataafa Saamu'eeli a paayyota 29:4

Ajajampaya a xela oranna Filisteemi xoori imiirooden ka Ankusi kidine, “namoose eeyye co akka ino olli oranna in tuullin ka desa in oorrin ka ino in torpnin katama ishi daasse oppopa isha tiitayshe. Isha poqallaadi olli araarama malla orrinno qara mattaada quureeta mali wa dikanna maana?

Mataafa Saamu'eeli a paayyota 29:9

Ankusi ka Taawwiti kide, “Ha atti a xayyo desa akka erkampattoota Waaqa mina akka qaja a qapnin in ke upa; ma xoori saarra oranna a Filisteemi'i ikiini, ‘Ino olli orana tuuleeta isha parpaaccisni in kitto.’