Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mataafa Otoowwa a paayyota 17:5 - Mataafa Qulqulloota

5 An Isira'eeleta Kipsi kara sookshe paayyatte haka awweti'i tukkana olliiyyin pora takka desa takkopa oore; ka pora kallaata takkaayye desa takkopa kotaane diisheey, tika kara an kallaanne.

အခန်းကိုကြည့်ပါ။ ကော်ပီ




Mataafa Otoowwa a paayyota 17:5
12 ပူးပေါင်းရင်းမြစ်များ  

Ikka taapotase a Waaqatin kalen ka tukkanase a Taawwiti ishi daape kela poraadippa xaayen. Taawwiti ka fuula Waaqa tura kalisoota kupannitto isho a takkumta dehayshe.


Kuyyaata an samayta Isira'eeli Kipsi kara sooksheeyye paayyatte haka awweti'i, tukkana kara'en kallaade ka pora kotaane diisheey, anti tika kara an kallaanne.


‘Kuyyaata an ishiiyyi samaytiyyo a Isira'eeli Kipsi kara sookshe paayyatte akka tika qulqulloota ana qupan maxxiyyo ka kara halaamo'e, katamadda kaffa Isira'eeli oppaayye takka nefo an reexanne. Ma akka samaytiyyo a Isira'eeli qara nuqusummo'en Taawwiti reexade.’


Hela dukaata'e Waaqa piita qara kallaada? Moonta moonta qaropeela kitto kuli ke in kayniniiy, tikase a qulqulloota an anti qupe desa aysha ke kayta?


Ka taapotase a kodayteeta Waaqa ka tukkanaadi isho mehaddasene qulqullaawe a kelaayye ca piisan de'en. Qeesewwa isho Lawaata ka sene piisa haaden.


Ma xoori moonta isho moontada a moonta qaropeela ca isha kayni in caaneey, ayno ishi tika qulqulloota qupa ettansha? Anti tika oppa isha tura tankarta qayyannaanen qupa diisheey, anti an ayno ka Waaqa tika qulqulloota qupa ettansha?


Hela allu dukaatanne Waaqa ipiita qara nama olli kallaada? Ma xoori moonta ka moontada moonta qaropeela ca nefo ke kayni in caaneey, ka kuli tikoose an anti ke' qupe desa atta ke' qajtaaw?


Maana malla isha ikide, ‘Hakan samaytiyyo Kipsi kara sookshe paayyatte, tika qulqulloota a maxxiyyo kara halaamo akka kara' qupamto'e katamadda kaffa Isira'eeli oppaayye takkan nefo an reexanne umma akka samaytiyyo a Isira'eeli muksho'e, nama takka nefo an reexanne;


amma xoori akka maxxiyyo kara' halaamo'e, Yursaalamin reexade ka akka samaytiyyo a Isira'eeli muksho'e, Taawwiti reexade.’


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ