Mataafa Otoowwa a paayyota 17:1 - Mataafa Qulqulloota

¹ Taawwiti ete olkela oorsade ka tikaadi a mankisteeta kara kallaannooyye, xuumampaytase Naataani'i kide, “Tin anti tika qora taltatin qupamte karan are kala; taapota kodayteeta Waaqa xoori tukkana kela kitta!”

Mataafa Otoowwa a paayyota 17:1 ပူးပေါင်းရင်းမြစ်များ

Mataafa Saamu'eeli a lammatta 12:1

Waaqa ka Naataani taawwiti kapopa erke; ikka isha kapopa aane ka ishi kide, “Katama takkan kara nama lakki kala, takka teyantoolayta takka kan teekolayta.

Mataafa Saamu'eeli a lammatta 12:25

ka xuumampaytase Nataani qudan nessa erke ka maxxa ishi kode ka kide “Yititiyya.”

Mataafa Saamu'eeli a lammatta 6:17

Ikka taapotase a Waaqatin kalen ka tukkanase a Taawwiti ishi daape kela poraadippa xaayen. Taawwiti ka fuula Waaqa tura kalisoota kupannitto isho a takkumta dehayshe.

Mataafa a Nuqussa a paayyota 1:23

Ikka nuqusa lelen ka kidene, xuumampaytase Naataani arepa de'e. Nataani ka nuqusa kapopa kulle ka fuulaadi piitan kaye ka ishi kaareeta oorshe.

Mataafa a Nuqussa a paayyota 1:44

Ha nuqusa, qeesittase Satooqi ka xuumampaytase Naataani ka Pannayyaase inna Yoodaahi ka Keletaata isho Feletaata Selemooni olli erke. Ishootta ka kaanketa nuqusa qara isha kutiishen.

Mataafa a Nuqussa a paayyota 1:8

Ma xoori eqeesittase Saadoqi ka Pannayyaasi inna Yotahi ka xuumampaytase Naataani ka Saami ka Ree'i isho tooytampayta Taawwiti Atooniyaasi quda in koddine.

Mataafa a Nuqussa a paayyota 8:17

Maxxa a Waaqa a Poqalla Isira'eeliti'i, tika qulqulloota qupeeta aappinno Taawwiti karitta kara idikade.

Mataafa Otoowwa a paayyota 14:1

Kiraami nuqusase a Tiroosi ka akka Taawwiti'i tika mankisteeta qupane'e erkamampaya ka harmoota a daka laajnitto ka a qora xefnitto isho qora talta erke.

Mataafa Otoowwa a paayyota 15:1

Taawwiti ka katamaadi kara'e, tikka qupade ka taapoteta a Waaqati pora harmishe ka tukkana ishi daape.

Mataafa Otoowwa a paayyota 16:1

Ete taapotase a kodayteeta a Waaqati kaleneeyye, tukkanase a Taawwiti ishi daape kela'e xaayen ka kalisoota kupannitto isho a takkumta fuula Waaqa tura kalshen.

Mataafa Otoowwa a paayyota 17:2

Nataani ka ishi kide, “Waaqa ke olli caay, wa dikatte piisa kode.”

Mataafa Otoowwa a paayyota 17:5

An Isira'eeleta Kipsi kara sookshe paayyatte haka awweti'i tukkana olliiyyin pora takka desa takkopa oore; ka pora kallaata takkaayye desa takkopa kotaane diisheey, tika kara an kallaanne.

Mataafa Otoowwa a paayyota 22:6

Ka innaadi Selemooni hale ka akka Waaqa Poqalla Isira'eeliti tika qupo isha ajaje.

Mataafa Otoowwa a paayyota 22:7

Ka ishi kide, “Innaayyo, anti akkan maxxa Waaqa Poqallaayyoti tika qupo karitta kara in dikade;

Mataafa Otoowwa a paayyota 28:2

Nuqusase Taawwiti ka ela qa'ade ka kide, “Hellaanno ka samaytiyyooyye anopa dakkaysada; pora oppa taapotase a kodayteeta Waaqa nessatto ka tika a kela Waaqinno loqta xaayadon qupa fade ka itturan desa meeha qobbeesse.

Mataafa Otoowwa a paayyota 29:29

Anda oppa Taawwiti nuqusumeeti paayyatte haka piraampirati'i wa kodde mataaffasene a torra a akkampaytase a Saamu'eli ka a xuumampaytase a Nataani isho a akkampaytase a Kaadi taafe qara'e taafamen.

Mataafa Otoowwa a lammatta 1:4

Seturanne Taawwiti Qiiriyaatiyaarimiiyyi taapotase a Waaqa' qeede ka tukkanase a Yursaalami kara ishi' daape ka ishi harmishe karopa kalshe.

Mataafa Sooketa 26:1

Tukkanose kaaranta kudani a xaynaata paxaara qora talpa oppa shippamte ka rufta moonta pahato ka a awla isho a tiima oppa dawamtenne koota. Harmitta ka pahana kirupeeli kaarantaddosen quda sira.

Xuuma Ermiyaasi 22:15

Hella a orra pila qaran qapto'e, sede a qora pirpirtatin tika qupatte; a sede minan nuqusa koddite ke pahata? Aappaayshin ete hanqeeta ka mura dukaata kamma aaneeyye, hela wa a dama ka ikka idape? Ha we piisa olikela ishi teye.’”

Xuuma Taani'eeli 4:4

Anti tikiyyo a mankisteeta kara'en xasan kallaanni ikka ana' ettante.

Xuuma Hake 1:4

“Hela ini eta a oppa ishina tikka papaxxaara a' qupattane' kara' kallaattane'e? Tikiyyo a qulqqulloota a qitqitte ka nama tooyyo dapte?”

Xuuma Hake 1:9

Ha ishina unta kuttayteeta' feratta dikatten, ma xoori shakkayteetaaw koddite; anka a' tikopan kalten kulippa saka dawre ikka dapatte.” Waaqase we piisa ettaninno ikiini “Maana mallan asse kode ishina' pahata? Qoota ishina piisantiiyyi tikkasene xaayshin a mattaayshina' qupatta kamma pora hirrittan, tikiyyo a qulqqulloota a qitqitte ka nama tooyyo dapte malla.

Kodampaya 7:46

Taawwiti ka fuula Waaqa' tura teyyatama teye ka akka Waaqa Yayqoopi tika kallaata' qupo'e qinseetan Waaqa kaassade.